Hier in blogland is dinge aan die gebeur. Skokkende dinge. Rowwe dinge. Dis paddatjies en eiers lê en goeters wat uitbroei en hande bo die lakens en dít in opgevoede geselskap waar kinders ook lees! Maar hou dop, dit gaan nou binnekort begin gebeur en as julle nie weet waarvan ek praat nie, gaan loer gerus by Hester in. Blykbaar gaan dit darem nie so erg wees nie, maar ek dink dit gaan baie opwindend wees. Ek gaan deelneem, wat van jou?
Ek was vandag bevoorreg om die Nestlé Produsentedag in Mosselbaai by te woon. Ag, en daar kry ek toe sommer gratis publisiteit ook! 🙂 Ek geniet altyd sulke dae. Die geselskap is gewoonlik lekker, maar ek geniet veral die sprekers, selfs al is dit nie heeltemal in ‘n veld wat ek verstaan nie. Soos die Kaliumvlak in die grond. Ek verstaan dit nie en ek sal nou nie hierná vir julle grond- of voedingsraad kan gee nie, maar ek het dit geweldig interessant gevind.
Wat meer in my belangstellingsveld is, was die spreker wat vertel het wat hulle doen om suiwel te bemark, hulle teikenmarkte en hoe hulle elkeen bereik. Ek het veral die manier geniet wat hulle tieners bereik. Dit stel my gerus om te weet dat daar moeite gedoen word om ons produk te bemark.
Niks met vandag se Nestlédag te doen nie, maar weet julle dat daar wêreldwyd ‘n tekort aan botter is? Al hoe meer mense gebruik nou botter in plaas van margarien, en ander volroomprodukte in plaas van laevetprodukte omdat hulle al hoe meer besef dat hulle om die bos gelei is en dat dierevette nie nadelig is vir jou nie, maar werklik goed. Dit bring ‘n tekort aan room, oftewel bottervet. Ek het nou die dag ‘n foto geneem van die botterrakke in Checkers. Gewoonlik was dit stampvol, nou lyk dit so:
Mense, julle moet suiwel inneem. Drie porsies per dag. Julle het dit nodig vir beendigtheid. Dis eintlik so maklik!
O, ook interessant is dat die drie kusprovinsies, nl die Oos-Kaap, Natal en die Wes-Kaap 75% van die melk in die land produseer.
Groetnis
Toortsie
Toortsie se Bantingboerekosboek Facebook page
Toortsie se Facebook page
Finesse Blogger of the week
Toortsie by Finesse: Elke vasgeleentheid is uniek
Toortsie by Pinterest
Plaasakkomodasie by Riversdal, Wes-Kaap
“Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, kliek op die volgende InLinkz skakel:
Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke.
Nuwe onderwerpe word aangekondig elke Donderdag om 12:00 en sluit outomaties na een week.”
Ja-nee dit is erg leeg Toortsie ek sien niks (jou foto is afwesig sonder verlof)
LikeLike
Hy wys nou. Jy was net te vinnig. 😁
LikeLike
Blitzvinnig, Le Grange, Flash Gordon en Speedy Gonzalez in 1, reageer hy nederig
LikeLiked by 1 person
Ai man! Dan moet die stadige ou flitsliggie byhou!
LikeLiked by 1 person
Die storie is op rekenaar geskryf, foto van foon af ingelas. 😁
LikeLiked by 1 person
Dankie vir die skakel met die paddas en die eiers en so aan. Ja, daar sal nou tekorte wees aan suiwelprodukte, want in die “low fat” jare moes baie produsente deure toemaak. So gaan dit mos maar wanneer die sogenaamde eksperts se sogenaamde studies nie behoorlik gedoen word nie.
LikeLiked by 1 person
‘n Ander jogurtmaker het vertel hoe hulle alles moes omskakel en verander om lowfatprodukte te kry, nou sukkel hulle behoorlik om genoeg room te kry.
LikeLiked by 1 person
Jogurt is een van my grootste klagtes want AS jy dit op die rakke kry hier, is dit nou buitensporig duur. Ek eet dit sommer by elke maaltyd saam met my vrugte of natuurlik my kerriekos.
LikeLike
Maak bietjie jou eie. 😁
LikeLiked by 1 person
Ons het al. Dalk moet ek weer begin, want hier is nou ‘n varsmelk depot naby ons. Ons was die laaste drie jaar te diep in die bos om ons melk vars aan te koop en my mense het nou gewoond geraak aan boksie-melk. Ja, definitief ‘n goeie idee Toortsie.
LikeLiked by 1 person
Ek hoop regtig die Kaap kry nog reën
LikeLiked by 1 person
Dankie. Dan sal die paddas behoorlik kwaak. 😁
LikeLiked by 1 person
Hier by ons kry ek die laaste paar maande moeilik botter op die rakke. Blykbaar koop die mense in grootmaat aan, en vries dit dan. Ek wonder so ewe wat aangaan! Nou maak dit sin.
LikeLiked by 1 person
Jy weet natuurlik dat dit jou skuld is dat die rakke leeg is!!!!!
LikeLike
Ek dra die skuld met trots! 🙂
LikeLiked by 1 person
Botter weg? Is dit eg?
Al die Banters wat ons terg?
Ooh en hierdie paddas… en die eiers en en seker sal daar erens vere en voels ook wees… sal moet wag en sien.
Ek moet nog leer hoe om deel te neem.
LikeLike
Die partie raak by die minuut rowwer!
LikeLike