Hoekom aanhou met my boekvoorlesings? Hoekom dit enigsins doen?
Wel, ek het dit begin doen, sommer as bekendstelling daarvan. Om die waarheid te sê weet ek nie of ek ‘n grap van myself maak nie, maar eintlik gee ek nie om nie. Ek geniet dit nogals om elke oggend my stukkie te lees, dit op te neem en op SoundCloud te sit. Vir wat dit werd is. Sommige dae luister drie persone, ander dae meer as twintig.
Gelukkig maak dit nie regtig vir my saak hoeveel mense luister nie. Ja, dit ís lekker as mense luister, net soos dit lekker is as mense jou blog lees. Hoe lank ek sal aanhou daarmee, sal ek ook maar nog sien.
Soms sit ek dit by my eie Facebook op, maar ek wil ook nie die mense verpes nie. Die dae wat ek dit opsit, lees daar beslis meer mense.
Hoekom aanhou daarmee?
Soos ek gesê het, geniet ek dit, maar hier en daar kry ek uit die bloute reaksie.
Soos:
Dit breek ander mense se herinneringe oop en hulle vertel daarvan vir my via whattsapp.
‘n Vriendin skryf vir my: “Hoe heerlik. Ek het vandag vir die eerste keer tyd gehad om jou voorlesings te luister. Wow. Ongelooflike nalatenskap vir kinders en kleinkinders in boekvorm en ouma se stem.” (Die res is persoonlik.)
‘n Ander persoon stuur my hierdie: “Ek het vanoggend ‘n stukkie van jou voorlesing geluister. Ek hou van jou vertellings. Ek sal dit so stuk vir stuk luister, want ek koop nie meer boeke nie.” Ek voel gemaklik hiermee.
Die hoogtepunt was toe ‘n graad 1 seuntjie vir my uit die bloute vra: “Tannie, wie was die spook in julle huis?, na aanleiding van een van my voorlesings. As ek dit net vir hom kan doen en hy geniet dit, is dit die moeite werd.
Dit laat my dink aan Annelie Botes wat vertel het van ‘n boek van haar wat op die radio voorgelees is. Haar tuinman het haar iets na aanleiding daarvan gevra. Kort daarna sou die boekvoorlesings op die radio stop as gevolg van die koste daaraan. Sy het ‘n boek geskenk wat hulle kon voorlees. Vir mense wat dalk nooit die voorreg sal hê om so ‘n boek self te lees nie.
So, liewe kind, vir JOU sal tannie aanhou om dit voor te lees.
Mooi loop
Toortsie
Rika Sennett het wyle Elsa Joubert se “Spertyd” voorgelees en ‘n nuwe wereld het vir my oopgegaan in ‘n tyd dat ek vier beroertes in tien maande gehad het en vir lank gladnie kon lees nie. Jy is noodsaaklik vir ander, moet nooit vergeet nie.
LikeLiked by 1 person
Dankie Pete. 😊
LikeLiked by 1 person
Ek is so bly om jou stem te hoor, Toortsie!
LikeLiked by 1 person
Dankie Anne.
LikeLike
Hou net aan. Van die mooiste herinneringe in my lewe is voorlesing op radio. Om met toe oë te lê en luister en jou eie beelde op te roep… Heerlik!
LikeLiked by 1 person
Dankie
LikeLike
Ek kan nie by jou blog uitkom nie. Wat is die skakel asb?
LikeLike
httpafrikaansegedigte.wordpress.com
LikeLike
ek luister ook na die verskillende verhale oor die radio. In die diep-grendeltyd was my afspraaktye daarvolgens ingeruim.
LikeLike
Dis daardie klien ligpuntjies wat maak dat mens deurdruk en steeds aanhou al voel dit soms vir jou dis nie die moeite werd nie. Solank jy dit geniet om die lees te doen kan jy vir altyd aanhou. Dis lekker om te hoor wat jy vertel/lees.
LikeLike
Dit kom nog, jy sal sien.
LikeLiked by 1 person
❤️
LikeLike
Ek is regtig gemaklik met hoe dit gaan. 😁 Dankie liewe Christa. Is jy baie besig met oppak?
LikeLiked by 1 person
Eerder met wat om te doen en nie te doen nie …
LikeLiked by 1 person
😊
LikeLiked by 1 person
Ja,mooi herinneringe en harde werk.Dit laat my aan my radio dae dink.Selfs as jy een mens bereik het wat dit geniet het is dit geslaagd.
LikeLiked by 1 person
Absoluut
LikeLike
Ek slaap met tye sleg en dit is dan vir my heerlik om na boekvoorlesings te luister. Dankie dzt jy ook nou in my nagte by my kuier.
LikeLike
Dankie dat jy luister! So opgewonde om jou binnekort te ontmoet.
LikeLike