Die Kameel, die Toorts en die Bokbaai….. Na aanleiding van ‘n vragie van Lekkerjeuk, “Is jy skisofrenies of drie blogs in een. Myselwers sal ek koekoes raak om daarmee kop te hou.”, skryf ek hierdie een. Diegene wie nou al lank hier lees, ken ons verhaal, maar vir die nuwes onder ons vir wie dit dalk verwarrend kan wees….
Ek, Toortsie, het die blog so 2 jaar gelede begin. Intussen het Kameel, vir wie ek nie in persoon ken nie, by verskillende blogs begin reageer in haar facebook-profiel. Ek het vreeslik gewonder oor waar hoor iemand wat nie self blog nie, van ons? Ons het met mekaar begin gesels deur fb se ‘inbox’, en later was ons selfs fb vriende. (Ek WEET ‘n mens maak nie fb vriende met mense wie jy nie ken nie!!! 😯 ) Iewers het ons ‘n aanknopingspunt gehad, en kort voor lank het ek haar genooi om hier te kom skryf.
Intussen het ek en Bokbaaivygie, ‘n vriendin uit my hoërskooljare, heerlik gesels, en hier is sy nou ook!!
Dis ‘n groot besluit om iemand te nooi om ‘n blogmaat te word. Dis amper soos ‘n huwelik. Daarom moet jy baie mooi dink voor jy dit doen. Maar ek is nie een dag spyt dat ek dit gedoen het nie. Alhoewel ons al drie se lewens totaal van mekaar verskil, ons in verskillende denominasies in die kerk is, het ons een groot gemene faktor: Ons liefde vir God. Ons vul mekaar aan. Daar is geen reël oor wanneer wie mag skryf nie. Elkeen skryf wanneer sy wil, waaroor sy wil.
Hoe doen jy dit? In die instrumentepaneel, redelik onder, is ‘n Icon, “users”. Kies Invite new. Daar vul jy die persoon se epos-adres in, ‘n boodskap vir hom/haar, en die rol wat jy vir hom/haar gee. Jy kan daar gaan lees van die verskillende rolle, maar jy kan kies tussen:
- Administrator, wie, soos jy, alles kan doen en verander op die blog. Maak maar eers seker of julle goed regkom, voor jy hom/haar ‘n administrator maak.
- Editor. Soos ek dit verstaan kan ‘n editor publiseer, verander aan enige pos, ook aan joune.
- Author. Hy/sy kan sy eie goed skryf, publiseer, verander soos hy wil, maar nie aan joune raak nie.
- Contributor. Hy kan sy goed skryf, maar jy moet dit eers goedkeur voor dit gepubliseer kan word.
- Follower. Iemand wat jou blog volg, en ingeskryf is daarvoor.
Op hierdie stadium voel ek ons blog is “vol”. Ek sal nie nog iemand bynooi nie, dan raak dit regtig verwarrend. Maar begin jou eie blog! Dis so lekker!!
Groete
Toortsie
toortsie.com 
Ek sou dit nooit kon doen nie. Seker selfsugtig, ek weet, maar my blog is my blog. Ek het al klomp mense gehelp om self een te begin, en nou is hulle baie beter bloggers as ek.
LikeLike
Absoluut ‘n persoonlike keuse of jy dit doen of nie. Daar is nie ‘n regte of verkeerde manier nie. Jy het die VOLSTE reg om jou eie blog te hê. 🙂
LikeLike
Baie dankie vir die mooi uitleg, Toortsie, met jou paraffinlampie wat orals inskyn. 🙂 Nou verstaan ek alte goed. Maar ek dink ek stem saam met Maankind dat ek liewerster hen op my eie mishoop wil wees. Dalk verander ek later van plan.
LikeLike
Jy hoef regtig nooit! Dis ‘n ding wat oor my pad gekom het, maar eintlik dink ek dis die veiligste om jou eie ding te doen .
LikeLike
Ek is baie dankbaar dat jy my hand gevat en oor die afgrond met my gespring het Toortsie. Ek wil dan nie eers alleen in die hemel inloop nie – nou een dag my vriendin gesê dit sal so lekker wees as ons hand aan hand saam daar kan instap 😉 Jy bly vir my ‘n inspirasie!!!
LikeLike
En ek is ook glad nie spyt nie, ek belowe jou dit!! Maar ek dink tog dit bly maar ‘n waagstuk….. myne het gewerk!! 😆
LikeLike
Ek geniet die diversiteit van julle drie se skrywes. Tog (soos jy skryf) is daar ‘n draadjie wat julle bind en wetend onwetend lees jy dit raak in die skrywes.
Sal ek ooit iemand laat saam skryf by my blog? Ek twyfel… Vir geen ander rede as dat my Somtyds MY Somtyds is. My stukkie selfsug leegmaak plekkie.
LikeLike
Ek gun jou dit. Regtig. 🙂 Dis iets wat sommer net oor my pad gekom het, een vinnige oomblik…
LikeLike
Is meeste kere daardie vinnige oomblik vir sommer oor jou pad gekom wat op ‘n stil manier jou lewe ingrypend vir die beter verander ….
LikeLike
Mens MAAK vriende op FB met mense wat jy nog nooit in “real life” gesien het of ken nie. Ek het gisteraand gebraai en gekuier saam met twee sulke mense, van Australie – wat nou in SA kuier. Ons het mekaar leer ken op FB, nadat daar kommentaar gelos is op ‘n YouTube wat ek gemaak is. En die snaakste ding gisteraand was – dit het gevoel of ons mekaar al jare ken. Ons het vanuit die staanspoor net gekliek.
LikeLike
dis nou interessant – dankie vir die deel.
nee wat, ek het ‘n paar facebook vriende wat so deel is van my lewe en ek het hulle nog nie in lewende lywe ontmoet nie.
dan is daar ‘n hele paar wat very dear friends in die regte lewe nou is, wat ek op facebook ontmoet het. embrace technology … 🙂
LikeLike