Nie soos in iets is na die maan, bedoelende dis verby nie? Dit ook, maar na die maan. Una, ons blogmaatjie, mede Goue Vrou, is nou al vir ‘n geruime tyd ‘n maansitter. Ja, glo dit as jy wil, en as jy nie wil nie, moenie, of, glo dit maar steeds. Want dit is waar. Sy het ‘n sitplekkie op die maan! Sy klim op en af met ‘n touleer, soos die behoefte kom en gaan. Ek voel baie gemaklik daaroor, want sy hou oor ons almal ‘n ogie wanneer sy daar is.
Maar nee, die Goue Vroue issie so nie. Hulle glo aan een vir almal en almal vir een. Kort voor lank vra een van die Goue Vroue of sy maar ook mag kom sit daarbo. Natuurlik!, sê Una, ek skuif ‘n bietjie op. ‘n Ander een sê sy gaan dit dalk ook nog wil doen. ‘n Ander een fluister dat sy ook al daar sit.
Ek waarsku vir Una dat dit nie meer lank is voor almal van ons daar bo sit nie. En ek kan nie belowe dat ons sal stilbly nie. Waar het jy nou al in jou lewe ‘n spul vroumense bymekaar gesien wat stilbly? Soos in doodstil? Nee, antwoord sy, die ding is, ons sal moet stilsit! Want sê nou die maan tip? En hoe op dees aarde kry ons die maan weer terug in posisie? Nou vra ek jou dit ook? Dertien vroue, elkeen met die maan gepla, wat stilsit en stilbly?
Een vir een klim die Goue Vroue op met die touleer. Jy moet hulle sien! Appeltjie klim mooi ordentlik op. Netjies. Soos ‘n beheersde vrou dit behoort te doen. Trommeltjies is minder versigtig, ek en sy is mos darem al die Baviaansberg oor en het reeds elkeen ‘n erfie of twee daar, sommer styf teen mekaar! Vir Aalsie moes julle aanskou! Sy is mos die entoesiastiese Goue Vrou! Met entoesiasme het sy daardie touleer aangedurf en voor jy kan sê, ‘mes’, was sy al bo en het sy haar sit gekry. Scrapydo het mos kontakte met Elon Musk en sy het sommer daar uit New Zeeland, woerts met een van sy vinnige masjiene gaan land op die maan. Geen probleem vir háár nie! Tannie Frannie, grasieuse dame wat sy is, het sommer gou-gou onse Blitz gekry, vir VirgoC en WoordNoot gaan oppik en maklik die maan bereik. Sonell en Christa was baie waaghalsig en het ‘n lugballon gekry om hulle op die maan te besorg. Positief en Seegogga het ons groot vlieënde tent gebruik.
Al wat oorgebly het was ek! Ja, ek! Ek met die BAIE entoesiasme, nog ‘n groter mond, wat lyk of ek die wêreld se mannemoed het, vreeslik waaghalsig op die koop toe. Die waarheid is egter ‘n ander storie. Ek is bang. Vrek bang. Meer grootmond as grootmoed. En niemand het gedink om my met ‘n Elon Musk masjien op te tel, of Blitz te stuur, die VVVTT te navigeer tot by my of my op te pik met die lugballon nie. Want nee, dis nie hulle skuld nie, ék gaan mos sommer woerts warts met die touleer opklim. Ek bedoel, hoe moeilik kan dit nou eintlik wees? Una doen dit asof dit die kleinste ou dingetjie in die wêreld is, hoekom sal ek nie kan nie.
So, indien julle wonder waar ek is, ek staan steeds op die heel onderste sportjie van die touleer. Ek kom nie reg nie! Soos ek nou probeer opklim met hom, vou hy al weg. My lyf hang hierdie kant, my voete gaan net al hoe verder. Ek is nou al stokflou gesukkel en ek kom nie ‘n tree verder nie. En weet julle wat nog? Met die lot daar bo op die maan, wat glad nie stilbly of stilsit nie, skud die maan en natuurlik die touleer ook. Ek moet net klou vir al wat ek het! Want ek is aan die onderpunt van die tou. ‘n Effense beweginkie van die maan, is soos ‘n orkaan daar waar ek is! Una se man het nou al kom help om die maan te probeer vashou, maar dit werk ook nie.
“Hellooooooooo! Julle! Hellooooooo! Kom julle agter Toortsie is nog nie op die maan nie? Help. Heeeeeeelllllllllpppppp! Iemand! Hoooooooorrrrrrrr julle myyyyyy? Ek wil nie agterbly nie!!!!!!!”
Klink my my maantoeganery is wraggies na die maan! All dressed up and nowhere to go?
Tsk.
Toortsie
Naskrif. Nie alles my eie storie nie. Baie geleen by Una en ander Goue Vroue. Dit gebeur wanneer die Goue Vroue aan die kekkel raak. 🙂
Eks baie na aan afklim. Dan sal ek my slingervel kry en jou opskiet. Wees net bietjie geduldig
LikeLiked by 1 person
Dankie dankie! Ek weet jy sal help.
LikeLike
Of jy kan solank vir Frannie vra om vir Blitzie te stuur. Dan kan jy langer sit.
LikeLike
Nou het ek alles gehoor( gelees). Ek sit hier op my troon en ek het soveel plesier van hierdie maan ding en jy Toortsie wat nie trapplek kry nie dat ek vergeet om my besigheid op troon klaar te maak. Trompie trippel ook hier rond, hy wil ook maantoe gaan.
LikeLiked by 1 person
En ek skud van die lag vir jou en die troon!
LikeLike
Ek moes dit net vertel want dis elke oggend se plek waar ek sommer vinnig die nuutste opvang voor ek verder gaan.
LikeLiked by 1 person
😁
LikeLike
Ek ook!!! Kan nie wag om die troonkamer binne te gaan nie
LikeLiked by 1 person
😁
LikeLike
Haha, soms vergeet ek wat ek daar wou doen!
LikeLiked by 1 person
Jy sal net ‘n ogie oor Trompie moet hou, hoor! Want as hy daaaarrrr afval is dit ver! Dis nou as hy op die maan is, nie die troon nie, hoor!
LikeLike
Gelukkig is ek nie n ou wat daarvan hou om Trompman los te laat loop nie. Hy het mos nie ore as hy moet terukom nie. Haha, hy kom elke nou en dan kyk hiekom ek so lank vat! Hy weet al as ek my foontjie uit het kan hy maar eers rustig n bietjie lê en ontspan.
LikeLike
Hierdie bloginskrywing is die resultaat van ‘n gekekkel van die Goue Vroue!
LikeLike
Ek weet. Die maan storie draai in my kop om ook iets by te voeg, haha.
LikeLiked by 1 person
Jy kan gerus! Loer eers by Una en dan sit jy by. 😀
LikeLike
Ek loer jong, die tyd wat so verskil maak dat ek gedurig agter is met lesery. Ek beplan nog in my kop terwyl ek soggens loop.
LikeLiked by 1 person
Geen krisis 🙂
LikeLike
Dit krap my half om omdat ek altyd laat is met inskryf of kommentaar lewer en dan los ek dit sommer.
LikeLiked by 1 person
Jong, jy moenie dat dit jou ontstel nie. Ek isself so agter met blogs lees, dis erg!
LikeLike
Ek weet maar dis mos nou maar een van my ingedrilde opdragte dat as jy nie lees nie kan jy nie verwag dat ander jou goed lees nie! Haha, ek is darem nie heeltemaal so ernstig nie hoor.
LikeLiked by 1 person
Ek lees ook hopelik te min. Ons ingeedatum vir die vlv-artikels is ‘n bietjie aangeskuif. Dankie tog!
LikeLike
Dankie tog vir daardie aanskuif. Nou kan jy weer verder fokus op die visse.
LikeLiked by 1 person
Sug van verligting. Maar nou is ons elders en ek het sowaar die boksie met garing en naalde by die huis vergeet! Gelukkig het ek die ekstra garing wat ek gekoop het, hier. Moet nou iewers naalde gaan soek!
LikeLike
Ek het jou Ursela gelees en gesien jy het darem toe naalde kon kry.
LikeLiked by 1 person
Wat ek bedoel, is dat dit nie saakmaak as jy ‘n bietjie later lees nie.
LikeLike
Is so, ek het besluit naweke sal my leestyd wees dan kan ek rustig sit en dit doen.
LikeLiked by 1 person
Dis lekker. Ja wat, dit maak mos nie regtig saak wanneer jy lees nie.
LikeLiked by 1 person
Ek het nou so lekker hiervoor gelag, Toortsie!!🤭😂😂
LikeLiked by 1 person
Het ek nie te veel by jou geleen nie?
LikeLike
Nee, dit was die perfekte storietjie!😇
LikeLiked by 1 person
❤️
LikeLike
Jy gaan veroorsaak dat ek sommer weer aan die skryf raak.
LikeLiked by 1 person
Jy sal moet!
LikeLike
Maar intussen, stuur net iemand om my te kom haal. Ek is al stokflou gehang en gestoei met hierdie touleer! Ek kom net nie reg nie!
LikeLike
Ek sal defnitief nounou gaan skryf hoe ons jou op die maan kry, Toorts. En weer af ook, want my gesittery moet tot ń einde kom. Dink ek.
LikeLiked by 1 person
Jy kan sit solank jy wil. Hou net vir my asb ‘n stukkie kaasn! Ek is die banter after all. Banters eet kaas. En die maan is van kaas gemaak en ek mis nou die hele kaaspartytjie! Ek gaan sterf van FOMO en kaas-onttrekking!
LikeLike
Ag hoe het ek julle geniet op die maan!
LikeLiked by 1 person
Was jy dan nie ook daar nie?
LikeLiked by 1 person
Ek was! Ek het dit geniet om te hoor wat my alter ego als aanvang terwyl ek hier onder moet kophou. 🤣
LikeLike
Mooi man! My eie Alter Ego het mos nou, na 4 jaar, besluit om terug te trek. Sy het my nie gewaarsku of niks nie, iemand anders moes my attend maak daarop. Maar hier is sy, haar volle sy, moet ek jou ook sê.
LikeLiked by 1 person
Haha! Ons verwelkom haar!
LikeLiked by 1 person
Jy willie wetie!
LikeLiked by 1 person
😅
LikeLike
Hoop daar is nog maan oor as jy daar kom, ons hou almal van kaas🙈🤣🤣🤣
LikeLiked by 1 person
Dis my vrees, ja.
LikeLiked by 1 person