Kleinboeta is vier en ‘n halwe maand oud. Opvreetbaar dierbaar. Reageer as ‘n mens met hom praat. Ogies sien baie raak, gesiggie lag terug.
Maar kleinboeta was siek. Baie siek. Eers erge koors gehad en toe in die hospitaal beland vir ‘n hele vyf dae. Ons is bekommerd. Almal help bid.
Dinge werk mooi uit. Net toe kleinboeta en mamma ontslaan raak uit die hospitaal, moet pappa vir werksdoeleindes ‘n paar dae elders wees. Ouma gaan haal die baie moeë mamma en kleinboeta om ‘n paar dae by ouma te kom aansterk en te rus. Kleinboeta raak beter alhoewel ‘n lelike verkoue sy gesig kom wys. Tog raak hy meer glimlaggerig en geselserig, maar nie te erg nie. Sê ouma ietsie van pappa, is kleinboeta huilerig. Dan troos ouma en sê, nog twee slapies, nog een slapie … en wonder hoeveel kan so ‘n kindjie regtig verstaan?
Gisteraand gee kleinboeta lang gape. Hy moet eintlik al gaan slaap, maar sit nog ‘n bietjie op oupa se skoot. Toe stap pappa by die deur in … en kleinboeta se hele gesiggie helder op. Dit lag en dit kraai en gesels soos ouma die hele week nog nie gesien het nie. Soveel vreugde oor sy pappa wat by die huis is!
Toortsie
Ag, dis mooi 💌. Is dit nie ongelooflik dat ‘n kleine kindjie alreeds op so ‘n jong ouderdom weet wie sy pappa en mamma is nie. Is bly dit gaan beter met die kleinding.
LikeLiked by 1 person
Ek is so dankbaar vir die beterskap. Ja hy ken sy mense. 😁
LikeLiked by 1 person
My hart! Dis te kosbaar vir woorde, Toortsie!
LikeLiked by 1 person
Is dit nie dierbaar nie, Una 😁
LikeLike
Ai, kry ek sommer trane in die oë. Gesinsbande skep veiligheid, al is boetatjie nog so klein.
LikeLiked by 1 person
Ja hy ken sy mense. 😁
LikeLiked by 1 person
Dis wonderlik dat jy hulle kon vertroetel – baba en mamma albei!
LikeLike
En hulle vir my! ❤️
LikeLiked by 1 person
Ag wonderlik, die band tussen ‘n pappa en sy kind! So bly hy is beter
LikeLiked by 1 person
Ons is dankbaar. Hy het toe nog erg verkoue ook gehad, maar ek dink hy is aan die wen. 😁
LikeLike
Bly te hoor!
LikeLike
Dis so lekker om daardie spontane opwinding en liefde vir Pappa te sien. Hul is te dierbaar as hul so spontaan is.
LikeLiked by 1 person
Niemand kon twyfel daaroor nie. Hy het presies geweet wie dit is.
LikeLiked by 1 person
Wat n voorreg om n ouma te wees en te kan help. Ek kon dit doen tydens lockdown. Onvergeetlik
LikeLiked by 1 person
Dit is en bly regtig ‘n voorreg.
LikeLike
Ai dit maak mens se hart week!! Sterkte daar
LikeLike
Ag lekkerte om by jou ma te wees…. weet sommer julle het lekker gekuier
LikeLiked by 1 person
Ons het lekker gekuier. Dink hulle is albei weer gesond. Dankbaar.
LikeLike
So bly daai ogies blink weer!!
LikeLiked by 1 person
Jong, ek was baie bekommerd. Dankbaar alles het goed afgeloop.
LikeLike
Dit is so dierbaar!
LikeLike