Dis nié nou my beurt nie

~ Toortsie

Dis nou jóú Beurt!
Die Goue Vroue is ‘n handjievol Suid-Afrikaanse vroue – oud en jonk – wat lief is vir skryf.  Ons is geanker in die werklikheid maar spoor mekaar met bloguitdagings aan om te fantaseer.  “The Talking Stick” dien in hierdie geval as inspirasie tot wonderbaarlike stories…elke Goue Vrou kry haar beurt.  Hierdie rondte pak ons in alfabetiese volgorde aan.

Dit werk so: as jy die praatstok vashou is dit jóú beurt! Jy praat en die ander moet luister sonder om jou in die rede te val. As jy klaar is met jou storie, gee jy die praatstok vir die volgende persoon aan. (Hierdie konsep is deur Stephen en Franklin Covey in hulle kursusse tot meer effektiwiteit benut om empatieke luister te bevorder).

Volg hierdie skakel as jy ons Goue Vroue se stories in volgorde wil lees:
https://fresh.inlinkz.com/party/fe16b378ba494670a41c59177986b352

Ja jaaaa, ek weet! DIT IS NOG NIE MY BEURT NIE! Maar my naam begin met ‘n M en weet julle waar trek ons nou? Steeds by C! En dit gaan stadig! En ons Goue Vroue sukkel om net een op ‘n slag te praat. Ons is gewoond aan almal gelyk praat. Aan ‘ons vertel die storie’. Nikse ge-een-een nie.

So hier sit ons op Rebusfontein op die groot dorpsmeent om die groot tafel en die praatstok word geskuif van die een na die ander en elkeen praat en praat en praat en voor ek my kom kry loop my gedagtes al op heelemal ander plekke wat dit nie moet nie en my gedagtes dwaal af en af en af en ek is lankal nie meer by die praatstok nie eintlik het ek al die praatstok heeltemal vergeet. En ek dink dat ek gou ‘n draaitjie moet loop, staan op …

… loop my draaitjie, wonder wat op Facebook aangaan en of iemand dalk vir my gewhattsapp het en kry skielik ‘n vreeslike soetlus en moet dan sommer NOU iets maak. Wat het ek in my huis? Roomkaas natuurlik. Ek begin meng en krap in die kombuis, skrik my byna boeglam toe Trommeltjies skielik agter my praat.

“Toortsie, waar is jy? Hulle soek jou, jong.” “Wie soek my?” “Die Goue Vroue soek jou. Jy het net skielik verdwyn.” “O, ek sal nou weer kom, maar ek wil ‘n tert maak, het jy nie dalk vir my brame nie?” “Ja, ek het nogal gevriesde brame.” “Sal jy vir my bring asb?”

Trommeltjies draai toe ook ‘n hele rukkie voor sy inkom, intussen het Seegogga ook kom soek, ewe met ‘n glasie rooiwyn in elke hand, een vir my en een vir haar. Trommeltjies kom terug met die brame, net toe Una ook daar inloer. “Wat gaan hier aan? Moet ons dan nie by die langtafel wees nie?” “Ja, ja, ons kom nou weer. Wil jy ook ‘n bietjie rooiwyn hê?” “Net ‘n glasie? Nee man, ek het ‘n krisis, gee vir my die bottel.” …

Gepubliseer deur Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

36 thoughts on “Dis nié nou my beurt nie”

  1. en dar wonder ek waarheen verdywn almal, en begin vreeslik hoes, vra verskoning om water te gaan drink en vind al die ander in die kombuis. Wat!!!!! Drink julle rooiwyn sonder my? Ag nee, girls. Ek dog ons is pêlle….toe gooi Trommels gou vir my ook n glasie voor Toorts alles in die tert induiwel…..mmmmm…sag op die tong.

    Liked by 2 people

    Antwoord

Gesels saam, asseblief!

Verskaf jou besonderhede hieronder of klik op 'n logo om in te teken:

Gravatar
WordPress.com Logo

Jy lewer kommentaar met jou rekening by WordPress.com. ( Log Out /  Verander )

Twitter picture

Jy lewer kommentaar met jou rekening by Twitter. ( Log Out /  Verander )

Facebook photo

Jy lewer kommentaar met jou rekening by Facebook. ( Log Out /  Verander )

Kanselleer

Connecting to %s