‘n Nuwe spelery

~ Toortsie

Daar is een baie groot rede hoekom ek nie sommer toeppassings (apps) op my foon aflaai nie, en dit is omdat ek dit dan aanmekaar oopmaak, nes ‘n outomaat, maak my vingers die toeps oop, een vir een, dan WordPress, dan Facebook, dan my e-posse, selfs Instagram. Vir wat?

Laai ek Capital Singers se toep af, dan is Capital Singers ook in die lysie wat my vingers oopmaak. Vertel iemand vir my van die beurtkrag app, dan moet dit ook aanmekaar oopgemaak word. Of die weer. Mense, ek kyk al vir 30 jaar nie die weer op TV nie, maar hê die toep op jou foon, dan dink jou vinger hy moet elke 5 minute daar draai.

Om daardie rede is elke onnodige app afgehaal. Ek sing nie nou Capital Singers nie, die app is af. Weer? Beslis nie, haal af!

Nou het ek ‘n nuwe speletjie ontdek. Maréth het mos gesê dat dit ‘n goeie ding is om ‘n paar Spaanse woorde te ken as jy die Camino wil stap. Die rede? Nie om vreeslik in gesprekke betrokke te raak nie, maar eerder sodat, as jy jou swak Spaans uitpluk, hulle dan hopelik hulle swak Engels sal uithaal en dan kan ‘n mens mekaar op ‘n manier verstaan.

My nuwe speletjie is Duolingo en ek leer Spaans, van alle tale. Ek hét al gewonder of ek nie Xhosa baie meer sal gebruik nie as Spaans, wat ek dalk iewers in my lewe vir ‘n paar wekies gaan gebruik? Xhosasprekendes is hier rondom my, dit sal tot ons almal se voordeel wees as ek eerder dit leer, maar ek is nou te lui om weer van voor af te begin.

Ai toggie, julle moet my hoor! Ek praat al te oulik. Ek onthou selfs al ‘n paar woorde! Ek oefen en oefen en slaan toe! Ag tog, ek sê nou net die sinnetjie ‘n paar keer en blaai om, dan het ek die belangrikste woord vergeet, een sekond later!

Ongeag of ek dit ooit sal gebruik, doen dit my regtig goed. Ek glo my hele lewe lank nog dat ek nie taalvaardig is nie, eerder syfervaardig. Dis ‘n onnodige blokkasie wat ek vir myself gegee het. Ek is beslis nie die skerpste potlood in die pakkie nie, daar is mense wat fantasties doen, maar ek is ook nie die stompste potlood in die pakkie nie. Dit lyk my almal wat Duolingo doen, of is dit almal wat Spaans leer, kompeteer weekliks met mekaar. Wel, ek ís laasnag bevorder tot ‘n volgende liga, maar dit lyk my nou raak die kompetisie strenger.

Op die ou end maak dit nie saak of ek die skerpste potlood is nie, of ek die nommer een Duolingo student is nie. Dit ís lekker om my eie vordering dop te hou in terme van die ander, maar die grootste uitdaging is en bly dat ek op die ou end die woorde sal onthou en dit kan gebruik, dat ek die taal in ‘n mate sal kan praat.

Adiós!

Toortsie

Gepubliseer deur Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

37 thoughts on “‘n Nuwe spelery”

    1. Ek het eintlik al vir jare ‘n Afrikaanse beleid. Ek praat Afrikaans met die mense en hulle verstaan my heel mooi. Asseblief. Dankie. Vingertaal en lyftaal werk ook goed. En vriendelikheid bring jou ver.

      Liked by 1 person

      Antwoord

        1. Jy praat moeilike tale. Ek dog ek is oulik en koop vir my Die Drei Varkies in Español. Nou ja, dis pragtige prentjies, hoor maar die woorde? Suiwer Spaans en ek herken nie een nie! Gee kans, een van die dae vertel ek van die Drie varkies uit my kop uit en in Spaans.

          Liked by 2 people

          Antwoord

    1. Ek doen nog die gratis een. Ek sal maar sien hoe lank ek aanhou. Ek is tans aan die hetstel na ‘n histerektomie en het baie tyd op hande. As die lewe nou weer begin gebeur, kan so iets maklik agterweë bly. Watter taal doen jy? Russies?

      Liked by 1 person

      Antwoord

  9. Ek probeer al jare om ‘n Afrikataal te leer, maar my brein is te suf om te onthou. Ek kyk graag Spaanse flieks op Netflix’s en lees dan die onderskrifte. Dis nogal ‘n goeie manier om die klank van die taal te hoor al verstaan jy niks.

    Like

    Antwoord

Gesels saam, asseblief!

Verskaf jou besonderhede hieronder of klik op 'n logo om in te teken:

Gravatar
WordPress.com Logo

Jy lewer kommentaar met jou rekening by WordPress.com. ( Log Out /  Verander )

Twitter picture

Jy lewer kommentaar met jou rekening by Twitter. ( Log Out /  Verander )

Facebook photo

Jy lewer kommentaar met jou rekening by Facebook. ( Log Out /  Verander )

Kanselleer

Connecting to %s