Die meeste van die tyd sukkel ek nie met ‘n slapery nie, ek slaap as die lig afgesit word en staan moeilik op in die oggend, maar verder gaan dit eintlik goed. Geen gemiddagslapery in die week nie, ek weet dis iets wat heeltemal uitsterf noudat almal buitenshuis werk, hoe sal dit werk as almal by hul kantore skielik tussen een en twee dut? Dit sal ‘n behoorlike snorkery op kantoor afgee. In elk geval lyk dit vir my of die etensuur, wat eintlik bedoel is vir ‘n rustige middagete, gebruik word om gou ‘n paar noodsaaklikhede vir jouself af te handel. So, geen geslapery nie.
Maar naweke is dit ‘n ander storie. Saterdag is MY dag en ek kry vinnig lang naels as daar met my Saterdae gepeuter word. Op ‘n Saterdag wil ek lê tot die perde horings kry, ‘n paar huisdingetjies doen as ek lus het, ‘n paar bloginskrywings doen en die middag omlê. Sondagmiddae slaap ek die slaap van die dooies.
En dís waar die probleem gewoonlik begin, want dan kom Sondagaand. Ja, Sondagaand. En hy gooi my hele klok deurmekaar.
Om verskeie redes was ek Dinsdag ‘n nul op ‘n kontrak. Soos in regtig ‘n nul, wat my hele roetine deurmekaar kom gooi het. En dan raak dit mos nou hierdie tyd van die jaar wat alles holderstebolder gaan. Gatoorkop. Als moet klaar kom.
Dis troue en krismis en admin en en en ek raak so geïrriteerd as almal so besig is en dit so uit die mode is om nie besig te wees nie en after all doen ons dit aan onsself! Ons skryf mos ons eie dagboeke!
So vannag raak ek toe rondom middernag aan die blogs lees. Ek wou eintlik net gou loer wat Seegogga oor die tale geskryf het. Hoor hier, sy gooi daai rooi taal, hoor! In die proses ontdek ou agteros iets: As ek in die leser lees, is daar onderaan verwante bloginskrywings. Nog nooit voorheen opgemerk nie. Mensig, daar ontdek ek ‘n hele klomp nuwe blogs waarvan ek nie eers geweet het nie! Maar interessant genoeg is julle spoortjies alreeds daar. Hoe het ek hulle dan gemis?
O, en ek het vandag nog iets geleer! 🙂 Dit werk by die Twenty Ten tema wat ek gebruik vir my blog, ek is nie seker of dit by ander temas ook werk nie. Maarrrrr as jy jou bloginskrywing maak, kyk bietjie op hierdie skermpie is ‘n ‘Featured Image’ hofie. As jy daar ‘n foto insit, en die persoon kliek op die bloginskrywing, dis dit die foto wat bo-aan jou blog verskyn! 🙂 Ag, jy weet dit dalk al lankal, maar ek het dit nou eers uitgevind.
En help asseblief! Daar is ‘n ongevraagde vidio van ‘n simpel mannetjie wat uit popcorn spring, wat aanmekaar wys en my data steel. HOE KRY EK DIT AF? Ek sien dis weer ‘n slim truuk van Vodacom! 😦
Toortsie
Toortsie se Bantingboerekos Facebook page
Toortsie se Facebook page
Finesse Blogger van die week
Toortsie by Finesse: Eerder kwaliteit as kwantiteit
Toortsie’s LCHF Journey
Toortsie op Pinterest
Today’s Daily Post: Anticipation: A feeling of excitement about something that is going to happen in the near future. Do you think the donkeys are standing in anticipation? What’s going to happen next? – In afwagting.
Gisteraand na sononder kom ons aan op Steenbokkie, die lieflikste private wildreservaat net buite Beaufort Wes. Ons kothuis is gerieflik en ek slaap vas, vir die eerste keer in ‘n baie lang tyd. Totdat my wekker vroeër as die werfdiere begin raas. Ek het die mes in vir hom. Gister ook nie kans gehad vir slaap op die trein nie, want ek moes foto’s neem. Vol klonte, ja ek is vol klonte. Gelukkig is daar plaasgeluide wat die moermetertjie laat afdraai. Poue, hoenders, ganse, eende. Netnou gaan kyk waar die elande en wildebeeste is, vanaand probeer slaap.
On 24 Nov 2016 06:43, “Toortsie, Kameel en Bokbaaivygie se blog” wrote:
> Toortsie posted: “Die meeste van die tyd sukkel ek nie met ‘n slapery nie, > ek slaap as die lig afgesit word en staan moeilik op in die oggend, maar > verder gaan dit eintlik goed. Geen gemiddagslapery in die week nie, ek weet > dis iets wat heeltemal uitsterf noudat almal buit” >
LikeLike
Hello. Lank nie gesien nie!
LikeLiked by 1 person
Lyk my jy ry lekker rond. 🙂
LikeLiked by 1 person
Ons treine is so lekker en die Shosholoza Meyl is maar nes die ou Trans-Karoo, nie veel het verander sedert ek 32 jaar laas baie trein gery het nie. Ons het gister ‘n baie aangename rit gehad, bietjie reën deur Nieuwekloofpas maar ek het pragtige foto’s geneem, wat ek later sal plaas. Ons is by Steenbokkie, ‘n privaat wildreservaat en sorgesnetrum vir beseerde diere. Dis net buite Beaufort-Wes, regoor die lughawetjie. Mens, moenie heirdie plekkie misloop nie. Ons kuier heerlik, die plaas is agtduisend hektaar en ons het vanoggend baie wild gesien, van verskeie soorte. Die woonstelletjies is almal lugversorg, baie ruim en regtig gemaklik ingerig. Hier is glad wifi! Poue, makoue, eende, swane, ganse, wildsbokkies, groter goed soos elande en swartwildebeeste kom op die werf, daar is ‘n Zebra – ek het nou net ‘b foto of drie opgesit op my Twitter @railLoveCT as jy wil gaan kyk daar. Ek is dood moeg na ‘n paar weke se harde werk, soms deurnag, maar ek behoort darem binnekort ietsie op my blog te kan sit. O, hier is ook kampeerplek onder lieflike groot bome, swemdammetjie, pragtige skoon ablusiegeriewe, elektrisiteit 9as daar lugversorging is) en mens kan hier vryelik in die veld gaan stap. Dis nie ‘n spa of ‘n oord met vermaak nie, maar kinders gaan moeilike hier weg na ‘n naweek of so se kuier. Mense kom kampeer hier oor Desembervakansies, so aangenaam is dit. Kom kyk, jong!
LikeLiked by 1 person
Niks so erg as om aan slapeloosheid te ly nie!
LikeLike
Genadiglik is ek eintlik nie te veel daarmee gepla nie. Maar as dinge dol begin gaan … dan staan ek op en gaan werk gou ‘n uur of wat. Gewoonlik raak ek dan aan die slaap daarná.
LikeLiked by 1 person
Ek sukkel verskriklik om aan die slaap te raak…nogal erg hoor!
LikeLike
My seun is ook so. Ek het op ‘n stadium maar opgestaan en begin werk as dit gebeur, maar het dit gestop. Net nou so voor die groot dae, laat ek dit toe dat ek opstaan.
LikeLiked by 1 person
As mens bedrywig is gedurende die dag bly slaap gelukkig nie weg nie. Noudat ek die geleentheid het op smiddae n Nanny Nap te neem voor ek my middag werk begin kan ek sommer vroeg aand nog heerlik bak en brou en ook kombuis opruim voordat ek vir n uurtjie gou e-posse lees. (hier is nie so-iets soos hulp nie, alles word self gedoen!)
LikeLike
So ‘n vinnige power nap doen wondere.
LikeLike
Beslis. Dit wys ook dat mens se brein so klein bietjie rus nodig het. Die rus is meestal 5 tot 10 minute lank!
LikeLike
Ek slaap weer hopeloos te veel. Die tv is ñ dwelm, so hier by half 9 is ek in die bed. Deesdae help die blok my, prikkel my ‘dink’, en dan is tyd vergete. Toortsie, die blokker wat by jou een “post” gister opgedaag het, is als reg daarmee? Ek dink dit gaan oor ‘in die gap staan’. Ek het liewer nie kommentaar gelewer nie.
LikeLike
Voel jy ook onrustig? Hy het vandag kamtig sy eerste post gepost. As mens op hom kliek kom jy nie by hom uit nie. Ek dink ek moet sy kommentare verwyder.
LikeLike
Defnitief Toortsie, haal af. En dalk moet jy dan weer die post opsit, want ek is seker ander het soos ek gewonder, en toe liewer gelos.
LikeLike
Ek het al daai kommentare toe afgehaal. Dankie dat julle vir my uitkyk en in die gap staan.
LikeLike
Toortsie, ek dink daar is diegene wat nie van jou diep geestelike posts hou nie. Jy is op die regte pad, hou so aan. Bly die Here oplig en uitlig. En as ek verkeerd is, sal ek regtig vir die persoon om verskoning vra.
LikeLike
Ja, ek weet daar is baie wat nie daarvan hou nie. Ek probeer altyd om nie op mense se tone te trap nie, so ek word nie sommer ‘aangevat’ nie. Maar as hulle nie daarvan hou nie … so jammer om te hoor! 🙂
LikeLiked by 1 person
Veral noudat ek in Engels ook geestelik skryf … jy weet 🙂
LikeLiked by 1 person
En dankie vir Hester wat my al gister wakker gemaak het!
LikeLiked by 1 person
Moet ek dit rapporteer?
LikeLike
Ek sou defnitief rapporteer. Iets is nie reg nie. Dalk net ñ “prankster”, maar wees liewer oorversigtig. En kan jy die persoon heeltemaal blok sodat hy/sy nie weer kan inkom op jou goed nie?
LikeLike
Ek het dit nou as spam gemerk. En afgehaal. Sal dit vir eers nie rapporteer nie. Sy het vanoggend kom môre sê. Sal haar blok.
LikeLike
Geblok, gespam, gealles. Dankie vir julle!
LikeLike
Ai toggie … my klok raak ook soms deurmekaar.
LikeLiked by 1 person
Hierdie week is my klok ook deurmekaar. Te veel dinge gebeur en alles is te emosioneel. Voel ek wil in bed klim en slaap tot alles weer rustig is. Ek het die kommentaar van die persoon gemis oor in die gap staan. Wie was dit?
LikeLike
‘n Vreemde een wat my raakgelees het by postaday. Die opmerkings was baie vreemd. Dalk is sy sommer net onkuundig. 🙂
LikeLiked by 1 person