Aangename kennis

Op hierdie blog gesels ons oor enige ding: lawwe goed, ernstige goed, geestesgoed, godsdiens, kos, ag, net wat in ons koppe opkom!

Sedert hierdie blog se ontstaan in 2010, het hier heelwat veranderinge plaasgevind. Aanvanklik was hier net ‘n Toortsie wat geskryf het, maar intussen het Kameel ook bygekom. Kameel sê sy stap maar so deur die woestyn en juig oor elke oase op die pad. Jy kan gerus haar eerste inskrywing gaan lees waar sy haarself bekendstel, of sommer al haar inskrywings.

Toortsie sê: “Ek is so gedoop omdat ek ‘n lig moet wees. Want sien, ‘n toorts is ‘n lig, ‘n flitslig. Hoe langer ek blog, hoe meer besef ek dat my leefwêreld baie verskil van sommige van die ander bloggers, want ek woon heel in die suide van Afrika, amper in ‘n utopia! So, as ek soms die storie van ‘n ander kant af beet het, besef ek het die van die SUIDEKANT af beet!”

Bokbaaivygie is ons derde skrywer.  Soms kom wys sy vir ons haar blomme.

Hierdie is ‘n kuierblog, waar vriende saamkuier en saamklets. Dis nie ‘n ensiklopedie nie, feite kan soms skeef uitkom. Ons skryf oor die lewe soos wat ons dit ervaar, raaksien, raaklees. Jy mag van ons verskil, maar dan op ‘n ordentlike, volwasse manier.

Die blog is ook nie ‘n mediese joernaal nie. Ons skryf oor wat onsself in die lewe ervaar het, en as jy regtig mediese probleme het, is dit beter om ‘n professionele persoon te raadpleeg.

As jy ‘n ernstige Faceboeker is, besoek gerus ons fb blad en gesels ook daar saam.

Hierdie blog behoort aan God. Alles wat ons hier doen, of ons ernstig is of laf, wil ons tot Sy eer doen.

Ons hoop jy geniet die kuier by ons.

Advertisements

47 Responses to Aangename kennis

  1. Dion sê:

    Welkom hier Toortsie! Hoop jy gaan lekker helder skyn hier.

    Like

  2. Charms sê:

    Aangename kennis Toortsie.

    Like

  3. adamdubai sê:

    Hello,ek sal jou blog lees. Ek hoop dat dit sal my taal better maak. Jammer vir die vuil taal. Any way the only way to make my afrikaans better is to practice reading it.

    Like

  4. karen sê:

    Toortsie, ek het so half ‘n guns om jou te vra – ons het gister in die vak dieregedrag geleer van verskillende maniere hoe mens melkkoeie kan aanhou. Maar dis nou net in Switserland. Toe wonder ek, kan jy my dalk vertel hoe melkbeeste daar aangehou word?
    Hier is vasbinding algemeen, veral by boere wat net ‘n paar beeste het, en meestal in die berggebiede. Dis egter nie goed vir die beeste nie, want hulle is heeltyd op een plek. Daar word dan voorgeskryf dat hulle ‘n x aantal dae buite moet wees. Die toenemende tendens is loopstalle (want melkbedrywe word ook groter), waar daar ‘n eetdeel en ‘n lêdeel is, en die beeste kan rondloop op hulle eie. Dink hulle kan dan ook op die weiveld in die somer. En waar word die versies gehou? Hier word hulle in groepe in “igloes” gehou.
    Sal baie waardeer as jy vir my so bietjie informasie kan gee!

    Like

    • toortsie sê:

      Graag. As ons weiding het vir die beeste, wei hulle in groot kampe of lande. Onthou, hier by ons is RUIMTE nie ‘n probleem nie. Sekere troppe melkkoeie word wel in groot voerkampe aangehou. Maar hulle is beslis nie vasgemaak nie en daar is genoeg beweegruimte. Die meeste troppe loop op die lande. Koeie wat opgedroog is loop ook op baie groot lande. Versies word aanvanklik in klein hokkies gehou sodat hulle goed versorg kan word en sodat hulle nie mekaar kan besmet met siektes nie. Ook net vir die eerste ruk, dan kom hulle in groter kampe waar baie speelplek is. Wanneer hulle regtig mooi groot is, gaan hulle ook lande toe en wanneer hulle gereed is vir die bul, word ‘n bul by hulle gesit. Hulle bly daar totdat hulle kalf. Ek voel regtig my man kyk mooi na die diere!! 🙂

      Like

      • Petra sê:

        My wêreld.

        Ek wou op Facebook die woorde sit van “My emmertjie loop oor, my emmertjie loop oor, . . .”, toe “google dek dit soomer, hoekom sal ek nou iets oortik, toe kom ek by jou blog uit.

        Dié is die laaste liedjie op Juanita du plessis se nuwe CD “Wees Lig”. . . FANTASTIESE CD.

        Aangename kennis. Nou gaan ek eers ‘n sjokoladepoeding (probeer) bak.

        Groete
        Petra

        Like

        • toortsie sê:

          Hello! Het jy toe wel by die emmertjie se woorde uitgekom? Want iewers iewers iewers op hierdie blog, dink ek, behoort dit te wees.

          Like

          • toortsie sê:

            Ek en my plaaskinders (die werkers se kinders) sing dit vreeslik graag. Ek sal daardie CD moet kry, want ek sing dit op “hoorsê” en ek is nie so seker of ek dit altyd reg sing nie!
            My emmertjie loop oor, my emmertjie loop oor!! My emmertjie van vreugde 🙂 en van blydskap 😆 loop nou oor!!! 😉
            Dit kan maar bietjie mors, dit kan maar bietjie mors, dit kan maar bietjie mors, want die mense is so dors!! 😆

            Like

  5. Het nou sommer ‘n klomp van jou posts gelees, baie inspirerend 🙂 Dankie!

    Like

  6. Aangename kennis!
    Toortsie, baie dankie vir julle bereidwilligheid om te help met die wiegeliedjie!
    Ek las weer die skakel na die gediggie wat ek geplaas het op woes:
    http://www.woes.co.za/bydrae/gedig/lullaby
    Beste wense vir die nuwe week.

    Like

  7. Werner Olivier sê:

    Sien jou so af en toe op Attie se koffietafel blog.Ek hou nogal van jou skryfstyl en jou blog lyk baie interessant.Ons het al baie in Stilbaai vakansie gehou.Ek is n gebore Kapenaar,maar het hierbo in Pretoria groot geword.Het al verby Swellendam gery en lyk na n baie mooi deel van Suid Afrika.
    Groetnis.

    Like

  8. Christna sê:

    vertel bietjie van bokbaaivygie? dit raak nou n baie interessante kombinasie

    Like

  9. so het ek dit nou reg???? jy is of was die kameel????? ek dog die kameel is ‘n ou litnetter maar hy was ‘n hy en jy is ‘n sy!!!!!!
    ek snuffel lekker hier by jou Toortsie, of kameel!!! die lewe is ‘n lied by jou som ek so tussen die lyne op.

    Like

  10. toorts, sal jy seblief daar by my gaan lees, en ietsie los???????
    ek soek raad want ek is BANG!!!!!!!

    Like

    • Toortsie sê:

      ek soek nog die plek!! Wat is die adres?

      Like

      • dankie vir die inloer en komentaar daar by my toorst
        soms is dit goed om jou antwoorde uit ‘n ander mond, of in die geval, skrywe te kry, in die eerste plek laat dit jou stilstaan en die saak mooi van alle kante te beskou, en tweedens is dit lekker om te weet ander gee genoeg om om saam jou stil te staan by jou eenvoudige probleempie wat op daardie stadium soos ‘n berg voor jou staan

        Like

  11. Net Ek sê:

    Hi!

    Gaan kyk asb op my blog, hierdie blog is genomineer vir ietsie! 😉

    Like

  12. nowathome sê:

    Hello Toortsie! Ek blog ook hier van die suide punt van ons land af!

    Like

  13. “Stap maar so deur die woestyn en juig oor elke oase op die pad.” So mooi gestel.

    Like

  14. nowathome sê:

    Baie dankie dat jy my blog volg!

    Like

  15. aj vosse sê:

    Dankie vir die volg van OMBH. Ek hoop julle vang ‘n glimlag of drie wanneer julle ‘n draai kom maak.
    (Ek sukkel ‘n bietjie met my Afrikaans lees maar ek sal so elke nou en dan hier ‘n draai knom gooi!)
    Lekker dag daar aan die suider punt… ek verland baie dae terug!! 😉

    Like

  16. Kameel sê:

    Kyk nou is ek so deurmekaar soos kome kan. Net ‘n rukkie terug hierdie blog gelees en nie geweet hoe ek ewe skielik daarby uitgekom het nie. Hier is hy nou weer en party van die kommentare is van mense wat intussen uit ons lewens verdwyn het… en waaroor ek nog met tye wonder.

    Like

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s