So, ek dra nou ‘n kous. ‘n Chirurgiese kous. Aan net een van my bene.
Ek moet die kous eers vir ses maande permanent dra. Ook nie permanent nie, vir twee derdes van die tyd. Saans as ek gaan slaap, haal ek dit af en môre-oggend as ek opstaan, sit ek hom weer aan. Doktersbevele.
Wanneer die ses maande om is, moet ek dit steeds soveel as moontlik dra. En dís waar ek soms ‘n bietjie angs of afgryse in ander se oë sien.
Mag ek julle iets vertel? Die kous pla my nie regtig nie. Dis vleeskleur, net tot by my knie en my tone is oop. Ja, dis nie onsigbaar nie en iemand wat fyn kyk, sal dit beslis opmerk. Ek dink tog dat dit nie vreeslik afwys op ‘n afstand nie, en as dit wys, wat dan?
Die somer en die warm dae lê nog voor, ek weet nie wat ek dán gaan sê nie. Ek is lief vir kniebroeke en het ook ‘n paar rokke tot by die knie, ek dink nie dit sal goed lyk met die kous nie. Dan eerder driekwartbroeke en langer rokke. Ek dra sandale en dis tog nie so opsigtelik nie.
Ek wonder of ek nie gekleurde kouse kan bestel nie? Rooies en donkerblou? Wat van gestreep in die helderste van kleure? Kolle?As die kous dan sigbaar is, hoekom dit nie behoorlik sigbaar maak nie?
Wanneer die ses maande om is, dink ek, sal ek dalk as ek ‘n korter rok dra die dag, die kous aanhou by my huis, maar as ek uitgaan, dit maar uittrek. Net die tyd sal leer.
Maar intussen is ek dankbaar. Soveel mense loop met kunsbene, arms of bene in gips, nekstutte. Daar is mense wat permanent in ‘n rolstoel is of aan ‘n bed vasgekluister. Dus, wat is een ou kniekousie regtig om oor te kla?
Mooi dag
Die vrou met die kous
Ja wees funky en verf die kous kolle op of wat van bloedrooi… dan pas jy by my trappies 😂😂😂 Op ‘n ernstiger noot… jy het al sovêr gekom, as jy weer sien is die tyd verby. Sterkte!!!
LikeLiked by 1 person
‘N rooi kous kan nooit verkeerd wees nie! 😂
LikeLiked by 1 person
Hulle gaan dink jy is kersvader se vrou 🤔
LikeLike
Man, solank ek net nie ‘n ou bloukous is nie!
LikeLiked by 1 person
Jy is darem ook nie ‘n klakous nie.
LikeLiked by 1 person
Ek hoop nie so nie! 😂
LikeLiked by 1 person
Ek moes ook die kous storie dra aan beide bene.. spierwit soos in witgeskrik, en dit nogal na my Hartklep operasie.. dit is maar terwille van bloedklonte en so aan.. maaar behoede ek het my flou gespook om dit aan te trek.. ek hoef dit darem nie meer te dra nie, Dit het man en kind geneem om my gekous te kry..
LikeLiked by 1 person
Die aan-en uittrek is regtig nie so maklik nie, dit gaan nou al beter. 😁
LikeLiked by 1 person
Mens kry reuklose lyfpoeier – dit werk om die been daarmee te sprinkel en dan die kous aan te trek. Help ook met sweterigheid deur die dag. Sterkte, soos jy sê ons moet mar seëning tel as die tydelike steiltes ons tref.
LikeLiked by 1 person
Ja wat. Ons tel ons seëninge. 😁
LikeLike
Ek is ‘gelukkig’ tussen twee nommers, my kous sit nie so verskriklik styf nie. 🙂 Klein genadetjies is oral.
LikeLike
Nou ja toe.😉🌻
LikeLike
O ek moes ook die kouse dra na my operasie so paar jaar terug. Maar dit was in die winter, so ek kon nie kla nie.
LikeLiked by 2 people
Ek gaan dalk nou te vinnig praat maar ek is seker ek het iewers op een of ander sosiale blad gekleurdes gesien….maar dalk het ek my verbeel…ek sal tog gaan loer…
LikeLiked by 1 person
Toorts..gaan kyk by Takealot.com. ek wou sê daar is iewers bietjie meer funky kouse!
LikeLiked by 1 person
Sal loer
LikeLike
My mond is groot. Ek weet nie of ek die moed sal hê om hulle te dra nie. Dis nogal baie duur kouse en gekleurdes sal seker nóg duurder wees. Dis nogal ‘n storie. Jou bene word gemeet en daar is verskillende klasse kouse wat meer of minder druk, afhangende van jou probleem.
LikeLike
Jip…en hierdie lotjie is nog oorsee…dis nog duurder
LikeLiked by 1 person
Oulap se rooi maak mooi. So het Ouma altyd gesê. My een vriend het jonktyd kous gedra, vir trombose. Dertig jaar later verstaan ek steeds nie.
Myself het gister ‘n ekstra ysterbeen bygekry. Is ons oud genoeg vir lappoppe en bliksoldate nou?
LikeLike
Ai, sterkte met jou ysterbeen. Sien jy, ek het regtig niks om oor te kla nie. 😊
LikeLike
Dankie. Myne het nie eens ‘n kous nie!! 😂😂
LikeLike
Mooi! Sal van die kleure hou. Speel sommer en laat maak wat soos tatoes lyk. Om almal te skok! En dan is dit maklik weg daarna …
LikeLiked by 1 person
😂
LikeLike
Ek sien al vir Toorts met daai kous wat soos ‘n tatto lyk, jy gaan die mense skok hoor!!
LikeLiked by 1 person
Ek verkies eerder bont. 😂 Skok sal ek hulle skok, maar ek moet jou sê, in ons kleinde dorpie is die mense al gewoond aan my lawwighede. 😊
LikeLiked by 1 person
Jy sien, dis hoekom ek van jou hou Toorts, ek is self ook so bietjie lawwerig. My pa het altyd gesê dat ek volksvreemde idees het
LikeLiked by 1 person
😂 My pa het my ‘n opgewende orreltjie genoem.
LikeLike
En ek is tans besig met Besige Bont Borduurwerk. Ek is mal oor die alliterasie, ek maak dit sommer aspris nóg vesiger en bonter. 😂
LikeLiked by 1 person