Hierdie is nou alles Abrie se skuld! Ek kan nie ek kan nie ek kan nie! Ek kyk nie eers na Scrapy se gedigte-uitdaging nie, want ek kan nie! En toe foeter Abrie my kop deurmekaar met sy limeriek oor die lente.
So, in opdrag van Scrapydo:
Skryf ‘n limeriek oor seisoene
van blare en blomme en soene
Van canola wat blom
en kersfees wat kom
Die jaar staan in outannieskoene.
Geïnspireer deur Abrie:
Abrie skryf ‘n limeriek
en ek het dit baie geniet
‘n man met talente
en dít in die lente
wie het dit tog gewiet?
En dan die towerinne, ‘n spesie op hulle eie:
Die towerinne wil graag gaan toer
terwyl die ander jaloers loer
Dis koffers en glase
en mense met klein blase
en ‘n lepel om die pretpot te roer!
Hoe’s daai?
Ek wil sommer hiermee aan my ma eer gee. Sy was ‘n taalkundige. Ons het nie vreeslik gedig nie, maar het baie in idioom gepraat, en soms gerym, sommer vir die lekker. En sou ons ‘per ongeluk’ in ons praat iets rym, sou ons altyd sê: ‘I am a poet and I didn’t know it.’ 🙂
Ai tog, en tipies Toortsie het hier nou ‘n oorwurm ontstaan met die ritme van ‘n limeriek:
te tere te tere te tere
te tere te tere te tere
te terete tam
te terete tam
te tere te tere te tim.
(fluister: toortsie is besig om mal te word, ek vermoed dis die toer wat haar opgewonde maak)
Nee, ek is verkeerd! Daar moet ‘n tere op die end wees, nie ‘n tim nie.
Okay, ek sal onthou.
Te tere te tere …
Ou Toortsie se kind wil loop troue
Met die beste vrou uit die vroue
Sy hart gaan aan bons
En die hele kotiljons
Staan gereed vir die fees vol vertroue.
Te tere te tere te tere … 😱
Toortsie
toortsie.com 
Uitstekend! You really are a poet and you didn’t know it!
Geluk met jou seun se vooruitsigte. Wanneer is die groot dag?
LikeLike
Na die einde van die jaar se kant. 💃
LikeLiked by 1 person
Jong, hierdie us sommer net rymelary. Daar moet blykbaar ‘n twist ook in wees. And even rudeness in die laaste reëltjie.
LikeLiked by 1 person
Toortsie, het jy wraggies sonder ons begin teug aan frangelico?? Dis eintlik baie goed gedoen..
LikeLiked by 1 person
Vang jy my nou uit! Oeps!
LikeLike
As digter wil Toortsie nie flop,
Sy’t skielik as digter ontpop.
Sy skryf limerieke
En sing soos die krieke –
Nou vrees sy daar’s fout met haar kop!
LikeLiked by 3 people
😂🤣😂
LikeLiked by 1 person
😂😂😂
LikeLike
Ek is mal oor hierdie een! 😁
LikeLiked by 1 person
Aitsa Toortsie!
LikeLiked by 1 person
Ha ha, dis te goed vir woorde! Wys jou net wat n bietjie aanmoediging doen. Dankie vir jou deelname. Jy het my dag gemaak. Voel juis so lam en tam.
LikeLiked by 1 person
😂 Suiwer rymelary. Ek dink ek het my piek bereik.
LikeLike
Toemaar my “leriek” is nog in wording. Die wat jy geskryf het is sommer lekker om te lees.
LikeLiked by 1 person
Dankie
LikeLiked by 1 person
Ek hoop jy voel gou beter. Rus so ‘n bietjie, dis gelukkig mos naweek.
LikeLike
Ja, ek dink ek het te hard aan die kinders se stories geskryf die afgelope 5 weke. Gelukkig is dit nou klaar. Daar is 11 boeke getik en gedruk. Elke kind het 4 stories geskryf wat ek geproeflees en getik het. Voorblad, inhoud en prentjies gesoek om by te sit. Eks sommer trots op die kindrrs se skrywery.
LikeLiked by 2 people
Sjoe! Geluk!
LikeLiked by 1 person
Daai is sommer baie goed en prettig en limeriek se sinoniem is mos eintlik prettig.
LikeLiked by 1 person
Maar wat van die ‘rude twist’ wat daar ook veronderstel is om te wees, volgens die internet?
Ek het nog een geskryf van,n doring wat dink hy’s ‘n koning, maar hom sal ek nie plaas nie.
LikeLike
Nee wat limerieke wat ek skryf het nie ‘n rude of vulgêre twist
LikeLike
Ek val ook in daardie groep. Ons doen dit vir die lekkerte. 😁
LikeLike
Daar is ‘n ding, politiek
Wat vir jou vere in die hoed kan stiek.
Maar as jy nie kyk
Hoe dinge wel lyk
Dan kan hy jou erg kortwiek.
LikeLike
Ek wil ook sê uitstekend! Jy het sowaar talente waarvan ek nie geweet het nie!
LikeLiked by 1 person
Dit was eenmalig! Om rympies te maak is iets anders as digkuns. 😁
LikeLike
Ek sou moet erken ek staan skuldig
En skaam word ek daarvoor gehuldig
Ek wil tog probeer
Om my skuld af te weer
Skuldig aan huldig maar nie aan dig!
LikeLiked by 1 person
🥂
LikeLike
Wow! Ek is beïndruk. Jy is ‘n uitstaande limerieker. En toe val Frannie ook sommer in op die hoë noot wat jy gesing het. Daar is net mooi niks wat die Towerinne nie kan aanpak nie!
LikeLiked by 1 person
Ek sit toe die trou-en op ons familiegroep en vir 2 dae knip niemand ‘n oog nie. Tot ek knor, en daar raak almal aan die rym. Ek het my slap gelag. 😂
LikeLiked by 1 person
Net so ‘n bietjie aanmoediging (aanknor) verrig wondere.
LikeLiked by 1 person
Ek moet sê dat ek nie verder die digkuns salaanpak nie. Rympies maak is genoeg!
LikeLiked by 1 person
Ja-nee kyk, ek stel baie belang in die “mekênieks” van die digkuns, maar ek glo nie ek sal ooit ‘n lewe daaruit kan maak nie.
LikeLiked by 1 person
Dit was altyd bo my vuurmaakplek. Ek sulkel regtig om dit te verstaan.
LikeLiked by 1 person
Ek leer maar so van Google af, maar dan weerspreek sommige artikels ook nog mekaar.
LikeLiked by 1 person