Comono Eiland

Die wêreld verander teen ‘n vinnige spoed, ons kleinkinders word met ‘n selfoon en tablet in die hande groot. Hulle draai ‘n kraan oop, kry lopende water, sit ‘n skakelaar aan en daar is elektrisiteit. Sit ‘n TV aan en kyk ‘n storie. En dink selfs oumas is, soos Steve Hofmeyr oor spoke sing, so bietjie dom as ons nie so vinnig met die tegnologie is nie. Maar, daar is baie wat hulle nie weet nie, want ons oumas was ook kinders. En ons kan stories vertel … ‘n Bundel kinderstories uit die pen van die Goue Vroue. Kliek op hierdie skakel om die ander stories te lees.https://fresh.inlinkz.com/p/d9a4e9bae6aa4e179beee4acc3690247



…………………………………………………….

Comono Eiland is ‘n eilandjie daar verrrrr in die middel van die see. En op Comono Eiland woon daar net … ja wag … s e u n t j i e s. Seuntjies! Net seuntjies. Dogtertjies eeeeeeeeuuuuuuuuwwwwwww word nie daar toegelaat nie. Dogtertjies se name word nie eers hier genoem nie! Jegggg! O Neeee! Net nie dogtertjies nie!

Op Comono Eiland word seuntjies geleer om seuntjies te wees. Hulle doen net seuntjiedinge. Speel seuntjiespeletjies. Bad? Nooit? Watter seuntjie bad ooit? Skiet met ketties? Ja! Stoei? Ja! Hou skattejag? Ja! Swem? Ja!

Ja, dit is reg, op seuntjie-eiland doen hulle seuntjiedinge. Oefen hulle om sterk te word. Eintlik oefen hulle sommer om … s e e r o w e r s … te word. Seerowers! Seerowers wat rof en onbeskof is. Darem nie regtig só erg nie, maar amper so erg! Want as die seerowerskip by seuntjie-eiland stop en seuns soek vir hulle bemanning, moet die seuntjies reg wees.

Dit beteken dat hulle met swaarde moet kan veg. Ja, swaarde! Hulle oefen heeldag met swaarde, hulle stoei met stokke, hulle boks. Hulle duik mekaar, bak poetse op mekaar, kyk watter kattekwaad hulle alles kan aanvang. Hoe rowwer, hoe lekkerder. Hulle klim in trekkerbinnebande en rol teun die heuwels af. Hulle jag hase en muise. Hulle maak groot vure. Hulle gly met die foefieslide en val onder in die watergat. Hulle duik by die waterval af. Hulle hardloop resies, hou hinderniswedrenne, hou kussinggevegte. Bou boomhuise, klim met toulere op, swaai aan bobbejaantoue. Hulle terg mekaar tot vervelens toe. Kyk wie die ander een kan uitvang. Bak poetse die een na die ander.

Visvang. Partykeer vang hulle vis met nette. Of anders het hulle sommer stokke waarmee hulle die visse pyl. Hulle duik mekaar in die water. Druk mekaar se koppe onder die water. Kyk wie die diepste kan duik. Kyk wie die grootste aleukreukels en perlemoene kan uithaal. Wie die grootste s e e k a t kan vang! En hulle is n i k s bang vir haaie nie. O nee, haaie is vir húlle bang!

Dit is nou seuntjie-eiland, die plek waar seuntjies seuntjies word.

Toortsie

17 thoughts on “Comono Eiland

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s