Sou jy weet?

Ek dink my man lag soms stilweg in sy mou hieroor, maar dat ek nie name kan onthou nie, is mos nou al ou nuus. Die ander een is as ek iemand op ‘n ander plek raakloop waar ek hul nie sommer sal verwag nie, ek dalk ook nie weet wie die persoon is nie. So, sou ek skielik oor Kameel val op Struisbaai, en ek het haar nie hier verwag nie, mag ek haar dalk met dowwe ogies aankyk.

‘n Bejaarde vriend, met wie ons baie te doen kry, van ons trou vandag. Ek vra vir manlief: ‘Wat is die man se naam wat vandag net tannie nnn trou?’ Hy het net sy kop geskud en verskeie name saam met die regte van gesê, totdat ek darem later die regte naam onthou het. (Ek wonder of manlief effens bekommerd is hieroor? Ek het al jaaaare gelede dokter toe gegaan hieroor, maar hy was nie bekommerd nie. )

So loop ek nou die dag op die skou rond en sien ‘n vriend wat jare gelede op ons dorp gewoon het. Ek het darem geweet wie hy is, hoor! Ons gesels toe ‘n bietjie.

By hom is ‘n vriendelike man, wat ek herken, maar dit is dit. Wie hy is? Geen idee nie! Hy kom, gee my ‘n soen en ‘n drukkie soos ons boere maar maak, noem my op die naam, sê ek lyk goed, dat manlief mooi na my kyk, en dat ek vir manlief groete moet sê en ook dat hy mooi na my kyk.

Toe ek by manlief aankom gee ek hom die boodskap: ‘Ek het vir xxx raakgeloop en daar is ‘n lang, vriendelike man by hom. Hy stuur groete en sê jy kyk mooi na my. Wie, dink jy, sal by xxx wees?’

Gelukkig loop ons hulle toe weer raak en kon ek hoor wat sy naam is, en ek dink nie manlief het my verklap nie! 😱😂

Nou wonder ek, sou júlle kon raai wie dit was?

😁 Toortsie

Advertisements

Pink tea cups

#InthePink

The theme for squares this month is ‘In the Pink‘ and the one rule as always is that your main photograph must be square. 

I am a real copy cat, but after I saw Nowathome’s post with the beutiful pink tea cups, I couldn’t resist myself posting this picture of the pink tea set that my father bought my mother as a wedding gift in 1954. It is a Royal Albert Bone China set from England.

Please forgive me for coypying you, you were the inspiration for this post!

Best wishes

Toortsie

Limeriek oor seisoene en towerinne

Hierdie is nou alles Abrie se skuld! Ek kan nie ek kan nie ek kan nie! Ek kyk nie eers na Scrapy se gedigte-uitdaging nie, want ek kan nie! En toe foeter Abrie my kop deurmekaar met sy limeriek oor die lente.

So, in opdrag van Scrapydo:

Skryf ‘n limeriek oor seisoene

van blare en blomme en soene

Van canola wat blom 

en kersfees wat kom

Die jaar staan in outannieskoene.

Geïnspireer deur Abrie:

Abrie skryf ‘n limeriek

en ek het dit baie geniet

‘n man met talente

en dít in die lente

wie het dit tog gewiet?

En dan die towerinne, ‘n spesie op hulle eie:

Die towerinne wil graag gaan toer

terwyl die ander jaloers loer

Dis koffers en glase

en mense met klein blase

en ‘n lepel om die pretpot te roer! 

Hoe’s daai?

Ek wil sommer hiermee aan my ma eer gee. Sy was ‘n taalkundige. Ons het nie vreeslik gedig nie, maar het baie in idioom gepraat, en soms gerym, sommer vir die lekker. En sou ons ‘per ongeluk’ in ons praat iets rym, sou ons altyd sê: ‘I am a poet and I didn’t know it.’ 🙂

Ai tog, en tipies Toortsie het hier nou ‘n oorwurm ontstaan met die ritme van ‘n limeriek:

te tere te tere te tere

te tere te tere te tere

te terete tam

te terete tam

te tere te tere te tim.

(fluister: toortsie is besig om mal te word, ek vermoed dis die toer wat haar opgewonde maak)

Nee, ek is verkeerd! Daar moet ‘n tere op die end wees, nie ‘n tim nie.

Okay, ek sal onthou.

Te tere te tere …

Ou Toortsie se kind wil loop troue

Met die beste vrou uit die vroue

Sy hart gaan aan bons

En die hele kotiljons

Staan gereed vir die fees vol vertroue.

Te tere te tere te tere … 😱

Toortsie

Mans en Banting

Ek het al soveel keer gedink: Mans hou van Bantingkos. Dames ook! Natuurlik nie alle mans nie en ook nie alle dames nie! En ek wil Banting in niemand se kele afdwing nie, maar mense vra my soms wat my man hieroor sê.

Mans steur hulle nie aan vet wat aan vleis is nie, hulle eet dit sonder klagtes. Hulle gee ook nie om om ‘n stukkie biefstuk met vet en al te eet nie. En sit jy ‘n ‘snack’bord met kaas en ham en salami of biltong voor hulle, kla hulle ook nie. Mans eet tog te graag aan ‘n lekker bord lamspotjiekos of skaapstertjies of skilpadjies (lewer in netvet). En mans kla en keer nie as hulle ‘n stuk roomkaastert kry nie, om die waarheid te sê, hulle vra of hulle nóg mag kry! 🙂 Gee jy vir hulle varkworsies of boerewors of kaas of beestong, vra hulle nie vrae nie, hulle geniet dit net!

Ek weet nie of mans altyd so baie van slaai hou of sade (voëltjiekos) nie, maar hulle geniet ‘n lekker Bantingmuffin wat van sade gebak is, met kaas. Hulle hou ook van die groente wat ‘n bietjie opgedollie is met room of kaas of spek, en eet dit gewoonlik sonder om te kla.

Nee wat, dis maklik om vir mans Bantingkos voor te sit. Nou moet ek ietsie fluister: My man geniet regtig die ryk kosse, maar hy eet steeds sy tjippies en gewone beskuit en soms ‘n snytjie brood. Defnitief minder, maar wel nog en hy hou baie van sjokolade, maar ek baklei nie met hom nie, want hy kla nie oor my kos nie!

Dames, as die man in jou lewe dalk die rede was hoekom jy huiwer, kan ek jou sê dat die kans goed is dat hy die kos baie sal geniet. Ek kan dit natuurlik nie waarborg nie, net soos ek ook nie kan waarborg dat Banting vir jou goed sal wees nie. En terloops, my man is ‘n baie goeie bemarker van my boek en hy sal baie gou iemand na my verwys! 🙂

Groetnis

Toortsie

Chinese pink

#inthepink

The theme for squares this month is ‘In the Pink‘ and the one rule as always is that your main photograph must be square.

Chinese choirs at the World Choir Olympic Games 2018 in South Africa.

Blessings

Toortsie