Mag ek dit maar vertel? Mag ek dit maar noem, sonder die bedoeling om te spog? Sommer net omdat ek so geseënd voel?
Toe ek durf waag het om met die heel eerste druk van my Toortsie se Bantingboerekos sommer 500 (VYF HONDERD!) te druk, het ek gebewe soos ‘n riet. Genade! Wat het my besiel? 500! Dit was Desember 2015.
In Februarie 2016 moes ek weer druk en waag toe 400.
Ek het weer laat druk, en weer … die laaste keer het ek sommer ‘n GROOT sprong gemaak.
Ek lees by SA Vryskutskrywer se blok dat in Suid-Afrika, ‘n boek blitsverkoopstatus kry wanneer 3 000 verkoop is. Drie duisend boeke! Genade!
Wel, ou Toortsie is nog verrrrr van 3000 af, om die waarheid te sê, sy is nog nie eers halfpad nie!
Tog voel ek nederig dankbaar, nederig bly om te kan sê dat daar defnitief al 1 200 boeke base gekry het. 1200 boeke! EENDUISENDTWEEHONDERD Toortsies! Die Afrikaans verkoop baie beter as die Engels. Om die waarheid te sê, vandat die Engels uit is, doen die Afrikaans soveel beter. Iemand het destyds vir my gesê dat elke Afrikaanse boek wat verkoop, die pad oopmaak vir ‘n Engelse een. Die Engels is nog baie onbekend en ek weet eintlik nie hóé om dit te bemark nie, maar dit voel vir my of die Engelse boeke die pad vir die Afrikaanses oopmaak.
Ek voel trots. Dankbaar. Bly. Steeds nederig. Want Toortsie is ‘n self-publikasie. Toortsie word nie in boekwinkels landwyd versprei nie. Toortsie is maar in ‘n paar winkels waar ek al aangeklop het. Verder help Toortsie die SA Posdiens om op die been te bly met die boekies wat elke week gepos word.
Toortsie word verkoop in die vreemdste plekke: ‘n Boekwinkel, ‘n velsorgkliniek, ‘n SKOENwinkel, geskenkwinkels, padstalle, ‘n klerewinkel, restaurante en KOEKWINKELS! 🙂 Vir ‘n volledige lys van winkels wat dit aanhou, kan jy HIER kliek.
Ek sien WordPress skryf soms van bloggers wat boeke gepubliseer het, ek wonder hoe ‘n mens by hulle sal uitkom?
Maar eintlik wou ek maar net vir julle vertel. Ek was so verskriklik skaam en bang om die boek uit te gee. Op 27 Julie 2015 het ek terloops genoem dat ek dalk ‘n boek wou uitgee en die blogmaats het die geleentheid gegryp om my aan te moedig. Gaan lees ‘n bietjie in die kommentare hoe oulik die blogmaats was.
Groetnis
Toortsie
Toortsie se Bantingboerekos Facebook page
Toortsie se Facebook page
Finesse Blogger van die week
Toortsie by Finesse: Eerder kwaliteit as kwantiteit
Toortsie op Pinterest
Dit moes onverdunde moed en deursettingsvermoeë verg. Welgedaan Toortsie.
LikeLike
Dankie. Angs en bewing …
LikeLiked by 1 person
Baie genade van Bo!
LikeLike
Is daar êrens ‘n skakel oor die selfpublisering wat jy gedoen het Toortsie?
LikeLike
Ek is nie seker of ek nou jou vraag beantwoord nie. Wil jy dalk self ‘n boek publiseer?
Kyk bietjie hierdie, dit het my geweldig baie gehelp:
Dan het my faceboekpage maar die bemarkingswerk gedoen.
LikeLike
Baie dankie = ek sal op jou blad gaan loer. Ek kon vaagweg onthou dat jy voorheen daaroor geskryf het. Die polldaddy.com is egter net ‘n klomp hierogliewe.
LikeLike
Polldaddy.com?
LikeLiked by 1 person
https://www.smashwords.com/books/view/145431/?ref=MadeleBurger52
LikeLike
Liewe die tyd het gevlieg, dis nou amper ‘n jaar gelede. Welgedaan Toorts 🙂
LikeLiked by 1 person
Dankie!
LikeLike
Hiep hiep hoera! Geluk Toortsie, 1 200 boeke is fantasties. Ek glo dit is omdat jy ñ ‘gee’ mens is. Van jouself, van jou woorde, van jou liefde. Daardie 3 000 status lë om die draai en wag. Dankie vir jou deel met ons.
LikeLiked by 1 person
Dankie!
LikeLike
Sjoe – ek dink dit is baie goed. Ek like sommer baie die rooi kopdoek!
LikeLiked by 1 person
Ek hou ook van hom! 🙂 Dankie!
LikeLike
Baie geluk. Lees asb my comment by darie andr blog waarnatoe jy ons verwys het.
LikeLiked by 1 person
Welgedaan Baie geluk!
LikeLiked by 1 person
Dankie!
LikeLiked by 1 person
Jy het rede om te spog! Het jy ni4e onlangs gesê dat jy Amazon wil inspan om jou boeke te verkoop nie – het jy reggekom daar? Het jy al hierna gekyk http://www.wikihow.com/Sell-Books-on-Amazon
LikeLike
Sal nie sommer spog nie. Op die oomblik het ek nie soveel tyd vir navorsing nie, maar wil Amazon nog goed bekyk. Sal nog bt Maankind aanklop.
LikeLiked by 1 person
Dankie vir die skakel.
LikeLiked by 1 person
Natuurlik mag jy dit maar noem!Jy is mos ons bloggers se Toortsie en ons is trots op jou!
LikeLiked by 1 person
Ag dankie! 🙂
LikeLiked by 1 person