Smoothies

Ek wil al lankal smoothies maak, maar kom net nie daarby nie. Toe kom ek gister by ons groentemark en koop lekker groot sakke bevrore aarbeie en brame. Smoothietyd!

In my verpulper gooi ek ‘n halwe avo, ‘n piesang, neute, die brame en aarbeie, dubbelroom joghurt en xylitol. Dis tog te lekker, maar daar kort iets.

Vandag doen ek dit weer, maar gooi ‘n knertsie gemmer en sommer pampoensade ook by en chiasade vir versiering. Te lekker.

Dis toe wat ek besef watter groot verantwoordelikheid die kok in die huis het. Sy bepaal wat by almal se monde ingaan. Sy kan ‘n lieflike, ryk, voedsame, gesonde smoothie aanmekaarslaan of sy kan een maak wat presies dieselfde lyk, maar dit kan vol ongesonde, leë kilojoules, suikers wat mense siek maak, wees.

Ongelukkig weet ons nie altyd wat in klaar verpakte mengsels is wat ons eet nie.

Toortsie

Foto-uitdaging Photo challenge

Die uitdaging is om die heel laaste foto wat jy nog geneem het, te plaas. This photo I took this afternoon of Banting/ Keto friendly eats for dinner. Gammon, ham, brie, Goudacheese, cucumber, blue berries and cherries.

Toortsie

#lchf #banting #keto

Nowathome

Gaan ek gewig verloor?

Ek kry interessante navrae en geniet elkeen van hulle. Gereeld vra iemand vir my in hoe ‘n lang (of kort) tyd ek die gewig verloor het wat ek met Banting verloor het. Dit voel soms vir my asof dit vir die mense ‘n aanduiding is of hulle ‘reg’ verloor.

Nee, mense! Daar is GEEN ooreenkoms tussen twee mense se gewigsverlies nie. Ons almal verskil. Ook wat Banting aanbetref.

Ons liggame reageer almal verskillend op dit wat ons inneem, en, terloops, ek kry soveel keer ‘lesings’ hieroor van goedbedoelde mense wat net vir my wil laat besef dat ons almal verskil. Ek weet ons almal verskil.

As ek dit reg verstaan, is Banting nie in die eerste plek ‘n gewigsverliesprogram nie, maar ‘n gesondheidsprogram. Baie mense doen dit om gewig te verloor, met goeie resultate, maar ander het weer nie dieselfde resultate nie, dit hang van persoon tot persoon af.

Wanneer ons ons eetplan so drasties verander soos met Banting, gebeur daar baie dinge in ons liggaam. Ons metabolisme verander totaal, veral as ons voorheen ‘n koolhidraatryke laevet dieet gevolg het. Ons liggame begin om ander hormone af te skei. Dit moet aanpas by die nuwe eetplan.

Sommige mense tel selfs gewig op in die begin.

Dit is ook nie ‘n uiters maerword dieet nie. Ek het met Weigh Less en Weight Watchers baie maerder geword as wat ek met Banting geword het. Die verskil is, met Banting kon ek nou al vir 4 jaar en 9 maande daarmee volhou, wat ek nie met die ander eetplanne kon doen nie. (Ek het 18 kg verloor.)

My gewig het nie soos ‘n glyplank die heeltyd afgekom nie. Inteendeel, ek was met Banting al maerder as wat ek tans is. Daar is maar altyd ‘n twee kilogram speling wat my gewig op- en afgaan. My gewig stabiliseer altyd op ‘n sekere plek. Verlede jaar, egter, het ek skielik ‘n paar kilogramme opgetel wat veroorsaak het dat my klere nie so gemaklik gesit het nie, ek dra nou al vir jare dieselfde nommer.

Ek vermoed dat die gewigstoename te wyte was aan ‘n reeks kortisooninspuitings wat ek gekry het. Dit was of ek pofferig was. Ewe skielik, uit die bloute, verloor ek daardie ekstra kilogramme amper oornag en nou het ek weer ‘n kortisooninspuiting gekry, en my gewig het dieselfde gebly. Vreemd.

Ek het nie die antwoorde nie. Al wat ek weet en waarvoor ek dankbaar is, is dat ek volgehou het met my eetplan soos altyd. Ek het niks verander nie en steur my nie daaraan as ek ‘n kilogram of wat optel nie, iewers verloor ek dit weer.

Vir my gaan dit nie net oor die gewig wat ek verloor het en af hou nie, dit gaan daaroor dat my cholesterol en bloedsuiker heeltemal onder beheer is, dat ek voorheen Metaboliese Sindroom gehad het, wat nou nie meer die geval is nie.

Vir my werk Banting, soos ek al hoeveel keer gesê het. Ek kan egter nie waarborg of dit vir jou ook sal werk nie, maar as jy totaal oorgewig is, vetsugtig, ‘morbidly obese’, aan suiker verslaaf is, alles wat jy sien in jou mond wil druk, aan kos verslaaf is, mag Banting dalk net vir jou ook die antwoord wees. En soos ek altyd sê, praat net eers met jou huisdokter hieroor as jy oorweeg om dit te volg.

Groete

Toortsie

Hoe kan ek ‘n Toortsieboek in die hande kry?

Dis ‘n vraag wat ek baie kry.

Hier is ‘n klein groepie winkels wat dit aanhou, meestal in die Wes-Kaap, en as jy belangstel in watter winkels dit aanhou, kan jy HIER kliek.

Die maklikste opsie, na my mening, is om by Bidorbuy te bestel. Dit is eintlik maar ‘n direkte bestelling by my, Bidorbuy is net ‘n manier waarop ek en die verbruiker bymekaar uitkom. Die lekker van Bidorbuy is dat daar ‘n verskeidenheid betaalopsies is:

Die ander manier is om ‘n direkte oorplasing na my rekening te maak. Kontak my en ek gee vir jou die bankbesonderhede.

Ek pos natuurlik graag vir jou die boek. Sou jy geregistreerde pos in SA verkies, is dit posgeld ingesluit in die prys van die boek.

Verkies jy Postnet, is dit R100 ekstra vir die versending. Jy kan ook PARGO kies, vir R60, maar dan moet jy dit deur Bidorbuy bestel.

Ek ondersoek tans PEP se versendingsopsie en sal hopelik in volgende week ‘n antwoord hieroor hê.

Wat die prys van die boeke aanbetref, is dit tans op ‘n spesiale aanbieding van R170 per boek (normale prys is R195) wanneer jy die boek by my of Bidorbuy bestel. Sou jy die combo verkies (boek 1 en 2), kos dit R330.

Groete

Toortsie

Toortsie by Finesse: Stel jou voor!

Toortsie se Facebook Page

Toortsie se Bantingresepteboeke Facebook page

Toortsie’s English Blog Posts

Kruinsig Plaasakkommodasie, Riversdal

Toortsie by Finesse voelgoed tydskrif

Radio Tygerberg resensie

My vermoede is reg

My vermoede is reg. Hier is ‘n dringendheidjie in die lug, want dit is mos nou weer daai tyd van die jaar.

Daai tyd is wanneer die vakansietyd verby is en die werklikheid weer inskop. Wanneer braaivleis, rugby, sonneskyn en Chevrolet sy tol geëis het. Wanneer krismis en nuwe jaar en alles wat daarmee saamgaan, verby is en ons weer ‘n slag in die spieël kyk. Of, eintlik hoef ons nie eers in die spieël te kyk nie, ons klere wys dit vir ons. Klere wat mooi en netjies gesit het, bult en trek en span nou op allerhande plekke.

Ons is moedeloos met onsself. Ons het geen beheer oor wat ons eet nie en wil alles wat voorkom, in ons monde druk. Ons voel ongemaklik. Ons voel sleg. Aaklig. Wil nie ander mense in die oë kyk nie.

Nee! Só kan dit nie aangaan nie! Ons moet drasties iets doen!

😱

Toortsie het op Facebook gevra hoekom mense van haar resepteboeke sal wil hê. My vermoede was reg oor hoekom, ek was mos vir lank in daardie selfde bootjie. Dit was nou vóór Banting.

Kyk wat sê die mense:

Een skryf dat sy wens Toortsie wil nou terugkom van oorsee af sodat sy die boeke kan koop voordat sy rol en nie meer loop nie.

Iemand anders skryf: My man is ‘n diabeet en ek het jare lank met spastiese derm simptome gesukkel. Banting werk uitstekend vir ons albei! En ek is mal oor Toortsie se blog!

En hierdie een: Omdat ek myself vanoggend in die spieël gesien het! Al die ander diëte het nie lank gehou nie! So baie gehoor van jou Banting boek dat ek dink dis nou n goeie begin vir die nuwejaar!

Kyk hier: Omdat ek van die 20kg wat ek in 2017 wou verloor, nog net 30 oor het…en omdat my cholesterol hemelhoog is en pre-diabetes nie juis help nie…

Toortsie kan niks belowe nie, maar Toortsie wil jou graag help. Ry jy ook in daardie bootjie?

<<
s dalk net die moeite werd om te probeer. Wat kan jy verloor?

Kyk by Bidorbuy.

Groete

Toortsie

Terloops, Toortsie Bant reeds 3 en 'n halwe jaar en behou haar gewig. Geen resultate kan egter gewaarborg word nie, dit verskil van persoon tot persoon. Raadpleeg ook asseblief jou dokter voor jy die drastiese stap oorweeg.