Tóé al

~ Toortsie

Ons nuwe borduuruitdaging: Maak ‘n klokkestrengel. Minimum 90×15 cm. 6 maal so lank as wat dit breed is. Sorbellosteek moet minstens 60% van die borduurwerk wees, dan nog minstens 3 ander bypassende steke.

En dís waar die probleem lê. Watter drie steke kies jy nou? Soos my dogter destyds net twee instrumente kon kies toe sy universiteit toe is. Hoe moes die ander instrumente nou voel as hulle nie gekies word nie?

Net drie steke. Dit laat my dink aan die borduurwerk wat ek in standerd ses moes doen. Skeppende borduurwerk. Ag, ander het die dinkwerk vir my gedoen. My baie goeie maat, Mabeth, se ma het by die materiaalwinkel gewerk. Sy het gevra of ek saam met haar ‘n stukkie oranje lap sal koop, dan deel ons dit in die helfte. Lap is mos baie breed. Nouja, ek en oranje was nog nooit maats nie, besef ek later jare.

Die juffrou het aanbeveel dat ek ‘n heks daarop appliek. Op die borduurwerk moes daar minstens 3 borduursteke wees …

Ek het die rok van die heks met kombersstekies vasgewerk. En die ander borduursteke gedoen soos die juffrou voorgestel het. En toe was die jaar halfpad en daar nog baaaaie plek op die lap. Toe het ek deur borduurboeke geblaai en stroke geborduur met elke denkbare borduursteek wat ek in die hande kon kry. Nooit iets met die borduurstuk gedoen nie. Weet ook nie of die juffrou daarvan gehou het nie. En ek het dit ook nie meer nie. Ek vermoed dat ek maar gedink het dis nie goed genoeg nie. Bontspul, jy weet? More is more.

Terug by my sorbello klokkestrengel. Watter drie steke sal ek tog nou vat? Wel, behalwe die sorbello’s trek ek noual by addisionele steek nommer 6. Uhm. Ek het nog net 15 van die minstens 90 cm gewerk. Die blomme is in sorbello, takkies en blare iets anders. En verskillende blomme se blare lyk mos verskillend. Hulle kan nie met dieselfde sterk gewerk word nie!

En die sorbello’s? Wel, daar is met 2 drade, 3 stekies. Met 3 drade 3 stekies. Met 2 drade 2 stekies. Met 3 drade 2 stekies. Met 3 drade 4 stekies … die aantal stekies is die klein kombersstekies waarmee jy die sorbello maak.

Wie jy is is wie jy is. Die tekens was reeds in standerd ses daar! Ek vermoed ek was tóé erg buitenstyd. Soos ek vandag nog is.

Maar wie gee om? Ek geniet my gate-uit en geniet veral om my kreatiwiteit totale vrye teuels te gee. Intussen leer ek soveel as moontlik nuwe borduursteke aan.

Gepubliseer deur Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

28 thoughts on “Tóé al”

    2. Jy maak ‘n reguitstekie en 2 of 3 kombersstekies in daai steek en anker dit. Op die videos trek hulle almal die draad redelik styf dan maak dit 2 beentjies. Maar dit moet blykbaar nie so wees nie. Ag wat … as dit eendag in my huis hang sal daar net ‘n lang gerf vol veelkleurige blomme wees. Wie verbyloop gaan regtig nie die skewe stekies sien nie.

      Liked by 1 person

      Antwoord

    3. Die behoorlike borduursters sit by ‘n tafel en trek elke draadjie presies dieselfde. Ek sit sommer op my skoot en werk en dan werk dit nie altyd so netjies uit nie.

      Like

      Antwoord

    1. Baie dankie! Ek werk uit ‘n kruissteekboek en gebruik hulle kleurkeuse. 😁 Dis ‘n boek vol blomme wat ek nou net almal bymekaar sit. Ek hoop dit werk op die ou einde reg uit.

      Like

      Antwoord

Gesels saam, asseblief!

Verskaf jou besonderhede hieronder of klik op 'n logo om in te teken:

Gravatar
WordPress.com Logo

Jy lewer kommentaar met jou rekening by WordPress.com. ( Log Out /  Verander )

Facebook photo

Jy lewer kommentaar met jou rekening by Facebook. ( Log Out /  Verander )

Kanselleer

Connecting to %s