Vraag van die dag: Is jy ‘n kreatiewe persoon?

The Pointless Overthinking Blog ask:

Are you a creative person?  If so, what do you do?  Do you blog, paint, compose music, philosophize, or have some other creative pursuit?

I’m going to answer in Afrikaans, my home language and I’m sure that Google Translate can help you with the translation, because I’m so much more comfortable to write in my home language.

Ja, ek dink beslis dat ek ‘n kreatiewe persoon is. Vir soveel jare het ek my kreatiwiteit onderdruk. Ek het selfs nie in kreatiwiteit studeer nie, maar in die harde wêreld van Handel en Nywerheid. Tog is dit iets waaroor ek geensins spyt is nie. Maar altyd het die kreatiewe sy my geroep, gevra om aandag.

Soos op universiteit het ek by ‘n B Mus vriendin klavier geneem en al die jare daarná het ek, wanneer die tyd en finansies my toegelaat het om ‘n paar rand af te knyp, weer klavier, kitaar en selfs ‘n bietjie blokfluit te neem. En les te gee vir kinders. En vroeër jare kore te begelei, iets wat ek later so opgemors het oor verhoogvrees, bloot omdat ek dit nie meer genoeg gedoen het nie. Ek leef steeds my musiekliefde uit deur die graagste sommer by myself vir die Here te sit en speel en dis dán wat ek kreatief raak in my spel, daar waar niemand anders luister nie.

Toe my kinders nog klein was, het ek baie klere gemaak om hulle lyfies toe te hou. Vandag geniet ek brei, hekel en borduur baie, maar wil altyd een of ander kreatiewe klip in die bos gooi, iets wat die ander mense nie altyd verstaan nie. Dit kan selfs konflik in my hart bring tussen die gehoorsame ek wat die reëls moet volg en die kreatiewe ek wat al vir jare skree om uit te kom. Juis, tydens so ‘n konfliktyd, beland ek in ‘n eetplek waar al die prente teen die mure deur kreatiewe persone gedoen is en ryklik met kleur gespeel het … en ek besef … ek is dalk nie heeltemal so verkeerd nie.

Kleur doen iets aan my. Dit laat my lewe, dit stimuleer my. Net soos klank. Ek reageer op klank. Ek het byvoorbeeld houtvloere bó die moderne vloerbedekkings verkies omdat ek van die klank van hout hou.

Ek is ook kreatief deur te skryf op my blog en om kleurvolle resepteboeke te publiseer. Deur kreatief te wees, deur my eie kreatiwiteit toe te laat om tot uiting te kom, gee vir my lewe, laat die bloed in my are bruis. En ek hou nie van bietjies kleur nie, ek hou van overdaad. Want MORE IS MORE.

En, alhoewel ek aan kompetisies deelneem, is die groot vraag nie of ek die prys gewen het nie, natuurlik is dit lekker as ‘n mens wen, maar of ek getrou aan my hart en myself was en of ek dit geniet het. Dís wat my hart laat klop. Het ek dit geniet? Was dit lekker om te doen? Stimulerend?

Toortsie

Nog lekkerlees stories

Nádat ek destyds my eie kinderjare neergeskryf het en gesien het wat dit vir my as persoon beteken, hoeveel vreugde dit vir my verskaf en ook die positiewe terugvoer wat ek kry van lesers, tesame met ons Goue Vroue wat ‘n e-boek uitgegee het en ek die genot daarvan ervaar het, het ek nog ‘n plan in my kop gehad. Ons het ‘n Whattsappgroepie vir almal wat een of ander tyd saam met ons in die klas was op skool. Of dit nou slegs vir ‘n jaar was en of dit ons hele skoolloopbaan was. Wat ‘n heerlike groep mense! Ek het voorgestel dat ons ons onthoustories van skooldae moet neerpen en ek sou dan ‘n e-boek daarvan maak. ‘n Klompie persone het gereageer en die heerlikste, lekkerlag stories geskryf en vir my gestuur. En hier is ons boekie!

Jy kan maak wat jy wil, dit bly élke keer lekker. Hierdie e-boek is gratis beskikbaar en jy kan gerus joune gaan aflaai by Smashwords.com. Die boek is in ‘n groot verskeidenheid e-boekformate beskikbaar, soos EPUB, Kindle, PDF. Kry gerus joune en as jy dit geniet, stuur sommer vir jou vriende ook die skakel. Dit is HIER te kry.

Hierdie week moet ek nou werk maak daarvan om my Toortsie 3, is dit nie? af te handel sodat dit finaal geproeflees kan word en na die grafiese kunstenaar kan gaan om gefinaliseer te kan word. Genade! Só kan ‘n mens darem nie draai nie! Dis minder as ‘n DAG SE WERK wat vir my oor is voor ek dit kan aangee! As ek nog ‘n keer by my haarkapster moet kom en sê dat dit nog nie klaar is nie, skaam ek my dood!

En terwyl ek nou spog met die nuwe boekie, hier is die ander boeke wat steeds beskikbaar is.

  1. Toortsie se Bantingboerekos (Toortsie 1)

Meer as 2 800 boeke verkoop in Afrikaans en Engels!

Toortsie se Bantingboerekos is meer as net ‘n resepteboek. Dit bevat smaaklike, vinnige en maklike resepte wat in gewone huise met gewone bestanddele gemaak kan word. Al hierdie resepte is geskik vir die Bantingleefstyl, vir Keto, Paleo, LCHF. Selfs diabete kan baat vind by hierdie resepte en alle mense wat hou van lekker eet. 

Toortsie vertel ook haar verhaal, haar reis sedert sy in Julie 2014 begin het om die Bantingeetplan te volg. 

Dis ‘n lekker leesboek tesame met ‘n resepteboek. 

Bestel die gedrukte boek direk by Madelé Burger by 082 563 8351 of e-pos na: madeleburger@gmail.com. Ook beskikbaar by bidorbuy.co.za.

2. Toortsie’s Banting Bash! (English version of Toortsie se Bantingboerekos)

Nearly 500 copies sold in English. 2800 copies sold in Afrikaans and English.

Toortsie’s Banting Bash! is more than just a recipe book. It is full of quick, easy and tasty recipes you can make in an ordinary kitchen using ordinary ingredients. All of the recipes are suitable to the Banting lifestyle. 

Toortsie also tells her story, her journey since starting the Banting eating plan in July 2014.

It’s not just a recipe book, it’s also a great read!

Madelé Burger is a mother, a grandmother and a farmer’s wife. She lives in the Overberg with her husband and they run a mixed farming operation. She is involved in the farm’s administrative work. 

This book is suitable for LCHF, Keto, Banting, Paleo and diabetes that follows the LCHF lifestyle. Also for people who loves nice food. 

Madelé loves people and she lives life to the full. She loves to travel and enjoys being outdoors. She writes about everyday things on her blog, about children, about life, and about her relationship with God. 

Her culinary experience comes from 30 years’ worth of cooking for her family. 

The book is available in print and as an e-book. 

Order the printed book directly from Madelé Burger at 082 563 8351 or e-mail to: madeleburger@gmail.com. It is also available at Bidorbuy.

Buy the e-book from Smashwords.com

Farmgirl from South Afrika

3. Hier’s die Toortsie weer! (Toortsie 2)

Toortsie is ‘n liggie en in hierdie boek skyn haar liggie weer eens op die Bantingleefstyl.

Ná die formidabele sukses van haar eerste boek, Toortsie se Bantingboerekos, was ‘n tweede resepteboek die natuurlike uitvloeisel daarvan. Hierdie boek bevat meer as sestig nuwe, maklike en geurige resepte, asook eenvoudige raad om die Bantingleefstyl met gemak te volg. 

Hier’s die Toortsie weer! is ‘n boek wat in elke kombuis sy plekkie sal volstaan. By Banters sowel as nie-Banters. Al die resepte in hierdie boek is geskik vir die LCHF-leefstyl: Banting, Paleo, Keto. Ook vir diabete wat hierdie leefstyl volg. Dit is ook uiters geskik vir almal wat hou daarvan om lekker te eet. 

Bestel die gedrukte boek direk by Madelé Burger by 082 563 8351 of e-pos na: madeleburger@gmail.com. Ook beskikbaar by bidorbuy.co.za.

4. Toortsie se Soetighede

Madelé Burger, oftewel Toortsie, is ‘n boervrou, ma, ouma. Sy is lief daarvoor om te woel in haar kombuis. Sy volg sedert Julie 2014 die Bantingleefstyl en het reeds twee resepteboeke vir die Lae Koolhidraat Hoë Vet leefstyl suksesvol uitgegee. Hierdie boek bevat die soetighede wat in haar twee boeke voorkom. 

Die resepte is geskik vir LCHF, Banting, Keto, Paleo en vir diabete wat die LCHF-leefstyl volg. Dit is ook ideaal vir almal wat daarvan hou om lekker te eet.

Laai die GRATIS e-boek by Smashwords af.

Bestel die gedrukte boek direk by Madelé Burger by 082 563 8351 of e-pos na: madeleburger@gmail.com. Ook beskikbaar by bidorbuy.co.za

5. My kinderjare met betrekking tot vandag

Madelé Burger, oftewel Toortsie, is ‘n flitsliggie wat oral inskyn. In hierdie boek laat Madelé haar flitsliggie skyn op haar kinderjare en die manier waarop dit betrekking het op haar lewe as volwassene. Op ‘n humoristiese wyse vertel sy dinge wat sy beleef het en spot sy ook met haarself en die res van haar gesin. Is die boek ‘n outobiografie? ‘n Memoir? Besluit self! Wat dit wel is, is eerlik, vinnig en binne karakter. 

Madelé is ‘n dogter van die Overberg, gebore en getoë in Bredasdorp. Sy vertel storietjies uit haar lewe op die plaas, die skool en koshuis en kleur dit in met stories uit haar volwasse lewe. 

Sy het reeds twee resepteboeke, geskik vir die Bantingleefstyl, suksesvol uitgegee, naamlik Toortsie se Bantingboerekos en Hier’s die Toortsie weer. Toortsie se Bantingboerekos is ook in Engels uitgegee onder die naam Toortsie’s Banting Bash!

Madelé Burger is ‘n ma, ouma, huisvrou en boervrou. Sy en haar mna, Kobus, woon in die Overberg. Madelé is lief vir mense en leef die lewe voluit. Sy reis graag en geniet dit baie om in die natuur te wees. sy skryf in haar blog, toortise.com, oor alledaagse dinge, kinders, die lewe en haar verhouding met God. 

Bestel die gedrukte boek direk by Madelé Burger by 082 563 8351 of e-pos na: madeleburger@gmail.com. Ook beskikbaar by bidorbuy.co.za

Madelé Burger Bio

Madelé Burger is ‘n ma, ‘n ouma, ‘n boervrou en woon saam met haar man op hulle plaas in die Overberg. Hulle het ‘n gemengde boerdery. Sy is betrokke by die administratiewe werk van die boerdery. 

Sy het ‘n B Comm-graad en HOD aan die Universiteit van Stellenbosch, diplomas in Christelike Nood- en Traumaberading en Bybel- en Godsdienskunde aan die Hugenote Bybelinstituut, asook ‘n sertifikaat in vervoerekonomie aan die Universiteit van Johannesburg verwerf. Sy is ook ‘n Transformasie Gebedsbediening (TPM – Transformation Prayer Ministry) fasiliteerder. 

Madelé is lief vir mense en leef die lewe voluit. Sy reis graag en geniet dit baie om in die natuur te wees. Sy skryf op haar blog oor alledaagse dinge, kinders, die lewe en haar verhouding met God. 

Haar kosmaakondervinding kom uit meer as dertig jaar se kook vir haar gesin. Sy volg die Bantingleefstyl sedert Julie 2014.

……………………………..

Madelé is deel van ‘n groep vroue, die Goue Vroue, wat regoor die wêreld woon en in Afrikaans skryf. Hulle skryf saam vervolgverhale en in hulle verbeeldingswêreld leef hulle in die magiese dorpie, Rebusfontein, iewers in Suid-Afrika. Die volgende gratis e-boek wat by Smashwords.com afgelaai kan word, is een van hulle vervolgverhale:

Goue Vroue in Wonderland – deur die Goue Vroue

’n Groepie Towerinne beland in ’n storieboekavontuur. Tydens die ontrafeling van die verhaal ontdek hulle elkeen hulle Goue Eienskap wat van hulle die Goue Vroue maak.

In hierdie verhaal word ‘n groepie van die Towerinne “Goue Vroue”.

Hierdie boek is geskryf deur:
Aalsie 
Appeltjie 
Christa 
Positief 
Seegogga 
Tannie Frannie
Toortsie 
Una 
Woordnoot 

……………..

Kyk ‘n bietjie watter oulike e-boeke alles by Smashwords te koop is.

Toortsie

Ons familie swem nie eintlik nie

Ja, daar is van ons wat swem, maar ek hou glad nie van swem nie en my pa het nie eers met sy voete in die water geloop of visgevang nie. Dis eintlik ‘n skande as jy daaraan dink dat ons omtrent teen die see gewoon het en my ma tog baie lief was vir swem. Maar nee, my oom het verdrink en daarom is ons almal nou bang vir water. En net indien jy wonder, dit was laaaaank voor my geboorte, my pa was maar ‘n skrale 5 jaartjies oud. En nee, oom Daantjie het nie geswem en verdrink nie. Hy het visgevang toe ‘n fratsgolf hom in die see ingeslaan het en te pletter teen die rotse en hulle nooit sy liggaam kon vind nie. Sies tog, dit moes ‘n groot skok vir my oupa-hulle wees wat toe sekerlik maar gekeer het dat hulle kinders onnodig in die water ingaan.

So kyk ek baie keer hoe ander mense hulleself in die swembad of see geniet, maar die moed is net nie genoeg om self ook in te klim nie, selfs al is die lus daar. En as hulle my nog natspat of net waag om aan my te raak, raak die angsvlakke so hoog, ek klim sommer uit.

‘n Belaglike opmerking wat iemand vir my op die verkeerde tyd gegee het, het my laat wonder hoekom dit my so ontstel en ek ondersoek dit toe maar op my ou manier: TPM (Transformation Prayer Ministry). Soos ek al voorheen gesê het, is TPM ‘n voordurende proses wat iemand wat die proses aangeleer het, ook op homself kan toepas. En dit is nie altyd die voor die hand liggende goed wat uitspring nie, maar soms dinge wat jy nie eers geweet het bestaan nie. En God praat met elke persoon op Sy eie manier, soms op regtig vreemde maniere.

In my TPM-gesprek met God kom ek uit by ‘n vreemde leuen: Onbevoeg, en dat ons familie nie kan swem nie. En ons kom by ‘n insident uit wat al voorheen sy kop uitgesteek het, maar in ‘n ander hoedanigheid: Die dag toe ek in standerd twee my kop onder die water moes druk om te leer asemhaal onder water. Die vorige keer het God vir my gewys dat ek kán dryf en effens swem, geen rede dus tot angs nie.

Hierdie keer ervaar ek dat ek diep onder die see in ‘n emmer sit. Heeltemal veilig. Die emmer se deksel is op, daar is genoeg suurstof en ek kan heeltemal gemaklik in hom sit. Maar terwyl ek daar sit, mis ek al die pret. Wil ek daar bly sit, of wil ek die deksel afhaal en uitkom? Deksel afhaal beteken water wat instroom, beteken ek word nat, my gesig ook. God wys my dat ek bevoeg is om die deksel af te haal, om vry te kom van ‘n familieleuen, maar ek en slegs ek kan die deksel afhaal. Ek stamp die deksel af en gaan vanself na bo, want ek kán mos dryf! En soos ek boontoe beweeg voel ek hoe ek bevry word.

Watter familieleuen dra jy met jou saam? Is julle familie maar stadig? Dom? Meestal minderwaardig? Is mense met jou naam geneig tot selfmoord? Het jy ‘n sterk angel omdat jy ‘n Skerpioen is? Is jullle familie slim, maar verkies om eerder julle talente weg te steek? Of is julle maar sommer ‘n voorbarige klomp? Kan julle nie eintlik stories vertel nie terwyl jy in der waarheid met ‘n sak vol stories in jou rondloop? Of ons familie sal altyd sukkelaars bly. Ons hou ons geloofslewe privaat en praat nie daaroor nie. Watter familieleuen bind jou vas? Pootjie jou? Druk jou in ‘n emmer? Dalk is dit tyd om dit af te skud. 🙂

En nee, ek gaan nie nou skielik ‘n Springbokswemmer raak nie, maar ek dink dat, as die water nie te koud is nie, ek dalk meermale in ‘n swembad mag klim in die toekoms.

Toortsie

Is Xylitol veilig vir menslike gebruik?

Iemand het hieroor by my navraag gedoen omdat kunsmatige versoeters eintlik glad nie goed is vir ‘n mens nie. Hierdie is die inligting wat ek kon opspoor:

The Real Meal Revolution deur Prof Tim Niakes sê dat suiker-alkohol soos Stevia die mees aanbevole is, maar dat die suiker-alkohols Xylitol en Erithritol ook baie goed is. Xylitol is egter baie duur en dit voel deesdae vir my of Erithritol nie baie goedkoper is nie. Kunsmatige versoeters soos Sukralose, Acusulfame K, cyclamates en saggarien is egter baie nadelig vir die liggaam en veral die brein en dat hulle eerder gewigsgroei as gewigsverlies bevorder. Die suiker-alkohols kan wel jou maag ietwat omdolwe as jy skielik baie daarvan gebruik.

Hierdie insiggewende inskrywing by Healthline sê dat Xylitol in klein hoeveelhede te kry is in baie vrugte en groente en daar om as ‘natuurlik’ geklassifiseer word en dat mense dit selfs in klein hoeveelhede produseer deur normale metabolisme. Dit kan vervaardig word uit bome, soos die berkeboom en ook van plantmateriaal wat xylan genoem word. Suikeralkohol is wel ‘n koolhidraat, maar die verhoog nie bloedsuikervlakke nie en word nie as koolhidrate gereken nie. Xylitol bevat geen fruktose nie en beïnvloed ook nie insulienvlakke nie. Daar is dus geen skadelike effek soos wat suiker het nie.

Xhklitol se GI indeks, die meting waarvolgens kosse die bloedsuiker beïnvloed, is slegs 7, teenoor 60 – 70 in suiker

Mense wat ly aan diabetes, pre-diabetes (waarvan ek een was), obesiteit en ander metaboliese siektes, kan xylitol gebruik as alternatief vir suiker.

Baie interessant is dat Xylitol selfs goed is vir jou tande. Te veel bakterië wat verantwoordelik is vir plaak, nl Streptococcus mutans, lei tot inflammasie in die tandvleise. Hierdie bakterië leef van die glukose in kos, iets wat nie in xylitol teenwoordig is nie. Alhoewel die bakterië wel die xylitol inneem, sterf hulle omdat daar geen voedingswaarde vir hulle in is nie. Dus, kougom met xylitol in, is goed vir mondhigiëne, volgens hierdie artikel in Healthline. In ‘n studie wat gedoen is, is bevind dat goeie bakteriëvlakke in die mond wel konstant gebly het en slegs die slegte bakterië gesterf het.

Die gebruik van xylitol verhoog ook die absorpsie van kalsium, iets wat ons nodig het om osteoporose te beveg. Interessant is dat xylitol blykbaar ook selfs bakterië wat oorinfeksies veroorsaak kan beveg omdat die mond, neus en ore almal verbind is aan mekaar.

Verder, volgens hierdie artikel, word selfs Candida beveg by die gebruik van xylitol. Dit kan ek egter nie belowe nie, ek haal maar net die artikel aan. Volgens hierdie artikel is die langtermyn gebruik van xylitol veilig. In ‘n artikel deur WebMD raai hulle egter swanger en borsvoedende vroue af om xylitol te gebruik omdat daar nog nie genoeg toetse gedoen is op swanger en borsvoedende vroue gedoen is om te bevestig dat dit wel veilig is nie.

As ek die ding so bekyk, is die enigste probleem met xylitol dat dit duur is en dat te veel daarvan vir jou diaree kan gee. Ek gebruik xylitol in my kos omdat, toe ek amper sewe jaar gelede begin Bant het, dit die enigste was wat ek in die hande kon kry. Intussen sien ek Stevia en Erithritol op die winkelrakke, maar omdat al my resepte uitgewerk is vir xylitol en die hoeveelheid van die ander twee produkte verskillend is vir dieselfde soetheid, hou ek daarby. Ek moet egter bieg dat ek Coke Lite drink wat suiwer gif, naamlik Aspartame, bevat. En as ek ‘n tert maak met dieetjellie, is daar ook Aspartame in. Ek gooi nie xylitol in my tee nie, dus dink ek regtig nie dat ek te veel daarvan inkry nie.

Heuning is ook ‘n alternatief, alhoewel dit eintlik maar suiker is. Ongelukkig mag ‘n mens slegs 1 teelepel heuning per dag eet en dan is dit die volle kwota op die oranjelys wat meebring dat ek dan geen vrugte of selfs nie ‘n geelwortel mag eet nie. Dit is dus vir my te ‘duur’, want ek hou van my een vrug per dag.

Xylitol is egter baie gevaarlik vir honde, omdat honde dit as glukose verwerk en dan te veel insulien afskei. Ek het altyd verstaan dat ‘n hond 100 g per kilogram liggaamsgewig veilig kan inneem, maar dit is wel 0,1 g per kilogram. Wees dus ekstra versigtig dat honde veral nie skoon xylitol inneem nie en neem hulle onmiddellik na die veearts as dit sou gebeur.

Groete

Toortsie

Wat sal ek kies?

Op skool was dit al vir my ‘n groot uitdaging: Wat sal ek kies? Waaroor sal ek mondeling praat? Waaroor sal my opstel gaan? Wat moet ek skryf? Wat moet ek sê?

Ons moes oor iets Engelse mondeling praat, ek weet nie wat die opdrag was nie. Dalk enige keuse. Berge val op my! Enige iets! Ai jai jai, dis soos om vir my diep in die oseaan te gooi en te sê ek moet huis toe swem en ek kan nie swem nie! Ja, ek kan ‘n paar treetjies hondjie swem. En ek kan op my rug dryf. Maar rug dryf maak dat ek nie kan klipswem nie, betekende, gloep-gloep-gloep sommer sink nie. Want om te sink beteken dat ek my kop onder die water moet laat gaan en ek sterf eerder as om dít te doen. Om my gesig nat te laat raak. EN MOENIE AAN MY RAAK TERWYL EK DAAR IN DIE OSEAAN IS NIE EK GAAN VERDRINK!

So, die mondeling. Meneer het ‘n klomp Reader’s Digests daar neergesit, ons moes daarin blaai vir idees. Dit klink my die mondeling moes darem soortvan sin maak. Ek gryp ‘n Reader’s Digest en kry my onderwerp, of die een wat ek dink dalk kan werk: Nuclear war. Genade! NUCLEAR WAR? Ek het nie eers geweet waaroor dit gaan nie. Ek kon nooit regtig verstaan waaroor dit gaan nie. Vandag nog nie, want dit is regtig nie my belangstelling nie. Ek lees nou so ‘n ruk terug ‘n storie dat daar in daardie dae toe, is dit die die atoombom in Hiroshima afgegaan het, daar ‘n foto op die voorblad was van al wat koerant was van ‘n dogtertjie wat sonder klere vlug. Sou die skok van die bom haar klere afgeruk het? En van die Amerikaner wat by ‘n geleentheid verskoning gevra het omdat hy die een was wat die bom se knoppie gedruk het. En veral vir daardie dogtertjie. Toe sit sy, natuurlik toe al volwasse, in die gehoor en aanvaar sy verskoning. Sou dit toevallig wees? Of was dit ‘n funksie vir mense wat deur daardie ontploffing geraak was? Is dit ooit waar? Maar ja, die mondeling. Ek hét daaroor gepraat, wat anders moes ek dan nou kies? Daar was nie eintlik ander, beter stories om van te kies nie? Mnr van Zyl, dalk eerder mnr Silvis, het daarná gesê dat ek eerder iets moet kies waarin ek belangstel. Die inspekteur wat my moes kom keur vir ‘n onderwysbeurs het dieselfde opinie gehad. Wel, my Engels was te vrot om te weet of my mondeling vrot was en of ek duidelik nie geweet het wat ek praat nie. Swem, Toortsie, swem! Hondjie, rugdryf, enige ding, swem net!

Hierdie gekleurde swartwerk wat ek wil doen. Dis seker nie moet nie, want ek doen dit mos uit eie keuse. Ek kan mos nie op daardie geweldige duur lap, julle wil nie weet wat dit per meter kos nie, met duur gare, iets maak wat lelik is nie! En regtig, nadat ek skoonseun se baadjie klaar aangetrek het, was dit nie mooi nie. En sy hare het ek al twee keer uitgetrek! Ek kry so ‘n vreemde smakie in my mond.

So, ek is besig om al die werk wat ek verlede week gedoen het, en dit was nogal baie ure se werk, uit te trek. En ek hoop nie die dik gare het die lap te veel beskadig nie, want ek wil dit weer gebruik. En môre vat ek ‘n strykyster om die prent dood te stryk. Nie vandag nie, ek doen nie naaldwerk op ‘n Sondag nie. Moet sê, ek doen baie ánder goed op ‘n Sondag. Ek hét ‘n nuwe prentjie gekry. Eintlik het ‘n blad met omtrent ‘n honderd of meer skapies my aandag getrek. Dink net, elkeen van daardie skapies in ‘n ander kleur en invulsteek. Ja, toemaar, ek sal nie. Maar ‘n ou pers en pienk en oranje en groen skapie. Okay! EK SAL NIE! Ek het ‘n prentjie gekry. Van ‘n vroutjie en skapies en die son. Nou moet ek kleure kies.

Swem, Toortsie, Swem! Die see is diep, die golwe hoog. Die haaie swem al klaar al in die rondte. Dalk is dit beter as hulle vinnig hap en klaarkry!

Toortsie

Terwyl die haaie nou reeds daar is … ‘n pienk, pers, blou, oranje en groen skapie kan mos regtig nie só verkeerd wees nie? Of hoe?

Stel jou voor … al die kleure van die reënboog en nog so honderd ander by!