Lê jou eier oor paddas

Hester het die eerste uitdaging geplaas en ek is baie opgewonde! Ons moet skryf oor een of ander idioom in Afrikaans wat dalk in onbruik geraak het, en sommer ook vertel waar dit vandaan kom. Omdat paddatjies so ‘n groot rol in hierdie hele reeks gaan speel, het ek dit goed gedink om na padda-idiome te kyk.

Ou paddatjie kom aangespring, kwaak, kwaak, kwaak, kwaak, kwaak!

Die eerste een lyk so: Van ‘n paddda vere probeer pluk, en dit beteken om die onmoontlike te verwag.

Maroela Media sê dat die idioom, So waar soos ‘n padda manel dra uit Nederland kom. In die ou dae het die ouderlinge mos manelle gedra, my pa het ook so ‘n manelpak gehad wat gehou is vir wanneer hy op die kerkraad gedien het. My een seun het by sy matriekafskeid ook ‘n manelpak aangehad en het tog te netjies gelyk! Die oorspronklike uitdrukking was ‘so waar as wat kerkvors manel dra’. Die Afrikaanssprekendes het dit verander nas so waar as wat kikvors manel dra, en sover ek weet, is ‘n kikvors ‘n padda. Nou ja, so waar as wat padda manel dra, beteken dis baie seker.

Om ‘n padda in die keel te hê, beteken dat jy hees is, of ‘n krapperigheid in die keel het. Dis dan wat jy effens keel skoonmaak sodat die padda kan verdwyn. Maroela skryf dat hulle blykbaar in Engeland geglo het dat jy nie staande water moes drink nie omdat jy dan padda-eiers sou insluk in die proses. Ons glo dit natuurlik nog steeds dat jy nie staande water moet drink nie. Al manier wat hierdie paddas wat in jou maag uitbroei, sou uitkom, was deur die keel! Genade! En, skryf Maroela, dat keelinfeksies in die Middeleeue met ‘n lewendige padda behandel was wat in die keel gesit is! Sjoe, hoe dankbaar is ek nou dat ons nie meer in die Middeleeue leef nie!

Louis Malherbe het gepraat van ‘n padda in die pyp wat jou gekniehalter het as jy iets of iemand nie kon vergewe nie.

As jy dikmond is, lyk jy soos ‘n opgeblaasde padda, en om so skurf soos ‘n padda te wees, is ook nie eintlik ‘n kompliment nie. Is jy met jou mond so skurf soos ‘n padda, of is dit jou lyf wat so skurf is?

Hoor hierdie interessante een: ‘n Stomp mes word ‘n paddaslagter genoem, omdat dit die enigste ding is wat ‘n stomp mes sal kan sny. (Ek dink in my laai lê ‘n hele klomp van hulle!

Ondersteun hierdie inisiatief van Hester en gaan skryf jou idioom in Afrikaans en laat hierdeur Afrikaans blom!

Groetnis

Toortsie

English Blog Posts

Toortsie se Bantingboerekosboek Facebook page

Toortsie se  Facebook page

Finesse Blogger of the week

Toortsie by Finesse: Elke vasgeleentheid is uniek

Toortsie by Pinterest

Plaasakkomodasie by Riversdal, Wes-Kaap

“Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, kliek op die volgende InLinkz skakel:

 

Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke.

Nuwe onderwerpe word aangekondig elke Donderdag om 12:00 en sluit outomaties na een week.”

Advertisements

About Toortsie

'n Flitsliggie wat oral inskyn, ook waar dit soms ongemaklik is... A Toortsie is a small flashlight, like a torch.
This entry was posted in Lê jou eier and tagged , , , . Bookmark the permalink.

31 Responses to Lê jou eier oor paddas

  1. Skeletor sê:

    Ek is te jonk om sulke goed te doen.

    Like

  2. Toortsie! Ek het nou so gelag. Dis ‘n fantastiese inskrywing – so reg in die kol met die kikvorse, hulle eiers, vere, manelpakke en so aan (nee dankie vir die stilstaande water of die medisinale gebruik van lewendige paddas). Dankie vir die deelname en ek hou nou InLinkz dop om te sien wanneer jou skakel deurkom.

    Like

  3. AWETHENTIQ sê:

    Ongelukkig het die verlore geraal tydens verhuising, maar ons het sulke dik, groen mediese boeke geërf. Dit het dateer seker uit die dertigjare, te oordeel aan die baie ou Afrikaans. Dit is deur ‘n mediese dokter geskryf.

    As iemand baie gehik het, moes hy hoendervere rook, weliswaar darem nie van paddas afkomstig nie.

    Hy het egter aangevoer dat hy self gesien het hoe ‘n padda van ‘n soort borskanker uit ‘n vrou se bors gesuig het. Platanna, brulpadda: ek kan nie onthou nie.

    Sowaar as padda manel dra. Kan jy nou meer!

    Like

  4. travel460 sê:

    Dis so ń oulike inskrywing, Toortsie!!! Ek gaan probeer deelneem, maar goeiste, met die trekkery vat ek skaars grond!

    Liked by 1 person

  5. Kameel sê:

    Hoe op aarde kon hulle ‘n padda in jou keel sit!!!! Sowaar as wat padda ‘n manel dra…. ek sou dit nooit toegelaat het nie. Lekker inskrywing!!

    Liked by 1 person

  6. seegogga sê:

    ‘n Dikbekpersoon blaas hom op soos ‘n brulpadda, ons swem met paddavoete. Is hy prins of padda? Dis nou nie eintlik die erkende idiome nie, maar dis wel spreektaal waarin paddas gebruik word – en dan eet die Franse nog paddaboudjies ook.

    Like

  7. Die padda stories is beslis goeie voorbeelde van mooi idiome. Ek onthou meeste van hulle. Pragtig man, ek het ook lekker gelag oor die padda mannewalise.

    Liked by 1 person

  8. As daar paddaslagters in jou laai le sal jy jou padda resepte in jou banting boeke moet in sluit

    Liked by 1 person

  9. aj vosse sê:

    Lyk my Hester roer alweer die pot – met ‘n langsteel houtlepel!! 😉

    Like

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s