‘n Persoon wat dalk goed kan doen op Banting, sê vir my, sy hét dit vir 3 dae gedoen. Dit was VERSKRIKLIK! Sy wou flou val. Sy het gebewe. Dit was sleg, sleg, sleg. Banting werk nie vir haar nie.
Carb flu is ‘n realiteit. Carb flue is verskriklik. Carb flu laat jou wonder, hoekom dit doen, dit wérk nie vir my nie. Banting werk nie vir my nie. Dis nie die moeite werd nie.
Ek, Toortsie weet waarvan sy praat, want ek, Toortsie, was óók baie lief vir soetgoed en brood en aartappels. Ek sou ‘n massiewe patat, in die oond gebak, alleen opeet. Ek sou ‘n hele kastrol vars gekookte beet alleen staan en opeet en bloedrooi poefies. Ek wéét hoe lekker dit is. Jy sou nie sjokolade in my huis kry nie, dis reeds opgeëet!
Die carb flue het ook destyds vir my met al sy mag getref. Ek was naar, het hoofpyn gehad, het opgestop gevoel, wou moed verloor.
Onthou, behalwe die onttrekkingsimptome wat jy beleef, moet jou liggaam nou aanpas by iets heeltemal nuuts. Jou binnewerke moet totaal verander. Jou liggaam was gewoond aan lae vet hoë koolhidrate, nou skielik kry hy nie die koolhidrate nie, terwyl hy skielik ryk kosse moet hanteer en verwerk. Dis genoeg om enige liggaam te ontstel. Wat gaan aan?
Die goeie nuus is dat carb flu regtig oorgaan. By party mense gaan dit vinniger oor as by ander, maar dit gaan oor. Dis soos om deur die Hugenote tonnel te ry. Jy was nou net in die Klein Karoo, dan gaan jy deur ‘n benoude fase in die tonnel met baie uitlaatgasse van lorries en dinge, en skielik is jy in die wynland. Net so!
Al antwoord wat ek dan het? Byt vas! Dis die moeite werd.
En dít sê ek ná 2 jaar en 11 maande van Banting. Dáárdie tyd het die slimmes gesê Banting is nie volhoubaar nie, jy kan dit nie vir langer as 6 maande doen nie, want een of ander belaglike iets gaan met jou gebeur.
Vir my werk dit. Ek kan ongelukkig nie waarborg dat dit vir jou ook gaan werk nie, maar ek kyk steeds nie terug nie.
Toortsie
Toortsie se Bantingboerekosboek Facebook page
Toortsie se Facebook page
Finesse Blogger of the week
Toortsie by Pinterest
Plaasakkomodasie by Riversdal, Wes-Kaap
O hel ek ken die gevoel. Ek word so siek dat dit voel of ek liefs agter die stoor uitgesit moet word. Dis egter die moeite werd om uit te hou en aan te hou.
LikeLiked by 1 person
Nou wié sal die uitsitwerk doen, wonder ek? 😁
LikeLike
My man want as ek de-carb dan is ek ‘n monster. Ek sal sommer die kat byt omdat hy vir my snaaks kyk. Teen week 2 is my man al so dik vir my knor gesiggie dat ek dink hy sal dit sien as ‘n act of kindness 😀
LikeLike
Hoekom neem dit so lank?
LikeLike
Dit was die heel eerste keer. Ek het die suiker ook gesny na amper 2L coke ‘n dag so ek dink dit was alles saam wat my lyf moes uit kry
LikeLiked by 1 person
Dit is maar ‘n skok op jou lyf. Genadiglik het ek, toe ek begin Bant het, reeds suiker uit my koffie gehad, ekdink dit moet erg wees om allesgelyk te los.
LikeLike
Dis so die moeite werd om LCHF te gaan! Ek is amper ‘n nuwe mens… en dit na 10 jaar T2D en luister na die dokters! Eet eenvoudig, eet regte kos en WEN! 😉
LikeLiked by 1 person
Ek kan net ja, ja, ja, antwoord! My suiker word nie eers meer getoets nie, nadat ek al by 6.9 vastend gedraai het en diabetes vir my om die hoek geloer het.
LikeLiked by 1 person
Wat van diarree? Ek hoef net te hoor van ‘n maagaandoening dan het ek dit al!
LikeLike
Ek weet nie of dit ook van die simptome is nie.
LikeLiked by 1 person