‘n Lag in my dag

Op my herstelprogram vir hierdie week mag ek as passasier in ‘n motor winkel toe gaan en 30 minute daar vertoef. Ek het my eerste uitstappie gehad, en is nou stokflou terug by die huis. Beslis klaar met uitstappies vir die res van die week, dit reën in elk geval lekker sag hier by ons.

In die winkel moes daar ‘n onderonsie tussen twee van die personeellede wees net so ‘n paar sekondes voor ek daar verby loop. As ek reg gehoor het, kla die, ek neem aan, meer junior een, dat die ander persoon onnodig hard met haar gepraat het. Dié antwoord so: ‘Het jy my al ooit gehoor sag praat? Ek praat altyd hard. Ek sal nou maar verder glad nie praat nie.’

Ek kon dit nie verhelp nie, maar die volgende oomblik lag ek kliphard.

‘n Rukkie later gaan hurk ek langs die hardprater en sê dat ek jammer is dat ek gelag het, want ek praat ook hard. Saggies giggel ons twee toe onderlangs.

Ai tog, ek wonder hoeveel keer was ek al in die moeilikheid, dan het ek te hard gepraat, te bars gepraat, te kortaf gepraat, te nice gepraat. Ja, regtig! Ma praat met die persoon soos met ‘n kleintjie. Die rede? Die persoon het my al aangepraat omdat ek NIE so praat nie. Te veel gepraat, te min gepraat, te whatever gepraat. Te sag gepraat. Te binnesmonds gepraat. Praat harder ek kan jou nie hoor nie! Ek was al te vriendelik ook! 🙂 🙂 🙂

Soveel so dat ek my al in depressie in stilgebly het, en dis ook nie goed nie, want dan ontplof dit iewers.

So, nou praat ek maar my prate en doen my bes om nie ander mense te ná te kom nie. As die ander persoon dan oorsensitief wil wees, oh well …

Maar dat ek bly was toe ek hoor ander mense praat ook te hard, dis nou nie altemit nie! 🙂

Toortsie

24 thoughts on “‘n Lag in my dag

  1. Nou het jy my aan die lag, want weens my Namakwalandse aksent en Namakwalandse manier om reguit, kortaf en op die man af my sê te sê, dink mense dikwels dat ek ‘n kwaai tannie is. Nie regtig nie. Ek het laas kwaad geword toe ek nog gewerk het. Ek is bly jy het jou uitstappie geniet. Jy voel duidelik al lus vir die lewe.

    Liked by 1 person

  2. Ek het nou so hard en lekker gelag dat Rambo skoon geskrik het en my man wonder het ek mal geraak! 😂😂😂 Toe lees ek vir hom die storie en toe lag hy ook lekker want ek is ook ‘n harde prater (my man is half-doof) en as ek opgewonde raak, praat ek net nog harder en ja, ek ken van daai depressie stilstuipe. Gelukkig het niemand al ooit iets vir my gesê oor my hard pratery nie, hul skinder mos agteraf … seker te bang om dit reguit te sê want baie dink ek is ‘kwaai’ en ja wel, my manier van pratery is mos persoonlik en as iemand my persoonlik aanvat, mag ek dalk klappe uitdeel. 😂

    Doen jou prate en as hul aanstoot wil neem, hul probleem dan sê ek altyd. Soos die ouderdom aangaan is dit goed dat mense hard praat want baie van ons hoor nie meer so lekker. 😅

    Liked by 1 person

                    1. Die grys hare laat dink my aan ‘n vroutjie wat na die seuns gekyk het toe hul klein was. Sy en haar dogter se hare het spierwit geraak terwyl hul nog in hul 30’s was. Dit was vir my altyd so mooi. Spierwit grys, maar met my gelaat sal dit beslis nie pas. Ek is blond gebore en so sal dit bly. Ek is nie een vir snaakse haarkleure nie. Gelukkig nie. Ek is maar wie ek is. 😀

                      Liked by 1 person

                    2. Nee wat, ek dink die grys is pragtig en ek kan dink hoe mooi die donker strepies in dit lyk. My man het weer swart hare met die grys tinte in wat vir my so pragtig is. Ek is te blond om grys te raak. 😅

                      Liked by 1 person

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s