Kyk, dis ‘n erkende feit dat ek nie veras wil word nie. Dit staan in my testament en my naaste familie is wel deeglik daarvan bewus.
Om geen ander rede as dat ek regtig niks van vuur hou nie en my gesin dit nie aan my gaan doen om my as laaste huldeblyk in ‘n vuur te gaan verbrand nie.
So my opdrag was nog altyd, as daar nie iewers ‘n stukkie aarde is waar ek begrawe kan word nie, drink seesiekpille, huur ‘n vissersboot en loop gooi my iewers in die see.
Op die plaas waar ons die afgelope hele paar jaar gewoon het, is ‘n ou begraafplaas van mense wat ek glad nie ken nie en wat op geen manier van my familie was nie.
Hier het op ‘n stadium ‘n oom opgedaag en aangebied om die begraafplaas te restoureer, dit was maar baie verwaarloos. En dít het my die idee gegee: Ek wil eendag daar begrawe word.
So die bouers is gereël, die ou kerkhof is netjies gemaak, daar is nuwe mure bygebou en ons graffie gegrou en uitgebou. Net reg vir die groot dag!
Nou ja. As ons nou trek, bly my gat agter! Ek twyfel of iemand ooit daar begrawe sal word, maar oor ‘n paar honderd jaar sal iemand darem wonder oor hierdie misterieuse leë graf! Ek dink oor jare gaan die stertjie aan die storie langer en langer word.
Ek giggel eintlik so stilweg hieroor. 😁
Dankie Dirkie, jou begrafnisstorie het hierdie een veroorsaak!
Groetnis
Toortsie
Toortsie se Bantingboerekosboek Facebook page
Toortsie se Facebook page
Finesse Blogger of the week
Finesse: Op jou merke!
Toortsie by Pinterest
jy kan natuurlik steeds daar begrawe word
LikeLike
Ek dink hulle moet maar iewers ‘n bossie soek en my daaragter neerlê. 🙂
LikeLiked by 1 person
Dalk gebeur daar iets waarna ons almal uitsien – dan maak dit nie saak nie
LikeLike
Sien jy nou! Dan is die graf in elk geval leeg! 🙂
LikeLiked by 1 person
Kon darem nie weerstaan om te lag vir “as ons nou trek bly my gat agter” ..oeg dit klink snaaks! Bly ek het vonkie verskaf om jou hierdie blog te laat skryf . Ek moet nog plan maak met my skroewe in my rug.. het jy geweet dit moet uit voordat ‘n ou nou veras word.. dit smelt glo nie… so word vertel.
LikeLike
Hou dit in jou lyf, dis die bewys dat dit jy is!
Ons het groot spottery oor my ma se gat ook! 😜😂
Doelbewus dit so genoem! Ek wil nog loop dans in my gat of likeur gaan drink, ‘n sundowner of iets. Of raak dit galgehumor?
LikeLike
Ken net die grappies van nagwandelaars wat dalk te diep in bottel gekyk het wat van benede so ‘n gat roepend om hulp ander verbygangers laat spaander het – nie wetend of dit iemand uit die dode is !
LikeLiked by 1 person
Die partie raak nou rof! 🙂
LikeLike
Vermaaklike leesstof! Ek het vir my man gesê dat hulle met my lyk moet maak whatever hulle die meeste berusting sal gee. Solank daar net nie ‘n orrel iewets betrokke is nie, worry ek nie veel wat hul maak nie LOL 😂
LikeLiked by 1 person
Dankie vir die ‘vermaaklik’ 🙂
LikeLike
Hmmm noudat ek daaraan dink kan die woord ‘vermaaklik’ nogal nie lekker gel saam met die boodskap van die post nie…maar ek is seker daarvan dat jy weet wat ek bedoel daarmee?
LikeLike
Dit was beslis tong in die kies geskryf net ‘n glimlag op my gesig. Die outannies gaan my aankla!
O well.
LikeLiked by 1 person
Iewers gaan iemand eendag n storie skryf oor die misterie van die lee graf of dalk oor die lyk wat verdwyn het.
LikeLike
Ag ek wens ek kan dit beleef! 😁
LikeLike
Hulle gaan ‘n riller vervolgverhaal vir Kyknet skryf hieroor! 😱
LikeLike