Toe my boek verlede jaar ‘n werklikheid word en ek dit in my hand hou en daaroor blog, het Girl van die Suburbs vir my gesê: “Kyk hoe vergroot God my grondgebied.” En ja, kyk hóé hét Hy my grondgebied vergroot.
Jabes bid dat God sy grondgebied moet vergroot, en wat daarmee bedoel was, dat Hy die gebied waar hy (Jabes) vir Hom (God) werk, moes vergroot. Die boek neem heelwat groter afmetings aan as wat ek in my wildste drome gedroom het. Gisteraand laat bel iemand my en vra: Het jy gedink dit sal so ver vorder? 🙂 Nee!
Maar met vergrote grondgebied in my agterkop, kry ek (ons) so ‘n rukkie terug ‘n boodskap op ons faceboekblad. Dis van die elektroniese redaktriese van Finesse wat vra of ek en Kameel nie vir hulle op ‘n blog wil skryf nie. Ek het gereageer en sowaar!, dit het realiteit geword. Uit die korrespondensie het geblyk dat ek moes skryf oor vrouwees, vir vroue tussen 35 en 55. Oor ‘n Beter Jy.
Tik my met ‘n veer om! Wat ‘n vergroting van my grondgebied! Wat ‘n voorreg! My mond hang letterlik oop.
Dit kom daarop neer dat ons bloggers, dit lyk of daar omtrent 20 van ons is, een keer per week ietsie gaan skryf. As jy al die blogs wil sien, kan jy HIER kliek. As jy wil sien of ek die waarheid praat, en dalk sommer net soms wil gaan lees wat die Toortsie@Finesse babbel, is HIER die plek om te kliek.
Daar is blogs oor SELF (waarby ek is), Geloof, Gesonde leefstyl, Huwelik en Ouerskap. Elkeen van die afdelings het sy eie bloggers wat daaroor gaan skryf.
So, VANDAG het ek die epos gekry: Dit is aan die gang! Gaan loer gerus in en lewer asseblief kommentaar daar.
Groete
Toortsie
Kan jy dit sowaar glo? Huh? Regtig egtig glo? Sowaar? Joe!
Kom ons kyk wat word.
Sjoe!
Spring op en af van opgewondenheid. (dis nou ek)
toortsie.com 
Dis fantastiese nuus, Toortsie! Veels geluk en jy verdien dit!
LikeLike
Verskriklik baie dankie. Nie in my wildste drome gedink so iets sal gebeur nie. Dalk baie keer gewéns, ja, maar sowaar! 🙂 Ek loop op die wolke van opgewondenheid.
LikeLiked by 1 person
Kan jou glo! Ek is saam met jou aan ‘t dans, hoor!
LikeLiked by 1 person
Joe, baie baie geluk!!! Kan is ek nóú maar jou handtekenng kry?😉
LikeLike
Hiehie 🙂
LikeLike
EK is so skaam, want julle ALMAL is sulke fantastiese skrywers. En dit bedoel ek opreg.
LikeLike
….ons leer by die beste!!
LikeLike
PRESIES wat ek ook doen! 🙂
LikeLiked by 1 person
Wow Toortsie, dis is absoluut awesome!!!! Dis nogal ‘n droom van my om vir ‘n tydskrif te gaan blog, of ‘n rubriek te skryf. Dit wys jou nou net, sulke dinge gebeur wel met gewone mense. Ek is so bly vir jou. Gaan beslis lees.
LikeLike
Dankie. Ekself staan verwonderd. 🙂
LikeLike
Maar dit is te wonderlik! Baie geluk – stoot daai toortsstraaltjie (ek dink nie mens kan hierdie laaste stuk met los valstande sê nie).
LikeLike
🙂 Los valstande! Lekker lag ek nou! Dankie
LikeLike
Baie geluk… ons kry nou vername vriende. Ek gaan belis met julle spog!
LikeLike
Dankie. Maar julle is NET SO vernaam. Wys my wie jou vriende is en ek sê jou wie jy is. Sien, ek het vername vriende! 😉
LikeLiked by 1 person
Baie geluk! Geniet dit net – dis die belangrikste!
LikeLike
Dankie 🙂
LikeLike
Wow, ek voel ook saam met jou opgewonde oor die nuwe “grondgebied”wat jy en kameel nou betree. Dis wonderlik. Baie geluk en geniet dit!
LikeLike
Sjoe, dis wonderlik – bevestiging dat julle bloggers van formaat is – soos ons hier op WP lankal weet!
LikeLiked by 1 person
Dankie! 🙂
LikeLike