Leef jou emmerskoplys nou, deur Henk Gous is regtig ‘n oulike boek om te lees. In plaas daarvan dat ons ‘n lys maak van dinge wat ons wil doen die dag as ons afgetree het, die wêreld vol toer, of wat ook al, gee Henk Gous ‘n ander alternatief: Ons emmerskoplys moet eintlik ‘n leeflys wees.
Hierdie boek lees regtig lekker en wys die leser hoe om nou reeds ‘n ryk lewe te leef, hoe om ‘n leeflys saam te stel en ons daaglikse lewe na waarde te verbeter. Nie soseer in dinge wat ons najaag nie, maar om die kwaliteit van ons elkedagse lewe te verhoog.
Ek stem saam met omtrent alles wat hy skryf, en baie van die goed pas ek alreeds in my eie lewe toe, al het ek nie noodwendig ‘n geskrewe lysie nie. Hy gee praktiese wenke oor hoe om jou lewe te oordink, te beplan, jou lys op te stel en ook hoe om dit toe te pas. Hy beskryf die leeflys as ‘jou bewustelike besluite en keuses waarmee jy jou lewe bestuur.’
‘n Hoofstuk wat ek veral baie geniet het, was die een oor hoe om God se wil te soek. Wanneer neem ek die regte besluite? Hy gee baie spesifieke riglyne wat ‘n mens moet volg, soos gebed, Bybelse beginsels, my talente, behoeftes en persoonlikheid, advies van betroubare, ryp helpers, omstandighede.
Die praktiese hoofstuk van die maak van jou leeflys, was ook baie oulik, om dit te genereer, te dink, te praat, te skryf, te visualiseer, te doen, te sorteer, ens.
Ek sal graag hierdie boek wil aanbeveel vir mense wat ‘n doelgerigte lewe wil lei, wat nie sommer net wil ronddobber nie, maar werklik ‘n kwaliteitlewe wil geniet. Dalk is jy besig om groot besluite in jou lewe te neem?
Toortsie
Vir nog boekbesprekings, kliek HIER, of volg my by Pinterest.
toortsie.com 
Ek sukkel met my inskrywings en inskakel in poste(dink ek moet laptop by deur uit skop) Toe probeer ek die kommentaar stuur en daar verdwyn dit in kuberruimte.
Dit klink na n lekker lees boek. Dankie dat jy dit so mooi beskryf en aanbeveel.
LikeLiked by 1 person
Dit lees lekker vinnig. Ek het dit geniet.
LikeLiked by 1 person
Mooi bespreek, Toortsie, dit klink soos n boek wat ons almal baie nuttig sal vind.
LikeLiked by 1 person
Ek gaan dit net moet lees hierna. Het nie ‘n emmerskoplys nie.
LikeLiked by 1 person
Ek het ook nog nooit ‘n emmerskoplys gehad nie, maar daar is gied wat ek al gesê het ek sal graag wou dien. Soveel sulke goed het waar geword in my oewe sonder dat ek dit noodwendig loop soek het, dit het net oor my pad gekom baie jare later, soos my tienerwens om Wene te besoek het toevallig verlede jaar gebeur.
LikeLiked by 1 person
Myne ook,
Toortsie, het Duits op skool gehad en wou die land altyd sien. Toe gebeur dit in 2013. Onverwags deur iets wat ek nooit in my lewe wou doen nie. Referaat by kongres in Hamsburg
LikeLiked by 1 person
😊
LikeLiked by 1 person