Hier is drie stories, eintlik vyf wat ek wil vertel.
- Die VLV het elke jaar ‘n skryfuitdaging vir die konferensie. Verlede jaar was die uitdaging: Skryf ‘n ballade. Ek hou nie van gedigte skryf nie. Ook nie eintlik daarvan om gedigte te lees nie. Tog, die hedendaagse gedigte geniet ek nogal. Dalk was ek as kind net eenvoudig te dom om dit te verstaan en nog meer dom om dit te skryf. Nou ja, ons hét mos soms ‘n gedig ook geskryf in die opstelklas. Of het ons nou nie? Maar wat is daar om te verloor? Danksy blogging het ek mos al lankal my skaamte vir skryf verloor, ek het reeds my naam al soveel keer met ‘n plank geslaan, hoekom nie inskryf nie? Ek skryf ‘n donker, donker ballade, om die waarheid te sê, ek skaam my eintlik oor dit. Donker, hoor. Donker. Willemien. Kom tweede in die Overberg.
- In Desember 2018 daag Scrapydo ons uit om limerieke te skryf. Ek dink dit was deel van ‘n klomp dig-uitdagings wat sy gegee het. Weer eens het ek nie eers regtig daarná gekyk nie om dieselfde rede wat ek reeds by nr 1 genoem het. Maar ‘n ander blogger skryf ‘n limeriek en ek is laf genoeg en skryf ook een. En nog een en en en … Soveel so dat ons op ons gesinsgroep toe ook begin limerieke skryf vir die lawwigheid daarvan.
- In 2019 skryf ek by Udemy in vir ‘n kortverhaalkursus en ek moet nou met ‘n rooi gesig erken dat ek dit nog nooit voltooi het nie. In daardie tyd waag ek my hand aan ‘n kortverhaal wat ek net daar op die rekenaar los en so met tyd ‘n bietjie daaraan karring.
- 10 Junie vanjaar moedig Woordnoot ons aan om in te skryf vir die Ink-kompetisie vir digters, skrywers en skoliere. Wel, ek kwalifiseer nie by een van hierdie groepe nie, maar wat is daar nou eintlik om te verloor? Net my naam, en regtig, op hierdie ouderdom is dit maar reg as ek dit verloor. Wie weet tog in elk geval dat ek inskryf? Ek stuur die ballade (Willemien) in en die vriendelike dame aan die ander kant moedig my aan om nóg in te skryf. Ek druk oë toe en skryf die kortverhaal (Tweede Kanse) ook in en toe raak ek heeltemal wit. Waaghalsig. Amper voorbarig, as jy my vra. Ek stuur toe sommer vier van daardie limerieke (Lekker lawwe limerieke) ook in as een geheel.
- Vandag kry ek hierdie e-pos:
Beste Madelé Burger
Ons is baie opgewonde om jou mee te deel dat die volgende gedigte en kortverhaal vir publikasie in INK SKRYF IN AFRIKAANS se bloemlesing INKSPRAAK2 opgeneem sal word: 1) Willemien 2) Lekker lawwe limerieke 3)Tweede kanse Baie geluk met die prestasie!
Dankie dat jy aan Ink skryf in Afrikaans se 2021-poësiekompetisie deelgeneem het. Ons het altesaam 1560 inskrywings van 344 digters en skrywers ontvang, en 616 gedigte en 136 kortverhale word in die 2 bloemlesings opgeneem.
Wel, wel, wel. Ek slaan net my hande saam in ‘wat sal dit wees’? Ongeloof? Verbasing? Want dít het ek regtig nie verwag nie. Rêrig êrig nie. Ek kan net aan my Here die eer gee.
Toortsie
Baie baie baie geluk Toorts!!!! Geweet jy kan! Supertrots op jou! Baaskind se seuntjie se gediggie is ook gekies….ek is nou omring met bekendes! Well done!!
LikeLiked by 1 person
Dankie dat jy my gelei het soontoe.
LikeLiked by 1 person
Baie baie geluk! Dis wonderlik!
LikeLiked by 1 person
Kan jy dit glo!
LikeLike
Ek glo. Dis absoluut wonderlik!
LikeLiked by 1 person
❤️
LikeLike
Daar het jy dit nou! Wie nie waag nie wen nie. Baie geluk met jou skryfwerk. Jy is beslis ‘n voorbeeld van om nie op te hou probeer nie.
LikeLiked by 2 people
Ou Scrapy, as jy ons nie uitgedaag het om limerieke te skryf nie, het ek nie dit gehad om in te stuur nie! 😁❤️
LikeLike
Mooi man, ek gaan vir Amanda laat weet dat daar goeie resultate van gekom het om so bietjie te dig. Het al vergeet ons het dit gedoen. My kortverhaal kom ook in die bloemlesing. Baie trots op myself ook. Net die idee is al genoeg om mens opgewonde te maak.
LikeLiked by 1 person
Veels geluk met jou kortverhaal! Joehoe! Wow!
LikeLike
Dankie. Ek was heel verbaas gewees want dit het nie werklik vir my gevoel dis goed genoeg nie.
LikeLiked by 1 person
Dis presies hoe ek ook gevoel het. Genade, dis die enigste gediggies en kortverhaal wat ek in my lewe geskryf het! Tog sê die organiseerder vir my dat die kompetisie regtig kwaai was. Ek voel regtig bevoorreg.
LikeLike
Selfde hier ook. Ek verwag nie om eerste te kom nie maar om darem in aanmerking te kom is al die grootste van alles. My stuk het ook al jare gelê en wag vir ‘n geleentheid.
LikeLiked by 1 person
Ek gaan nogal na die gala-aand, sommer net vir die ervaring daarvan. Of ek ooit in my lewe weer so ‘n geleentheid sal kry, weet ek nie. Ook geen wen-aspirasies nie. 🙂
LikeLike
Ek sou ook graag wou gaan. Dis alles deel van avontuur in mens se lewe. Altyd iets nuuts om te probeer en te doen.
LikeLiked by 1 person
Dit wys jou net: ‘n mens weet nie wat die klein, soms onbenulligheidjies wat jy vandag doen, nog gaan oplewer nie. Ek onthou daai dag nog so goed. My kop het oortyd gewerk met die een lawwe limeriek ná die ander. Daai dag het God al geweet van hierdie kompetisie … en hoef ek nou nie iets uit te gedink het nie, want dit sou geforseerd wees.
LikeLike
Vandag het juis ook weer iets gebeur wat aangedui het dat daar ‘n doel is en dat alles reeds uitgelê is. Gaan juis nou n stuk opplak wat vandag gebeur het. Alta Cloete het n stuk oor depressie gesit op Goodread wat ek op af gekom het en gelees het. Dit het gemaak dat ek my stuk geskryf het want dit moet gedoen word.
LikeLiked by 1 person
Ek sal loer by jou.
LikeLike
Gaan hom op Kreukels en plooi sit. Besig om te werk aan hom.
LikeLike
Baie dankie!
LikeLiked by 1 person
Baie geluk, Toortsie, dit wil gedoen wees.
LikeLiked by 1 person
Ek staan verstom. Beginner’s luck? 🙈
LikeLiked by 1 person
Well done! The inner creative in you has found a worthy outlet. You achieve so much in other areas and so it is wonderful that you have met your mettle in this one.
LikeLiked by 1 person
Thank you so much. Jong, dit was ‘n wilde probeerslag! 😝
LikeLiked by 1 person
Dit is fantastiese goeie nuus! Baie geluk, ek is so bly vir jou!
LikeLiked by 1 person
Baie dankie, ek waardeer dit.
LikeLike
Madelé! Baie geluk!!
LikeLiked by 1 person
Baie dankie!
LikeLike
Dit is ń prestasie om op trots te wees, baie geluk Madele.
LikeLiked by 1 person
Baie dankie. Ek is nederig dankbaar, en baie opgewonde hieroor. 😁
LikeLike
mooi so Toorts
LikeLiked by 1 person
Baie dankie Bondels.
LikeLike
Toe verloor jy absoluut niks met jou waaghalsigheid nie! Baie geluk
LikeLiked by 1 person
Ja wtaggies. Baie geluk! Mens moet soms net laf genoeg wees!
LikeLiked by 1 person