Die einde, die begin

image

Hierdie foto is baie jare terug geneem. Op daardie dag is die twee seuns vir die eerste keer hoërskool toe, en Sus die eerste keer skool toe. “Regte” skool toe. Nie speelskool of pre-primêr nie. Ek is met die seuns dorp toe, terwyl die pappa vir Sussa na die plaasskool toe geneem het.

Sus het nie lekker verstaan van Sub A nie. Sy het gedink dat jy Sub A toe gaan as jy verjaar. Sy kon my wel vertel hoeveel nuwe kinders daar was. Hoe het sy geweet wie is nuut? Want hul kleertjies was nuut! 🙂

As laatlam kon sy al lees toe sy skool toe is, iets wat in daardie jare nie die norm was nie. Met dié dat sy nie geweet het sy is in Sub A nie, nooi sy toe haarself toe die juffrou sê die sub B’s kan kom lees. Wat egter regtig besonders was, was dat sy op daardie stadium reeds twee musiekinstrumente kon bespeel en natuurlik note kon lees. Op vyfjarige ouderdom het sy die blokfluit opgetel en begin speel. Ons het presies geweet wanneer sy slaap, dit was die enigste tyd wat die blokfluit stil was. Toe sy die blokfluitnote geken het, het sy met die blokfluit en die boek by die klavier gaan sit en self die regte note op die klavier gevind.

Vandag is die twee seuns op die foto twee groot manne wat hulleself regtig bewys, iets waarvoor ek baie dankbaar is. Maar my bloginskrywing gaan eintlik oor die Sus, wat hierdie week haar laaste amptelike klas bywoon.

Die klein haasbekkie op die foto is nou ‘n pragtige jong dame wat die lewe met lus aangryp, ‘n avontuurlustige meisie wat hou van ‘n uitdaging. Ek glo dat sy haar plekkie sal volstaan waar sy volgende jaar die werkmag betree.

Elke einde bring ‘n nuwe begin. Sterkte met jou laaste konserteksamen, maar ook met die ander eksamens wat jy moet aflê. Gryp hierdie laaste stukkie en hardloop dit voluit!

Toortsie

Toortsie se faceboekblad.

Advertisements

About Toortsie

'n Flitsliggie wat oral inskyn, ook waar dit soms ongemaklik is... A Toortsie is a small flashlight, like a torch.
This entry was posted in Die lewe, Motivering en Bemoediging. Bookmark the permalink.

22 Responses to Die einde, die begin

  1. Wonderlik Toorts. Dis darem iets om trots te wees as jou kinders suksesvol is. Harde werk en vrugte kan daarvan gepluk word. Baie geluk met die einde en begin van n nuwe tydperk in Sussa se lewe.

    Like

    • Toortsie sê:

      Weet jy, ek lees soms negatiewe dinge, soos dat party mense net spog met hul kinders asof hul nooit foute maak nie. Ek probeer nie om te spog met my kinders nie. Tog is ek baie trots op hulle. Ek dink ek sal hul ‘n oneer aandoen deur nie trots te wees op hulle nie. Hul bring regtig al drie hul kant, hul probeer hul bes en in dankbaarheid kan ek sê dat ek nog nooit rede gehad het om my vir hulle te skaam nie. Foutjies maak ons mos maar almal, maar dis mos deel van die lewe.

      Like

  2. seegogga sê:

    Ag baie geluk. Ek hoop sy gaan baie gelukkig wees in year musiekloopbaan. Ek hoop ni d studenteonluste beiinvloed d eksamens ni.

    Like

  3. Pragtig. Ja – dis ‘n prestasie om ‘n kind deur die skool te sit en met waardes groot te maak. Een van die dae vlieg sy uit die nessie ook uit …
    Die foto moet baie spesiaal vir jou wees.

    Like

  4. nowathome sê:

    Jy kan opreg trots wees!! Sterkte vir haar met die eksamen!

    Like

  5. Jy mag maar trots wees…jy het baie in jou kinders belê!Dit het nie maklik gekom nie.Baie geluk en voorspoed vir haar.Watter instrumente speel sy en waar het sy studeer?

    Like

  6. Baie geluk, dis fantasties! Ek dink daar is min dinge wat ‘n ouer gelukkiger maak as wanneer hulle kinders goed aangepas en suksesvol is. Ons middelkind maak nou klaar met skool en doen aansoek om musiek te gaan studeer. Sy speel ook so verskeie instrumente. Ek geniet die musiek net so (het ook op skool tot matriek en fluit graad 8), maar deesdae kom ek nie so gereeld darby uit nie. Sterkte vir jou dogter vorentoe, ek is seker sy sal ‘n sukses maak van wat ook al sy doen.

    Liked by 1 person

  7. Kameel sê:

    Jy mag maar opreg trots wees. Die vers wat by my opgekom het toe ek hier lees is van die werk wat God vir ons voor die grondlegging van die aarde voorberei het. Hy het Sy eie spesiale plan met haar.

    Liked by 1 person

  8. Smaak my die kinders hou jou jonk.

    Like

  9. Tokeloshe sê:

    Pragtige herhinneringe ♥

    Like

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s