Skryf ‘n opstel: My vakansie

In die begin van elke kwartaal is dit seker die mees algemene opstel om te skryf, oor my vakansie en sou jy ‘n lekker vakansie gehad het, is dit die maklikste ding om oor te skryf. Vertel van die vakansie wat julle gehad het. Waar was julle? Wie was almal daar? Was dit net julle gesin, of was daar ander mense saam met julle? Of was jy alleen saam met ander mense op vakansie. Watter lekker dinge het julle gedoen? Wat staan vir jou uit? Wat was minder lekker? Wat sou jy graag anders wou doen? Probeer om dit interessant te hou en juis die een ding te vertel wat niemand anders vertel nie.

Dalk kan jy, in plaas van die algemene verslag oor jou vakansie, ‘n spesifieke insident wat gebeur het, beskryf. Of wat van die lang pad wat julle moes ry tot by die vakansieplek, dalk het daar iets interessants gebeur. Wat doen julle om die pad korter te maak? Was daar dalk iets wat julle erg gefrustreer het?

Maar, nie almal is bevoorreg om te kan weggaan met vakansie en interessante plekke besoek nie. Dalk moes jy by die huis bly en jou siek ouma versorg, dalk moes jy die hele vakansie jou ma help met die huishouding. Dalk het jy maar buite gedwaal omdat dit dinge by die huis nie altyd na wense is nie. Miskien is hierdie juis die geleentheid om dalk hieroor te skryf, nie die uitstaande, opwindende vakansie nie, maar die een waarin jy hard moes werk of swaargekry het. Dis dalk die een keer wat jy die geleentheid kry om oor jou seer of jou swaarkry te skryf.

Maar dalk het jy ‘n goeie verbeelding en het jy in jou kop die allerlekkerste vakansie, een waarop jy nog nie was nie. Skryf jou opstel daaroor! Maak jou eie vakansie op! Wat is, na jou mening, die ideale vakansie? Skryf daaroor! Beplan dit! Waar, dink jy, sal dit wees? Hoe sal jy daar kom? Wat kan ‘n mens alles daar doen? Wat, dink jy, sal lekker wees?

Maak hierdie jou eie opstel. Gee jouself vrye teuels. Skryf jou hart uit en geniet elke oomblik daarvan. Moenie skryf wat jy dink die onderwyser wil hê nie, skryf wat jy graag wil skryf. En, sou jy van hierdie raad gebruik het, onthou om toortsie.com as bron te noem.

Vir nog opstelonderwerpe, kyk HIER. Dieselfde inligting kan ook as mondeling gebruik word.

Groetnis

Toortsie

8 thoughts on “Skryf ‘n opstel: My vakansie

  1. Ek kry nou weer die “vakansie by die see” – soekterme teen ‘n dik spoed. Daar is een spesifieke blog waar ek die vakansiegangers oor die kole haal oor hul swak gedrag wat vreeslik baie aandag kry, hahaha. Hoe wens ek nou ons het die voordeel van google gehad gedurende ons skooljare.

    Liked by 1 person

  2. Ek het onlangs ‘n waar ding gelees, ‘n opmerking van ‘n onderwyseres oor hoe moeilik hierdie onderwerp vir sommige kinders is, juis omdat hulle dalk in groot armoede tuis moes bly, honger moes gaan slaap, aan gesinsgeweld blootgestel was ensovoorts. Het my nogal laat dink! Ons vakansies is ook nie vreeslik opwindend nie, ons gaan in die winter vir ‘n paar dae see toe en dan doen ons daar meestal dieselfde dinge wat ons tuis sou gedoen het, Slaap ‘n bietjie later en stap bietjie meer rond en geniet meestal die verandering van omgewing. Plus, al die goedjies wat by die huurhuis kon gepla het soos die goed my in my eie huis sou gepla het, is nie my probleem nie!

    Liked by 1 person

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s