Hoe kan ek ‘n reeks oor die vroue van die Bybel doen en Job se vrou uitlos? Dis só maklik om haar sommer net te ignoreer, die nare vrou van Job wat nie haar man bygestaan het nie, maar saam met die ander mense hom vervloek het toe hy daar op die ashoop gesit het. Job, die ryk man, wat skielik alles verloor het: Sy besittings, sy kinders, sy aansien, wat nog alles.
Sy vriende kom om hom te ondersteun en hulle ondersteun hom presies net soos ek dalk ook sou en praat soos hulle dink dit is, uit hulle eie ondervinding en kennis, en sien nie Job se nood raak nie, want Job hou aan sê dat Hy onskuldig is.
Want nie Job nie, ook nie sy vrou nie, ook nie sy vriende en die wye wêreld het geweet dat dit regtig nie was omdat hy verkeerd gedoen het nie, dat God toegelaat het dat dit gebeur omdat Hy geweet het hoe sterk Job se geloof was nie.
Terug by Job se vrou, ek weet nie wat haar naam is nie. Ek noem haar sommer Jobbina.
Timothy Kieswetter het my oë oopgemaak oor Job se vrou. Lees bietjie wat skryf hy oor haar:
- Dit was nie net Job wat sy kinders verloor het nie. Hulle was ook haar kinders gewees.
- Dit was nie net Job was sy werk verloor het nie. As vrou het sy baie meer verloor want sonder ʼn man se inkomste was die vrou niks nie.
- Dit was nie net Job wie gemartel was nie. Het jy al iemand so lief gehad dat hulle pyn en seer ook voel, dalk erger? Sy kon nie meer haar man se swaarkry hanteer nie, nie omdat sy nie ʼn goeie vrou was nie, maar juis omdat sy haar man so lief gehad het. Sy wou net gehad het die pyn moes weggaan.
- Aan die einde van die storie, was dit nie net Job wat alles dubbel terug gekry het nie, maar ook sy vrou.
Dit laat ‘n mens nogals dink! Sy was maar ook bang, onseker. Sy het ook nie geweet watter kant toe nou nie. WAT GAAN AAN? HOEKOM TREF AL HIERDIE GOED VIR ONS? WAT GAAN VAN ONS WORD?
Maar God het ook aan háâr genade betoon, net soos aan Job!
Baie dankie, Timothy Kieswetter, dat jy ons oë kom oopmaak het en verhoed het dat ek ‘n negatiewe storie oor haar skryf!
Groetnis
Toortsie
Toortsie se Bantingboerekosboek Facebook page
Toortsie se Facebook page
Finesse Blogger of the week
Finesse: Om te pendel saam met jou man
Toortsie by Pinterest
Ja, mens is geneig om vinnig ander te veroordeel. Dit moes defnititef vir haar ook erg gewees het. Oulik geskryf!
LikeLike
Dankie, danksy Kieswetter!
LikeLike
Toortsie, 10 uit 10 hiervoor! Ons kyk so dikwels nie breër na die res van die prentjie nie. Jy het my nou skoon wakker geruk met hierdie vertelling. Wow!
LikeLike
Nie ek nie, Kieswetter!
Ons bybelstudiegroep het ‘n boek oor Job gedoen. In daardie tyd het Kieswetter sy storie geskryf. Dit het my nog altyd bygebly. ‘n Heel ander insig!
LikeLiked by 1 person
Ja, maar as jy dit nie so mooi hier ingevleg het op jou eie manier het, het ek dit dalk nou nooit gelees nie.
LikeLiked by 2 people
Dankie
LikeLike
Daar was nog sulke vroue in daardie tyd. Soos vandag ook … die man verloor sy werk en sy moet die wa deur die drif trek
LikeLiked by 1 person
Dit raak net al hoe erger!
LikeLiked by 1 person
En soos Kieswetter sê, ons raak emosioneel ook en in ons onsekerheid praat ons dan rowwer as wat ons bedoel.
LikeLiked by 1 person
Ja dis tog so waar.
LikeLike
Ek het al meermale gesê almal Job Job maar wat van sy vrou se pyn. Ek sal haar ook nou Jobbina noem 🙂
LikeLiked by 1 person
Omdat sy op ‘n stadium ‘uitgevaar’ het teen hom en sy geloof, en dit in die Bybel, dit voel normaal dat om te dink sy tree verkeerd op. Dis só maklik om haar verlies mis te kyk.
LikeLiked by 1 person
Jy het soveel insig! 😊
LikeLike
Ag dankie 🙂 Sou wat wou gee om in alle dinge van die bybel dieper insig te hê, maar hoe dieper ‘n mens kyk hoe meer besef ‘n mens hoe min jy werklik van die ontsaglike grootheid en wysheid van God inneem en verstaan.
LikeLiked by 1 person
Mal hieroor.
LikeLike
Weereens wil ons oordeel oor wat op die oog af gebeur. Kyk net na die slagoffer in die storie, maar neem nie in ag hoe dit die wyer kring raak nie.
LikeLiked by 1 person
Ek maak my ook maar skuldug daaraan. Ai
LikeLike