“Seisoen van genade”, deur Alta Cloete, is die eerste boek in die Seisoen-reeks. Ek het dit tweede gelees, maar eintlik maak dit nie regtig saak nie. Hulle volg nie regtig op mekaar nie, mens herken net soms van die karakters.
Dis ‘n pragtige liefdesverhaal, maar weer eens, nes Seisoen van Vergifnis, ‘n verhaal met baie meer. Dis maklik om te assosieer met die karakters, hulle is gewone mense, met gewone bagasie wat hulle saamdra, nes ons almal. Onnodige skuldgevoelens wat hul rûe breek. Ken jy daai gevoel, van skuldlas dra vir iets waarvoor jy nié skuldig is nie? Soms het jy dit self opgeneem, soms het ander dit op jou skouers kom plaas.
Hulle verwerk hulle bagasie, en kry baie genade… en deel genade uit.
‘n Pragtige boek wat ek graag sal wil aanbeveel.
Die boek is deel van ‘n reeks. Dit bring my by iets anders. Wanneer ek boeke oor die internet koop, besef ek nie altyd dis deel van ‘n reeks nie. Mens kom dit eers later agter. Ek wens nogals dat dit so aangeteken kan word by die boekbeskrywings, sodat ‘n mens die reeks in die regte volgorde kan lees. Bv. Watter boek volg op Seisoen van Vergifnis? (Dis nie bedoel as kritiek nie, ek voel dit by baie skrywers wie se boeke op mekaar volg.)
Intussen, lekker lees. Op Pinterest lys ek al die boeke waaroor ek al geskryf het. Kliek daarop en jy kom by die bloginskrywing uit. En op ons faceboekblad plak ek skakels na oulike bloginskrywings.
Groete
Toortsie
toortsie.com 
A, dankie nou het ek weer iets lekkers om te lees. Gaan nou sommer dit dadelik bestel as dit eboek is! Op oomblik kou ek aan bundels kortverhale van “beginners” en party is maar taai om te lees.
LikeLiked by 1 person
Ek sit maklik ‘n kortverhaalboek neer omdat mens met elke storie weer ‘oor begin’.
LikeLike
Dis n goeie beskrywing ek dink dis wat die probleem met my ook is. Ek hou nie rerig v kortverhale nie
LikeLike
Terwyl ek hom lees, geniet ek die kortverhaal, maar ‘n hele boek moet jy mos klaar lees ter wille van die storie.
LikeLike
Stem saam. n Vriendin van my wat n baie groot leser is sê dat as jy oor sestig is kan jy n boek los as jy nie daarvan hou nie. Jy lees tot op bl van jou ouderdom en as dit jou nie trek nie mag jy dit los want jy mors jou tyd.
LikeLike
Ek sit tog soms ‘n boek neer, maar ek is mos nog jonk, ek kom goe by my ouderdom bladsy uit! 😉
LikeLike
Ha ha, dis hoekom hul na sestig aanbeveel!
LikeLike
Seisoen v genade is nie eboek nie! Het toe maar Granate bloei in Jerusalem van Marzanne LeRoux-v d Boon gevat Ek hou van haar. Ook sommer I dared to call him Father ook afgelaai(Goedkoper!)
LikeLike
Mal oor beide die boeke. Ek het Seisoen van Genade by Takealot gekoop as Eboek. Maar Takealot werk nie op Kindle nie. Het jy Kindle of ‘n leser wat Epub kan lees?
LikeLike
Ongelukkig n kindle dus ek is afhanklik v Amazon!
LikeLike
Ek het al haar Seisoen boeke en haar Geur boeke gelees – awesome boeke
LikeLiked by 1 person