(I’ve got this picture on the internet )
Hierdie is die ou bekende prentjie van die konflikdonkies. Ek het al in die laerskool daarvan geleer. Die twee donkies sien elkeen ‘n hoop voer waarvoor hulle lus is. Die tou is egter te kort en nie een van die twee kan by die hoop voer uitkom nie. Ná ‘n lang gerem en strem, kom hulle bymekaar en maak saam planne oor hóé hulle hierdie situasie kan probeer oplos.
En dís waar die probleem lê: Deesdae kom ons nie meer by die derde en vierde en vyfde prentjies uit nie.
Eerstens kommunikeer ons nie meer nie. Alles loop uit op ‘n misverstand. Ons besluit eintlik sommer vooraf dat dit in elk geval nie gaan werk nie en bou dan eerder mure om ons. Ons sluit ons af. Ons draai ons rug op selfs ons geliefdes as ons net nie ons sin kry nie, want die lewe gaan om ek, ekke en EK. Ek moet na myself kyk en ek het nie sulke goed in my lewe nodig nie, daarom onttrek ek my eerder.
In die proses raak ‘n kleinigheidjie ‘n grotigheid en ek wat my afsny, kry die seerste van almal.
Die probleem van prentjie nommer 3 is dat ons bereid is om bymekaar te kom, maar met voorafopgestelde voorwaardes. Eintlik is ons net bereid om bymekaar te kom as al ons eie voorafopgestelde voorwaardes nagekom sal word. Solank die ander persoon maak soos ek wil hê, dan is die saak reg, maar ek gaan nie ‘n vinger verroer nie.
Die wonder van konflikhantering lê ook in prentjies 4 en 5, waar elkeen bereid is om ‘n treetjie mee te gee. Mens gee dalk in die begin net ‘n klein treetjie, dan gee die ander ou ook ‘n klein treetjie, en weer en weer, tot jy by ‘n punt kom waar die twee donkies saam-saam tog te lekker saamvreet aan die heerlike voer met stertjies wat vrolik swaai.
Dit kan egter net gebeur as jy bereid is om te kommunikeer, te vergewe, te besef dat die ander persoon dinge dalk ietwat anders doen as jy, om die ander persoon se pogings tot herstel in die verhouding raak te sien en te erken.
As ‘n mens konflik kan uitsorteer in plaas daarvan om jou rug daarop te draai en mure om jou te bou, sal jy op die ou end baie meer voordeel daaruit trek as wat jy ooit kon dink. Die vrede en geluk wat jy uit die samesyn van jou eertydse vriend of familielid of huweliksmaat gaan kry, is duisendmaal meer werd as die pyn wat afsydigheid bring.
Kom ons maak dinge reg. Asseblief! Kom ons leer oor konflikhantering en maak dinge reg, eerder as om te skei, die rug op mekaar te draai.
Toortsie
Nagedagte: As donkies dit kan regkry, hoekom dan nie ons nie?
toortsie.com 
Jy kan steeds jouself wees al deel jy met ander. Dis nie nodig om alles aan die teenstander te hou nie. Ek stem saam met kommunikasie van beide kante. Baie belangrik.
LikeLiked by 1 person
Mense weet ongelukkig nie meer hoe om te kommunikeer nie. As die een konflikhantering kan doen, selfs uit die boek uit, maar die ander een nie, kan dit ook skeefloop.
LikeLike
Ja, dan is meeste nog voorskrif gebonde ook.
LikeLiked by 1 person
Jy het dit mooi gesê. Konfekteer dit bly ‘n baie probleme waar ons niks aan mekaar sê nie.
LikeLiked by 1 person
Iewers moet ons dit uitpraat. Iewers moet ons hoor wat die ander persoon sê. Iewers moet ons die ander persoon vergewe.
LikeLiked by 1 person
Reblogged this on Theo Herbots Love 💘,Joy 😃 And Happiness 💌 and commented:
Een prachtig verhaal, waar iedereen een voorbeeld zou mogen aan nemen, daarom herblog ik het
Groetjes
Theo
LikeLiked by 1 person
Baie dankie.
LikeLiked by 1 person
In my jonger en nie so jonger dae nie was konfrontasie nie vir my ‘n probleem nie. As ek gevoel het iets is nie reg nie het ek in liefde gaan hoor wat is verkeerd. Tot met die pastoor het ek misverstande uitsorteer. Ek is moeg Toorts…. het op ‘n stadium gekom wat ek net nie meer lus is vir ‘n spul nonsens nie. En dis asof die mense al meer fyngevoelig en vol draadwerk raak. Soos jy sê die EK. Gee my liefde en vrede assseblief!!!!! Genoeg is genoeg.
LikeLike
Jy het jou deel gedoen. Dit voel vir my almal vermy dit deesdae en niks word uitgesorteer nie. En jy weet hoekom ek so sê en so gefrustreerd voel.
LikeLiked by 1 person
Verstaan baie goed 💜
LikeLike
Kameel, al voel jy deesdae vir vrede en los my uit, is jy nie een wat jou rug sal draai as iemand na jou toe kom om vrede te mask nie. Jy sal jou hart oopmaak.
LikeLiked by 1 person
Ek is honderd persent vir vrede Toorts. Al die gebakleiery en seergemaakte gevoelens en dikmondgeit bring ‘n mens niks in die sak nie. Kon ons almal maar net die gebod van Liefde uitgelewe het was die wêreld ‘n baie beter plek. Hoekom op hierdie aarde sal jy vir jare vir mense kwaadbly?
LikeLiked by 1 person
Ek moet tog oor woede skryf soos wat ek dit by Francois Mostert geleer het. Mense dink hul beskerm hulself deur kwaad te bly.
LikeLiked by 1 person
Die konflik situasies wat hier om my gebeur, en waarby ek nie direk betrokke is nie, leer my alweer baie lesse. Om te sien hoe mense konflik hanteer omdat hul toekoms daarvan afhang, is ñ voorreg. Want dan is daar nie tyd vir speletjies en die eie ek nie.
LikeLiked by 1 person
Dit bly net sleg, verala beide partye dit geaag reg wil kry, maar dit gebeur net nie.
LikeLike
Ons ego staan so maklik in die pad.
LikeLike
Ja.
LikeLiked by 1 person
Goeie skrywe Toorsie! Daar is ‘n les vir aolmalo van ons in die donkie-prentjie wat jy geskilder het.
LikeLiked by 1 person
Dankie! Vir my ook!
LikeLike
*almal Liewe ouers, my vingers glip deesdae op al die verkeerde sleutels
LikeLiked by 1 person
😁
LikeLiked by 1 person
Dis wat in die Paradys ook verkeerd geloop het.
LikeLike
Kon hulle tóé al nie kommunikeer nie?
LikeLiked by 1 person
Ek glo nie so nie… daar het dinge al skeef geloop
LikeLike
Nou is my moed nog minder!
LikeLiked by 1 person
Soms trek die groot sterk donkie harder as d ander een…. ai. Maar ek ‘n vanoggend n ou wyse Engelse skrywer se woorde gelees: The castle is not safe if the house is not happy. Geld eintlik vir huwelikmaats ook.
LikeLiked by 1 person
En dat jy nie kan rustig slaap as jou buurman honger is nie. Dís vir my ‘n groot bekommernis.
LikeLike