Die Xhosa-lesse

~ Toortsie

Ou Toortsie leer mos nou Xhosa. Sy het mos aanvanklik so vir twee weke Spaans geleer, maar toe eerder besluit om Xhosa te leer. Kom ek wys gou eers vir julle ‘n paar statistieke:

Indrukwekkend, né? In die afgelope week lê Toortsie tweede, die afgelope maand 5e en algeheel 360e. En ek sê hierdie ‘indrukwekkend’ met ‘n baie skerp tong in die kies! Want dit mag dalk indrukwekkend lyk, maar as jy dieper op die statistiek ingaan, lyk die prentjie heeltemal anders.

Sien, ek kry baie punte omdat ek so SUKKEL. Ek oefen en oefen die goed oor en oor en dit SUKKEL om vas te steek. Ai toggie! Veral die woorde wat ek tans leer maak glad nie sin nie. Stok en muis en skoen. Nee, ek kan nou nie eers onthou wat dit is om vir julle te vertel nie en ek het dit nou net al weer geoefen! En terwyl jy oefen, kry jy punte!

As ek na die maandsyfers kyk, lê ek mos vyfde. O, nee, hoor hier, ek het al weer loop oefen, ek lê nou VIERDE vir die maand en 356de in totaal. Ek moet bysê dat dit lyk of daar so 90 persone die afgelope maand geoefen het, en net tien die afgelope week. Dit lyk my die ouens val maar uit ook!

Ek het geoefen aan ‘n stok en ‘n muis. Ai toggie, moenie vir my vra wat dit is nie! In totaal het ek al 42 woorde geleer. MTaylor wat net bokant my lê, het 1671 woorde geleer en SBotha bokant hom, 469 woorde. Culmaer wat sesde is, het 628 woorde, en 123jc het 30 woorde in die sewende plek. Ek het dus NIKS om op trots te wees nie en van die 42 woorde ken ek seker so die helfte of hopelik meer.

Soms wonder ek by myself, is dit regtig die moeite werd? Tog onthou ek hier en daar ‘n woord. Party maak vir my meer sin. Ek salmaar nog ‘n rukkie aanhou, maar van stokke en muise, sjoe! Vir vandag gaan ek nie verder met stokke en muise en skoene foeter nie.

Toortsie

Gepubliseer deur Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

25 thoughts on “Die Xhosa-lesse”

  2. Ek dink jy vorder goed….mens moet dalk net besef dat dit langer gaan vat… Maar sterkte! Jy doen dit darem! EK het nou nog nie eers na die Frans gekyk nie.

    Liked by 1 person

    Antwoord

  7. Wow! Ek wil so graag weer Xhosa praat. Ek kon toe ek klein was, maar het so baie verloor met die jare. Leer jy dit op ‘n app, Toorts? Laat weet asb 🙂

    Ek ken nog heelwat losstaande woorde en kan actually ‘n gesprek min of meer volg as iemand stadig genoeg praat

    Like

    Antwoord

Gesels saam, asseblief!