Skryf-safari: Blogger in die moeilikheid

Jammer, Una, dat ek nou met jou idee aangaan, maar dis wat ons in Blogland doen! Ons kuier by mekaar, ons raak opgewonde oor mekaar, ons skryf oor mekaar, en ons vat iemand se idee en hardloop daarmee voort. Dís tog hoe die Toweropstal se twee boeke ontstaan het en die daaropvolgende Towerpaleis ook nog, danksy iets wat iemand geskryf het, wat ‘n ander bogger se gedagtes laat hardloop het, en nog een, en nog een, so hier gaan ons al weer!

Una is in die moeilikheid! Net so het Kameel se kinders ook nou die dag vraagtekens gehad het oor die ‘vriende’ wat sy het, almal mense met sulke suggestiewe name, soos Lekkervurige affêre, Nie vir kinders, en wat nog alles nie! Una het ons nodig, sy sit in die tronk, en dit oor haar betrokkenheid by ‘n klomp vreemde mense met vreemde name wat oor die hele wêreld versprei is. Tipies Blogland se mense, is ons almal op ons perde, om te loop red wat daar te redde is. Hulle glo net glad nie wat sy sê nie, hulle sê dis net te dik vir ‘n daalder en Una praat nie die waarheid nie. En julle weet tog dat geen mens deesdae in ‘n Suid-Afrikaanse tronk wil sit nie!

So, gewapen met my twee Toortsieboeke en ‘n groot bak goed gedokterde Tiramisu, en Seegogga, met ‘n bak seekos, het ons dadelik op die vliegtuig gespring Pretoria toe, op Lanseria geland, natuurlik weer verdwaal soos net ek kan, maar ons is nou amper by Una. Sy het juis gesê van die manne is maar goed oorgewig, so ons gaan probeer om hulle oor te haal om Banting te doen en sommer Bloggers ook te word.

Kameel is ook op pad, sy het juis so ‘n goeie manier om mense te oortuig. Hester, met haar swak internet en al, het belowe om haar laaste Vodacomdata gebruik en vir die mense ‘n e-pos te stuur, ook om hulle te oortuig van Una se onskuld. Perdebytjie het belowe om vir hulle mooi foto’s te bring.  Die ander bloggers is nog aan die koukus hoe hulle almal kan help, en julle sal maar hier in die kommentare moet help dink. Kom tyd kom raad.

So, dames en enkele here van Blogland, hier gaan ek. Hou duim vas dat die Tiramisu sy ding gaan doen!

En dit, mense is Blogging vir my! (In opdrag van Tannie Frannie). Dankie, Una, jy het my nou gered van ‘n baie saai, tipies Toortsiese, ou beskrywing oor hoekom ek van Blogland hou.

Toortsie

……………………………

Om die inskrywings van verskillende bloggers in die Lê-Jou-Eier uitdaging te geniet of om self ‘n blog wat jy geskryf het aan te heg by hierdie skakel, klik op die volgende InLinkz-skakel:

http://www.inlinkz.com/new/view.php?id=787126

Vir die reëls van hierdie uitdaging, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke. Onder hierdie kategorie, kyk na die blogposts Lê-Jou-Eier: Reëls (2017-08-22) en Lê-Jou-Eier: Hoe neem ek deel? (2017-08-22).

Advertisements

62 thoughts on “Skryf-safari: Blogger in die moeilikheid

  1. Tiramisu! Hierdie keer wil ek ook proe. As jy klaar die kommissielede en polieste om jou vinger gedraai en hulle aan Kameel/Camilla oorgelewer het, bring vir Una hiernatoe – saam met my ou bakkietjie tiramisu – sy kan hier bly tot sy van die aaklige ondervinding herstel het.

    Liked by 4 people

      1. Oe oe oe uit eindelik n woord wat ek al gehoor het… frangelico! Dis nou die drink ene nie die seun nie. Asseblief sê my jy het nie frangelico op iemand se kop uit gegooi nie. Dit sal my hart breek.. daai is n duur lekkerte wat ons liefs moet gebruik as omkoop geskenk om Una te bevry. Ons sal natuurlik aanbied om eers daarvan te drink sodat hulle kan sien daars nie gif in nie. Miskien moet n paar van ons proe net om bietjie verwarring onder hulle geledere te veroorsaak..

        Like

  2. Ja-nee soos die Ingelse sal se:”Never a dull moment!” hier in Blogland nie. My vuurpyl se masjien het moeilikheid gekry. Sal so week of twee vat voordat daar weer n geleentheid is om te kan vlieg. Julle moet maar versigtig wees daar by die tronk. Mens weet nooit wat vir mens wag daar by die ingangshek nie. Hoop jul word skoon verklaar om in te kan gaan.

    Liked by 4 people

  3. Miskien kan jy skelmpies ‘n bakkie tiraGISmu daar in die tronksel plaas en dan wag ons vir die regte oomblik…as die tronksel se deure oopskiet, is ek gereed met my onopsigtelike Boomaway wa om vir Una weg te voer. In my wa het ons ‘n feestafel van Seegogga se kos, baie data vir Hester, sodat sy kan inluister wat in die polisistasie aangaan, ‘n spaar paar stiletto’s en pruik, ingeval ons Camilla weer moet laat herleef en dan natuurlik Tannie Frannie met ‘n broodjie vol kroonjuwele, wat ons as omkoopgoedjies kan gebruik…ingeval die ontsnapping nie slaag nie! Scrapydo se uil moet ook daar wees, want hy sal dien as afskrikmiddel vir bygelowiges wat dink dat uile die dood voorspel.

    Liked by 5 people

  4. Toorts ek gaan jou nie weer uit die gemors kom help met Camilla se hulp nie. Die klomp se tonge sleep klaar en julle is nog nie eers by die tronk nie. Kort voor lank is daar weer gerugte van skatte en blogland in beroering…. en jy weet wat het laas gebeur. Ek hoor net die woord polieste…. dan sidder ek klaar. Gaan terug huistoe…. vat jou breipenne, en brei die beloofte truie klaar.

    Liked by 2 people

      1. Jy kom my uithaal, jy gaan glad nêrens terug nie!! Ek het gou ń vliendelike polisie outjie se selfoon geleen, en nou sien ek julle is oppad!💃💃💃💃💃💃💃💃💃💃💃💃💃💃💃💃💃

        Liked by 2 people

          1. 😀😀😀😀 Jy wat tussen die beesmis rondtrap moet juis versigtig wees. Toemaar…. ek lief dit om jou siel uit te trek… en hierdie was ‘n heerlike geleentheid.

            Liked by 2 people

    1. Ek het juis weer ‘n pruik en stiletto’s gereed vir jou, ingeval sy weer haar sexyverskyning moet maak…alles in my Boomaway wa.Bring net ekstra grimering en naellak. Ek is ‘n plein Jane en het nie sulke goedjies in voorrad nie.

      Liked by 2 people

  5. Hulle kyk darem nie te sleg na my nie…dalk omdat ek meubel stukkies links en regs belowe. Mens moet doen wat mens moet doen. Dankie Toortsie, jy en Seegogga gaan hulle om jul pinkies kan draai. Veral met die verversinkies…

    Liked by 1 person

    1. As ek vir Pablo reg opgesom het, het hy vele seuns benewens Carlos-met-die-tanne. Vra hom om vir ons so ‘n ou bendetjie bymekaar te sit? Daai kommissielede het dalk meer as tiramisu nodig om van Una se onskuld oortuig te word…

      Liked by 1 person

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google+ photo

Jy lewer kommentaar met jou rekening by Google+. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

w

Connecting to %s