Ek is baie braaf as ek by vreemde kosse in vreemde lande kom. Daardie mense kom dan niks daarvan oor nie, hoekom sal ek?
Maar is ek regtig so braaf?
In Egipte het die span regtig op my gereken om die vreemde kosse te proe. Die duif was heerlik, net klein en ek het hom nog gedeel ook met iemand anders wat wou proe. Van die glibberige groen soppies gaan ek nou nie uitpraat nie.
Maar sal ek regtig slang eet? Mopaniewurms? Padda? Hond? Kat?
Aan slakke het ek al gewoond geraak, pragtig in ‘n bakkie met ‘n holtetjie vir elke slakkie, in die heerlikste knoffelbotter. As ek regtig daaroor dink, vermoed ek die knoffelbotter is die lekkerste deel van die storie en noudat ek bant, eet ek dit met ‘n lepeltjie, omdat ek mos nie dit kan opsuig met ‘n broodjie nie.
In Parys was die uitdaging toe paddaboudjies. Daar was ook slakke, en as ek die foto reg verstaan, word dit in die doppe bedien. Ek wonder darem of ek regtig daarvoor kans sien! Gelukkig was daar ook ander kosse om uit te kies!
In ons groep was wel die brawes wat paddaboudjies bestel het en dit toe met graagte uitgedeel het.
Ja, ek het ook ‘n bo-beentjie afgeëet!
Dit smaak NIE soos hoender nie, hulle jok! Die taai sous het aan jou hande bly kleef en die reuk en smaak het gebly … en gebly … en gebly! Dalk was die prentjie van ‘n brulpadda net té duidelik in my kop, maar nee! Regtig nie! Ek is nié só honger nie, prys die Here!
Ek vermoed die storie van paddaboudjies is baie dieselfde as die storie van die Keiser se nuwe klere. Dalk het een of ander slinkse ou vir Napoleon vertel dat dít nou die kos is wat mens eet as jy vernaam wil voorkom en net dalkies het die koning vir die grap geval.
Maar ek? Ek het oë en verstand in my kop en laat my nie sommer só vang nie. Wel, as dit al vleis is wat jy kan bekostig, kan ek dit seker verstaan.
Paddagroete
Toortsie
Toortsie by Finesse: My geselskap
Toortsie se Facebook Page
Toortsie se Bantingresepteboeke Facebook page
Toortsie’s English Blog Posts
Kruinsig Plaasakkommodasie, Riversdal
Toortsie by Finesse voelgoed tydskrif
Uhm nee. Net nee. O genade tog NEE!
Ek eet nie eers hoenderboudjies nie….
LikeLiked by 1 person
Ek stem 100 persent saam met jou. Wharra!
LikeLiked by 1 person
Ek eet hoenderboudjies. 😁
LikeLiked by 1 person
O ek is ‘n erge fussy eater Toortsie, dis ‘n wonder ek lyk nie soos ‘n Etiopiër nie! 😆
LikeLiked by 1 person
😂
LikeLike
Dankie….. ooooo kom ons kyk of dit werk.
LikeLike
Sowaar! 😁
LikeLiked by 1 person
Ek weet nie of ek myself ooit sover sal kry om paddas te eet nie.
LikeLike
Ek het een keer. Indien ek dit ooit weer sou doen, sak dit wees omdat dit regtig al opsie is wat daar is.
LikeLike