O genade, nee!

So iets het ek nog nie beleef nie! Toortsie se kreatiewe brein is heeltemal op hol en ek het nie ‘n idee hoe ons hom weer ingetoom gaan kry nie. En julle weet van perde en treine en osse en al daai derglike dinge, as hulle onbeheerst voorthol … maar nee, hier gaan NIE ‘n ongeluk kom nie, hoor jy? Nee!

Aan die een kant brei sy vir ‘n vale aan die outydse 1950 mansgholfhempie waaraan sy al sedert April verlede jaar brei en brei en brei en brei EN BREI! en dit voel of dit nie vorder nie. Maar skielik is die twee groot pante klaar en doen sy die moue en raai, nou gebeur dit vinnig. Daar is lig in die tonnel en dit wil net al hoe meer lyk of sy dit betyds gaan klaarkry voor Maart. As sy gelukkig is.

En dan is dit die bont skapies. Daai lap is nou sowaar heeltemal toe! Maar daar moet nog baie aan gedoen word. Skaduwees en dinge. En nee, sy trek wraggies nie nog een iets uit nie! Dit voel alreeds of sy daai lap drie maal oorgedoen het. Kan jy glo? Selfs daar is die einde van die tonnel sigbaar! Ook voor Maart moet dit klaar wees. Steeds voor Maart is die gehekelde rugsakkie vir ‘n kleuter. Die seekoeikop is darem al klaar, maar die sakkie moet nog gedoen word. In tapersseriehekelwerk …

Intussen oefen sy klassieke kitaar vir ‘n vale. Haar vingertjies frons net so af en toe vir haar. Want sien, sy moet haar dogter gaan help vir ‘n rukkie met haar musiekleerlinge. Kry gou in jou kop. Daai prentjie op die selfoon met sulke groot ogies. Ja! Oeeee maar ouma geniet dit, hoor!

En dan het Toortsie mos in ‘n oorbesige, oorwerkte ooomblik die wonderlike gedagte gekry van ‘n Banting Gewigsverlieskompetisie! Ai tog! Haar grootste vrees was dat daar net een persoon inskryf, want wie hou nou ‘n kompetisie met net een persoon? Dan eerder niemand inskryf nie. In haar hart hoop sy op drie inskrywings. As sy haarself goed strek, darem so vyf, maar sy moenie nou voorbarig wil staan en raak nie. Maar sjuut, julle moenie uitpraat nie … daardie verwagtinge is al verby gesteek, om die waarheid te sê, haar stoutste verwagtinge is oortref.

Toortsie geniet haar gate uit. Jy kan met haar toor. Eintlik ís sy getoor!

Want gister vra die orkesleier of sy nie môre eerder klavier wil speel nie, in plaas van kitaar? Natuurlik sê sy ja, hoe anders? Sy kry die liedjies en begin dit inoefen, maar haar kreatiewe brein, ek het mos gesê dis op galop … julle, haar kop is nou so vol note en vol verwerkings … ons sal nie daai trein gestop kry nie, kom ons hou maar net asem op!

Julle moet haar sien! Sy straal! ‘n Mens sou sweer sy is ‘n kat wat room gekry het!

I rest my case.

Ursula

‘n Kompetisie binne ‘n kompetisie!

Hierdie Banting Gewigsverlieskompetisie raak net al hoe opwindender by die dag! Hoor net hier: Mrs Martin’s Mikrobes wat die wonderlikste skoonmaakreeks het, bied ‘n Mrs Martin’s beginnerspak aan as prys! Die waarde daarvan is R800 en hulle sal dit self koerier na die wenner hiervan, wat die waarde van die prys R950 maak.

Maar dis nog nie al nie! Hulle bied ook ‘n kompetisie in die kleine aan vir hierdie selfde kompetisie. Hulle gaan ‘n gratis kaartjie skenk aan een van hulle kliënte (waarde R650). Noem dit nou besigheid, né?

Hoe werk mikrobes vir skoonmaak?

Mrs Martin’s skryf:

So onlangs as 150 jaar gelede het Joseph Lister eendag voorgestel dat dokters hulle hande moet was en instrumente moet steriliseer voor operasies. Die skoner teatertoestande het daartoe gelei dat prosedures oneindig suksesvoller was as voorheen. Skielik het mense verstaan hoe belangrik higiëne is. Vandag nog word gereelde was van hande ’n baie belangrike aspek van gesondbly gereken.

ALLE BAKTERIEË SKADELIK?

Maar êrens het ons alle bakterieë as ‘skadelik’ begin aanskou. Oormatige gebruik van anti-bakteriële middels uitwendig, en antibiotika inwendig, het wel aansteeklike siektes laat minder word, maar nou sit ons met allergieë en outo-immuunsiektes en wonder hoekom. Nuwe navorsing dui al hoe meer op hoe voordelig meeste bakterieë regtig is, en hoe kompleks jou verhouding met jou eie mikrobioom is.

WAT IS BAKTERIEË EINTLIK?

Bakterieë is eintlik mos eensellige fabrieke. Hulle gebruik die boustowwe wat hulle in hulle omgewing vind, om allerhande nuttige samestellings te vervaardig. Ons gebruik reeds bakterieë om goed soos antibiotika, vitamines, proteïene, inentings en ensieme vir ons te vervaardig.

Afval word ook baie doeltreffend deur bakterieë afgebreek. Wanneer ’n besoedelde area deur mikrobes herstel word, word dit bioremediëring genoem. Miskien het jy al gelees van groot olie-stortings soos die Exxon Valdez (wat 380 miljoen liter olie in die see gestort het), of die Deepwater Horizon boor (wat 800 miljoen liter olie gelek het). Omdat ru-olie ín die natuur voorkom en soms in die see inlek deur die seebodem, is daar reeds bakterieë in die see wat die koolwaterstowwe in ru-olie, kan verteer. Wat opruimwerkers moes doen, was om hierdie bakterieë se getalle groter te maak deur nog daarvan in die see te spuit. Dit word biologiese aanvulling genoem.

INHEEMSE BACILLUSBAKTERIEË

Hier in Suid-Afrika is daar al meer as ’n dekade gelede besef dat bakterieë wat behoort tot die bacillus genus, baie nuttig aangewend kan word. Bacillus bakterieë is staafvormige, aerobiese bakterieë wat spore vorm. Die spore is bestand teen hitte, koue, bestraling en uitdroging asook ontsmettingsmiddels. Dit beteken hulle is nuttig as aktiewe agente in skoonmaakmiddels.

Beide die beginsels van bioremediëring en biologiese aanvulling word ingespan. Kom ons dink aan ’n stortvloer. Die goeie bacillusbakterieë is klaar teenwoordig op jou stortvloer. Jy kan dit nie help nie en dit beteken nie jy is vuil nie. Hulle is daar omdat bakterieë oral is en omdat daar vir hulle kos is. In plaas daarvan om daarteen te stry en jou stort steriel te probeer kry (onmoontlik, want die lug is ook vol bakterieë; onnodig, want dis nie skadelik vir jou nie!), kan jy die beginsel van biologiese aanvulling toepas. Gebruik ’n skoonmaakmiddel wat die populasie aanvul!

Ek gebruik al ‘n geruime tyd Mrs Martin’s se mikrobes in my huis en dis regtig lieflike produkte. Baie dankie vir hierdie wonderlike prys. Ondersteun gerus hierdie borg.

Vir meer inligting rakende die kompetisie en die inskrywingsvorm, kliek op die gemerkte woorde. 

Kyk gerus HIER indien u meer van my skrywes oor die keto-leefstyl wil lees.

Groete,

Toortsie

Vir meer inligting rakende die kompetisie en die inskrywingsvorm, kliek op die gemerkte woorde. 

Kyk gerus HIER indien u meer van my skrywes oor die keto-leefstyl wil lees.

Hierdie bloginskrywing het oorspronklik verskyn in Toortsie se Ketoblog, ‘n blog waar daar net oor Banting, of Keto, of LCHF, en diabetes geskryf word.

Skilderye en wyn hoort mos saam!

Skilderye en wyn hoort mos saam!

Rita Oatway is ‘n skilder wat sowaar ‘n skildery aangebied het as prys vir die Banting/Keto Gewigsverlieskompetisie wat loop vanaf 1 Februarie tot 30 April 2022.

Ek is bly om te kan sê dat daar al heelwat inskrywings ingekom het en dat die mense vuur en vlam is om te begin. Ek glo dat die ondersteunende groep deelnemers vir mekaar goed sal wees en dat almal verryk sal word.

Rita sê:

Op 14 Februarie 2012 (ja, ‘n dekade gelede) is ek die eerste keer aan kuns voorgestel . My heerlike kunsreis het daardie warm dag afgeskop.
Met meer entoesiasme as vaardigheid het ek nie alleen my passie gevind nie, maar dit daagliks begin uitleef.
Ek kan as ‘n ‘late bloomer ‘ beskou word, want ek was al 55.
Vandag is ek ‘n senior burger (hoe waardig klink dit nou skielik) met die opgewondenheid van ‘n kind. Elke dag is dit ek by die esel. Of by my werkstafel waar ek aan my journaalboeke werk. Saans skets ek, want ‘n skilder moet skets, glo ek.

Die wenner van ‘n skildery van Rita Oatway mag kies uit hierdie twee, of, as jy nie hiervan hou nie en jy kan na haar toe gaan, selfs ‘n ander een. Maar verkieslik een van hierdie:

Blomme collage en akriel op canvas. 60cm (h) x 42 (b).
Weskushuisie. Olie op canvas . 46cm (h) x 41cm (b)

Is dit nie ongelooflik mooi nie? As jy nog van Rita Oatway se pragtige skilderye wil loer, kontak haar gerus by 079 497 6931

En wyn! Wie hou nie van ‘n glasie wyn nie? Die goeie nuus is dat Rooiberg Kelders daar in die Robertson area vir een van die deelnemers ‘n wynboksie gaan skenk. Is dit nie tog te lekker nie? Loer gerus op hulle webblad watter lieflike wyne hulle alles het.

Baie dankie vir hierdie twee borge! Ons ander? Kom ons ondersteun hulle!

Vir meer inligting rakende die kompetisie en die inskrywingsvorm, kliek op die gemerkte woorde. 

Kyk gerus HIER indien u meer van my skrywes oor die keto-leefstyl wil lees.

Toortsie

Hierdie bloginskrywing het oorspronklik verskyn in Toortsie se Ketoblog, ‘n blog waar daar net oor Banting, of Keto, of LCHF, en diabetes geskryf word.

Lekkerleesstories

Hierdie is ‘n bloginskrywing wat voorheen gepubliseer was, wat ek nou opdateer het. Intussen het nog mense my genader om hulle te help om hulle stories as e-boeke te publiseer. Hierdie is ‘n lys van al die boeke en e-boeke wat reeds beskikbaar is.

Hou hierdie spasie dop, hier kom gereeld boeke by!

Die Groen Mouter & ander kortverhale – deur Frik Stoffberg

Frik Stoffberg is ‘n storieverteller soos min. In hierdie kortverhaalbundel neem Frik Stoffberg ons op ’n komiese wyse terug na die oudae en die oudae se stories. Frik Stoffberg se lekker, informele geselstrant maak hierdie kortverhale ’n plesier om te lees. Beslis lekker leesstof!

Laai die gratis e-boek hier af.

Skoolstories 1969 – 1980 Bredasdorp

Hierdie boek is geskryf deur die groep klasmaats wat in 1969 skool toe is en in 1980 matriek geskryf het. Bredasdorpstories. In hierdie bundel is die onthoustories van ‘n paar van die klasmaats opgeneem. Op ‘n humoristiese manier vertel hulle dinge wat hulle ervaar het en spot hulle baie keer met hulleself. Dit is beslis ‘n lekkerleesboek.

Skrywers: Adri Aggenbach de Kock, Deon Gouws, Jacques Swart, Kosie Blom, Leana van Deventer Smit, Lucy Steyn Brink, Mabeth Knipe Janse van Rensburg, Madelé de Wet Burger, Nicoleen Swart du Plessis, Ronel le Roux Cilliers, Sal Lourens.

Laai die gratis e-boek hier af.

Boeke deur Madelé Burger

  1. Toortsie se Bantingboerekos (Toortsie 1)

Meer as 2 800 boeke verkoop in Afrikaans en Engels!

Toortsie se Bantingboerekos is meer as net ‘n resepteboek. Dit bevat smaaklike, vinnige en maklike resepte wat in gewone huise met gewone bestanddele gemaak kan word. Al hierdie resepte is geskik vir die Bantingleefstyl, vir Keto, Paleo, LCHF. Selfs diabete kan baat vind by hierdie resepte en alle mense wat hou van lekker eet. 

Toortsie vertel ook haar verhaal, haar reis sedert sy in Julie 2014 begin het om die Bantingeetplan te volg. 

Dis ‘n lekker leesboek tesame met ‘n resepteboek. 

Bestel die gedrukte boek direk by Madelé Burger by 082 563 8351 of e-pos na: madeleburger@gmail.com. Ook beskikbaar by bidorbuy.co.za.

2. Toortsie’s Banting Bash! (English version of Toortsie se Bantingboerekos)

Nearly 500 copies sold in English. 2800 copies sold in Afrikaans and English.

Toortsie’s Banting Bash! is more than just a recipe book. It is full of quick, easy and tasty recipes you can make in an ordinary kitchen using ordinary ingredients. All of the recipes are suitable to the Banting lifestyle. 

Toortsie also tells her story, her journey since starting the Banting eating plan in July 2014.

It’s not just a recipe book, it’s also a great read!

Madelé Burger is a mother, a grandmother and a farmer’s wife. She lives in the Overberg with her husband and they run a mixed farming operation. She is involved in the farm’s administrative work. 

This book is suitable for LCHF, Keto, Banting, Paleo and diabetes that follows the LCHF lifestyle. Also for people who loves nice food. 

Madelé loves people and she lives life to the full. She loves to travel and enjoys being outdoors. She writes about everyday things on her blog, about children, about life, and about her relationship with God. 

Her culinary experience comes from 30 years’ worth of cooking for her family. 

The book is available in print and as an e-book. 

Order the printed book directly from Madelé Burger at 082 563 8351 or e-mail to: madeleburger@gmail.com. It is also available at Bidorbuy.

Buy the e-book from Smashwords.com

Farmgirl from South Afrika

3. Hier’s die Toortsie weer! (Toortsie 2)

Toortsie is ‘n liggie en in hierdie boek skyn haar liggie weer eens op die Bantingleefstyl.

Ná die formidabele sukses van haar eerste boek, Toortsie se Bantingboerekos, was ‘n tweede resepteboek die natuurlike uitvloeisel daarvan. Hierdie boek bevat meer as sestig nuwe, maklike en geurige resepte, asook eenvoudige raad om die Bantingleefstyl met gemak te volg. 

Hier’s die Toortsie weer! is ‘n boek wat in elke kombuis sy plekkie sal volstaan. By Banters sowel as nie-Banters. Al die resepte in hierdie boek is geskik vir die LCHF-leefstyl: Banting, Paleo, Keto. Ook vir diabete wat hierdie leefstyl volg. Dit is ook uiters geskik vir almal wat hou daarvan om lekker te eet. 

Bestel die gedrukte boek direk by Madelé Burger by 082 563 8351 of e-pos na: madeleburger@gmail.com. Ook beskikbaar by bidorbuy.co.za.

4. Toortsie 3, is dit nie? (Toortsie 3)

Toortsie is geen onbekende naam meer in die hoëvetlaekoolhidraatkringe nie. Toortsie3, is dit nie? is die derde boek in die baie suksesvolle reeks resepteboeke uit die pen van Madelé Burger. Net soos in die vorige boeke in die reeks, is die kos smaaklik en die resepte eenvoudig en maklik om te maak. Die kos is ryk en lekker en geskik vir enige persoon wat hou van lekker eet en vir al die hoëvetlaekoolhidraatdissiplines soos Banting en Keto. Al Toortsie se resepte is glutenvry. 

Bestel die gedrukte boek direk by Madelé Burger by 082 563 8351 of e-pos na: madeleburger@gmail.com. Ook beskikbaar by bidorbuy.co.za.

5. Toortsie se Soetighede

Madelé Burger, oftewel Toortsie, is ‘n boervrou, ma, ouma. Sy is lief daarvoor om te woel in haar kombuis. Sy volg sedert Julie 2014 die Bantingleefstyl en het reeds twee resepteboeke vir die Lae Koolhidraat Hoë Vet leefstyl suksesvol uitgegee. Hierdie boek bevat die soetighede wat in haar twee boeke voorkom. 

Die resepte is geskik vir LCHF, Banting, Keto, Paleo en vir diabete wat die LCHF-leefstyl volg. Dit is ook ideaal vir almal wat daarvan hou om lekker te eet.

Laai die GRATIS e-boek by Smashwords af.

Bestel die gedrukte boek direk by Madelé Burger by 082 563 8351 of e-pos na: madeleburger@gmail.com. Ook beskikbaar by bidorbuy.co.za

6. My kinderjare met betrekking tot vandag

Madelé Burger, oftewel Toortsie, is ‘n flitsliggie wat oral inskyn. In hierdie boek laat Madelé haar flitsliggie skyn op haar kinderjare en die manier waarop dit betrekking het op haar lewe as volwassene. Op ‘n humoristiese wyse vertel sy dinge wat sy beleef het en spot sy ook met haarself en die res van haar gesin. Is die boek ‘n outobiografie? ‘n Memoir? Besluit self! Wat dit wel is, is eerlik, vinnig en binne karakter. 

Madelé is ‘n dogter van die Overberg, gebore en getoë in Bredasdorp. Sy vertel storietjies uit haar lewe op die plaas, die skool en koshuis en kleur dit in met stories uit haar volwasse lewe. 

Sy het reeds twee resepteboeke, geskik vir die Bantingleefstyl, suksesvol uitgegee, naamlik Toortsie se Bantingboerekos en Hier’s die Toortsie weer. Toortsie se Bantingboerekos is ook in Engels uitgegee onder die naam Toortsie’s Banting Bash!

Madelé Burger is ‘n ma, ouma, huisvrou en boervrou. Sy en haar mna, Kobus, woon in die Overberg. Madelé is lief vir mense en leef die lewe voluit. Sy reis graag en geniet dit baie om in die natuur te wees. sy skryf in haar blog, toortise.com, oor alledaagse dinge, kinders, die lewe en haar verhouding met God. 

Bestel die gedrukte boek direk by Madelé Burger by 082 563 8351 of e-pos na: madeleburger@gmail.com. Ook beskikbaar by bidorbuy.co.za

……………………………..

Die Goue Vroue

‘n Groep vroue, die Goue Vroue, woon regoor die wêreld en skryf in Afrikaans. Hulle skryf saam vervolgverhale en in hulle verbeeldingswêreld leef hulle in die magiese dorpie, Rebusfontein, iewers in Suid-Afrika.

Goue Vroue in Wonderland – deur die Goue Vroue

’n Groepie Towerinne beland in ’n storieboekavontuur. Tydens die ontrafeling van die verhaal ontdek hulle elkeen hulle Goue Eienskap wat van hulle die Goue Vroue maak.

In hierdie verhaal word ‘n groepie van die Towerinne “Goue Vroue”.
‘n Lekkerleesboek vir volwassenes met kinderharte.

Hierdie boek is geskryf deur: Aalsie, Appeltjie, Christa, Positief, Seegogga, Tannie Frannie, Toortsie, Una, Woordnoot.

Laai die gratis e-boek hier af.

Goue Vroue in Jumanji

Die Goue Vroue was weer op een van hulle vele wonderlike avonture – hierdie keer in die oerwoud in Afrika. Soos dit altyd met die Goues die geval is, is hierdie geen uitsondering nie en was dit ’n avontuur gevul met opwinding en gevaar. Adrenalienbelaai. Die dames het soms tuimelend bo-oor mekaar rondgeval, ander kere gillend vasgeklou vir lewe en dood! Op die ou end, soos nog altyd vantevore, het hulle die Jumanji-uitdaging met vlieënde vaandels geslaag.

Skrywers: Antoinnette Goosen, San Dreyer, Anna-Marie Groenewald, Tannie Frannie, Madelé Burger, Hannelie Raath, Una Steenkamp, Carien Steenkamp, Ria Fourie.

‘n Lekkerleesboek vir volwassenes met kinderharte.

Laai die gratis e-boek hier af.

……………..

Kyk ‘n bietjie watter oulike e-boeke alles by Smashwords te koop is.

Toortsie

Soos ‘n kindjie

Vandag bly die prentjie in my kop van ‘n dogtertjie wat langs haar pappa stap, haar hand veilig in sy hand. En ek sien my eie pappa langs my en dink hoe verskriklik veilig ek altyd by hom gevoel het.

Photo by Paweu0142 L. on Pexels.com

Sien, ek is ‘n impulsiewe persoon wat baie keer eers doen voor ek dink en lank nadat my doen reeds aan die gang is, die dink inskop. En wanneer ek op my besigste is en regtig geen tyd het nie, is dit of die impulsiwiteit sommer vlam vat en die idees gebeur en ek doen, doen, doen … en later dink.

So kry ek verlede week een aand skielik die gedagte van die gewigsverlieskompetisie gegrond op die Bantingleefstyl waarvan julle nou al tot vervelens gehoor het. Onmiddellik is my gedagtes aan die gang: Hoe kan ‘n mens dit doen? Binne sekondes is dit redelik presies uitgewerk in my kop met net hier en daar ‘n vraagteken – hoe weet ek die persone praat die waarheid oor die begingewig?

Ek vra vir my man wat hy dink, en anders as soveel kere wat hy maar net die gedagte laat verbygaan, antwoord hy, nes my pa my destyds geantwoord het toe ek iets wou doen en ek sy opinie gevra het: “Hoe sal jy weet as jy nie probeer het nie?”

Ek stuur net daar ‘n paar whattsapps uit vir mense om te bedel vir pryse, sit die moontlikheid op faceboek en daar is die bal aan die rol en soos die tyd aanstap word dit verfyn.

Maar ja, die mense skryf sowaar in! Nou nie in hulle honderde nie, maar al heeltemal genoeg om ‘n volwaardige kompetisie aan die gang te sit. En ek staan in verwondering.

Want sien, my hand is mos in die Groot Hand. En nee, ek het nie vooraf eers vir Hom gevra wat Hy daarvan dink nie, maar ek het wel al vir Hom gevra om my hiermee te help en dat dit suksesvol sal wees, veral noudat mense inskryf.

En ek voel veilig daar met my handjie in die Groot Hand. Nes ‘n kindjie wat net moet saamstap. My werk is om my deel te doen na die beste van my vermoë en verder op Hom te vertrou. Kalm in die wete dat Hy die beste weet. Intussen kan ek wag vir ‘n klomp lekker verrassings.

En sou daar niemand inskryf nie, was dit ook nie die einde van die wêreld nie. Maar dit lyk my of Hy my wil gebruik om mense te help, of hoe?

Toortsie