Die Here bring wonderlike geleenthede oor my pad wat ek met al my hande aangryp, maar soms, vermoed ek, gryp ek nog ‘n ekstra paar ook nog by.
Annabelle Lombard het al ’n paar keer geskryf van die Capital Singers en dan kwyl ek behoorlik van lus en wens dat ek daarvan deel kan wees, maar helaas. Dis in Pretoria en ek sit mos hier onder aan die Suidpunt van Afrika. Skud julle die landkaart, val ons in die see!
Die Stellenbosch-geleentheid kon ek nie bywoon nie en toe kom die advertensie: Belangstellendes kan inskryf vir die kersuitvoering van Capital Singers in Pretoria. Ek soek maats, vra op Facebook, maar niemand reageer nie. Dis ook maar die beste so, daar is regtig nie nog daarvoor ook tyd hierdie jaar nie.
Uit die bloute vra iemand anders vir my of ek saamgaan, sy gaan dit doen, en tipies Toortsie, doen ek voor ek dink en skryf in, bespreek verblyf en betaal vliegkaartjies. Ek gaan sing in Capital Singers! 😁💃
Die verstand het wel later ingeskop, maar gedane sake het geen keer nie. Oor 6 weke sing ons!
En nou leer ons liedjies aan vir ‘n vale. Pak ek skottelgoed weg, sing my selfoontjie met Toortsie agterna. Pendel ek, blêr die musiek op die radio. Ry ek gou winkel toe, dan Jingle Toortsie All the Way. Toortsie sing in die stort en in haar slaap en op alle moontlike plekke. Dis hoog, maar sy kom by. Die keel is skoon seer!
As alles goed gaan en die Here dit so wil, sing Toortsie vanjaar by die Capital Singers se kersuitvoering. Dis nou rof, maar weet julle hoe bly gaan ek wees dat ek dit gedoen het? Dis ‘n eenmaal-in-‘n-leeftyd geleentheid en ek hanteer dit so. Ek doen dit voluit. Nog iets spesiaals wat ek op my lewenservaringslysie kan sit. En wie weet, dalk kom hulle weer eendag Stellenbosch toe en kry ek dalk weer die geleentheid. Maar vir nou gaan ek voluit.
Onthou om te kom kyk, dit gaan mooi wees! 😁💃❤️
Groetnis
Toortsie
Ek dink ek moet gaan kyk
LikeLike
Ek sal vir jou waai. 😁
LikeLiked by 1 person
Deal
LikeLike
Hier kom ek nou op hierdie kommentaar af in die spamboksie! Ek haal hom dadelik uit.
LikeLiked by 1 person
Het verlede jaar een van die Capital Singers se uitvoerings bygewoon – dis werklik ‘n belewenis! Dit moet wonderlik wees om self daaraan te kan deelneem.
LikeLiked by 1 person
Ek is baie opgewonde
LikeLiked by 1 person
Ek gaan ook probeer kyk, Toorts. Wonderlike geleentheid wat jy gekry het, wow.
LikeLiked by 1 person
😁
LikeLike
Ek verwonder my aan jou! Jy gryp regtig elke dag en maak dit joune. Bravo!
LikeLike
Ek dink ek moet my kop laat lees. 😁
LikeLiked by 1 person
Jy leef! Los jou kop en volg jou hart.
LikeLiked by 1 person
Ek sê mos die verstand het eers later ingespring. Ek is nog tussenin besig met ’n Transformation Prayer Ministry kursus ook. Dit maak darem vlg naweek klaar.
LikeLiked by 1 person
You go girl. Jy kan dit doen.
LikeLike
Dankie!
LikeLiked by 1 person
Hester, ek besef die tyd begin uitloop. Daar is alreeds baie goed wat ek nie meer kan doen nie. Daarom moet ek nou skep en inpak en aanpak soveel as ek kan, binnekort is ek dalk te oud! 😱 En nou is ek doodernstig. En as die kleinkinders moontlik my aandag in die toekoms sou vra, sal ek inspring en dit voluit doen, want dan het ek mos die ander goed ook reeds gedoen. 😁
LikeLiked by 1 person
Dis reg Toortsie. Mens probeer so hard om te doen wat jy dink jy MOET doen en dan verloor jy langs die pad die dinge wat jy eintlik moes gedoen het om volle wasdom te bereik.
LikeLiked by 1 person
Nou ek maak nou op vir al daai moes doen en dit wat langs die pad verlore geraak het. 😁 Dis vir my makliker om een keer ‘n leeftyd in so ‘n koor te sing as om aan ‘n permanente koor te behoort wat weekliks oefen. Ek sou dit graag wou doen, maar sal dit tans nie in my lewe kan inpas nie.
LikeLiked by 1 person
Dis ‘n groot geleentheid. Geniet dit.
LikeLike
Haa..die Toorts kan kook, bak, boeke skryf en nog sing ook! Wonderlik!
LikeLike
Perdebytjie kan net so baie doen, sy verkondig dit net nie vir die wêreld nie. 😁
LikeLiked by 1 person
Sy doen dit net nie meer nie…sleg en lui geword!
LikeLiked by 1 person
Dit waarvoor ek geleer het, doen ek ook nie meer nie. 😁 Ek doen eerder dit wat ek nie geleer het nie en is te dom om my tekortkominge daar te besef!
LikeLiked by 1 person
Haha,dis ‘n goeie filosofie! Die lewe is te kort om vas te steek by wat jy geleer het.
LikeLiked by 1 person
Netso! 😁
LikeLiked by 1 person
As ek reg onthou, is Perdebytjie mos ook ‘n musikale een. 😁
LikeLiked by 1 person
Reg onthou, maar ek kan nie meer sing nie. Ek hoes te veel en my stem wil nie meer op die regte hoogtes bly nie..beslis nie ‘n aanwins in ‘n koor nie, lol!
LikeLiked by 1 person
Ek wonder darem. 😁
LikeLiked by 1 person
Ongelukkig is dit ‘n feit en ek was so lief vir sing!😒
LikeLike
Ai
LikeLiked by 1 person
Niks keer my egter om na mooi sang te luister nie😄😄
LikeLike
💃
LikeLiked by 1 person
Mensig Toortsie jy is voorwaar ń dame met vele talente en onder die maatemmer word hulle beslis nie weg gesteek nie. Bravo vir jou
LikeLiked by 1 person
Ek dink julle moet ‘n slag julle emmers ook lig en vertel wat julle alles doen.
LikeLike
Gaan voluit en geniet dit terwyl jy kan. Dis n heerlike vooruitsig.
LikeLiked by 1 person
Dankie
LikeLike
Dis ‘n wonderlike geleentheid! Geniet elke oomblik!
LikeLike
Ja dis regtig ‘n eenmaal in jou lewe geleentheid.
LikeLiked by 1 person
Geniet die wonderlike geleentheid met albei hande aan en geniet elke oomblik daarvan!!!🤗
LikeLiked by 1 person
Dankie!
LikeLike