‘n Mens vergeet so gou! Ek het al vergeet hoe verskriklik geëerd ek gevoel het toe Gerda my destyds genader het om vir Finesse se Goedvoelblog te skryf. Dit was soos tjoklits vir my siel!
Ek het geskryf en geskryf en gevoel of ek vlieg! Toe daar sowaar een van my bloginskrywings in die regte tydskrif gepubliseer is, kon jy met my toor.
Toe kom 2017. Die uitdaging was steeds om elke week te skryf, al het dit dol gegaan. Ek het getrek en gependel en my agterstallige werk probeer inhaal en geskryf en kos gemaak vir die nuwe Toortsie en iewers het ek Finesse se goedvoelblogs verloor. Iewers het ek inspirasie verloor tussen al die geskarrel deur.
Tot ek en Annabelle gesels so deur die wifi en Finesse ter sprake kom. Ek gee my flou verskoninkies en sy noem terloops die fantastiese blootstelling wat ons by Finesse kry en ek besef: Toortsie! Jy is simpel as jy so iets deur jou vingers laat glip! Hoe dom kan jy nou regtig wees!
So, dames en here, ek het my sokkies opgetrek. Daar lê sommer drie bloginskrywings in die boksie, reg om gepubliseer te word, ewe met die prentjies en al. Julle besef nie hoe ek altyd soek vir die regte foto nie, dit maak my sommer moedeloos.
Dankie, Annabelle, jy is ‘n inspirasie. Dankie Gerda, jy het my die eerste vlerke gegee.
Groetnis
Toortsie
Toortsie se Bantingboerekosboek Facebook page
Toortsie se Facebook page
Finesse Blogger of the week
Toortsie by Finesse: Gryp die bul by die horings
Toortsie by Pinterest
toortsie.com 
Ja, dit oorweldig tog maar as jy te veel op jou vurk het. Aan die anderkant duik daar dan weer dinge op wat maak dat mens weer met spoed koers kry. So bly om te hoor jy raak nou weer op spoed! Sterkte, jy mag maar!
LikeLiked by 1 person
Dankie. Ons moet maar kyk hoe lank dit hou. Die gesoek na foto’s vang my soms.
LikeLike
Dit is so. Mens gebruik baie tyd met soekwerk
LikeLike
Soms het mens( ek in besonder) ook nie altyd iets om te sê nie. Laat waai en skryf,Toorts!
LikeLiked by 1 person
Ek dink met die heen-en-weer jagery vlieg baie kreatieiteit by die venster uit. Daar is net nie tyd om rustig kreatief te wees nie.
LikeLike
Met Finesse het dit vir my beter gewerk as ek vooruit akryf en daar lê ‘n paar reg. Ek kan nie skryf as die spertyd heeltyd op my hakke is nie.
LikeLike
Tyd vir aftrede?
LikeLike
Ek probeer al van die begin van die jaar af om af te tree, maar dit werk nie. Nou sien ek hoe Uns floreer onder die nuwe uitdagings en ek wonder oor my aftreeplanne!
LikeLiked by 1 person