Sy staan voor my, daardie mooi oë van haar vol erns. “Is daar nie ‘n plek in Johannesburg waarheen mens kan gaan wat jou leer hoe om te soen nie?” Ek wil lag maar hou myself in. Jay, my hartskind… sixteen years old and never been kissed before. “Nee, daar is nie so ‘n plek nie, hoekom vra jy?” Sy verduidelik dat sy bang is sy kry ‘n kêrel en dat sy nie sal weet wat om te doen as hy haar wil soen nie. “Ek wil rêgtig, rêgtig leer hoe om te soen mamma,” eindig sy nogsteeds die ene erns. Jay, ons dogter wat van kleintyd af alles volgens reëls doen. Gaan ons op vakansie moes ons eers vir haar die reëls van die plek lees voordat sy kon ontspan. Dié dag op Tafelberg kon sy net-net lees. Ons wou gaan stap maar sy het eers al die reëls gelees en ons, ons dae gegee sou ons enige reël oortree.
En nou soek sy by my die reëls van hoe om te soen!!! Hoekom het niemand nog ooit daaraan gedink om ‘n reëlboek vir soen uit te bring nie? Ek stel haar gerus dat wanneer die dag van haar eerste soen aanbreek dit natuurlik sal gebeur…. en sy met tyd sal verbeter.
‘n Paar maande later ontvang Jay ‘n bos blomme. Ek neem ‘n foto van ons blosende kaalvoet dogter. Eintlik is sy nog net kind, dink ek. Die held daag ‘n week later op. Donker, aantreklik, twee jaar ouer as Jay maar alreeds werkend, en gewoond aan die wêreld. Miskien sou ‘n stamelende sestienjarige ons meer gerus gestel het, maar Jay het heel duidelik haar hart op dié donker kêrel verloor. Ken lê streng reëls neer vir die kom en gaan van die twee, en Chanté speel met tye chaperone. En toe kom die aand van die groot toets!!!
Ek en Ken sit in die sitkamer en tv kyk. Jay het soos gewoonlik haar held by die kar gaan afsien – die volgende oomblik gaan die voordeur oop en soos blits hardloop sy verby ons, gang-af. Toe ek by haar kom lê sy op haar bed en snik. Ek gaan sit by haar, en ‘n rukkie later moet ek hoor dat die held haar probeer soen het. Sy het so groot geskrik dat sy die hasepad gekies het. “Hy gaan nooit weer terugkom nie mamma, nooit weer nie. Ek weet nie hoe om te soen nie!!” Die desperaadheid in haar stem doen iets aan my eie hart. “As hy vir jou omgee sal hy terugkom Jay,” troos ek. “Skryf vir hom ‘n brief en verduidelik dit vir hom.” Sy raak stil, vee haar trane af. “Ek sal vir hom skryf, miskien verstaan hy,” sê sy hoopvol.
Jy moes jou mond gehou het Kameel!!!
So onskuldig op 16, wens vandag se kinders was ook nog so.
Ek kry so hol kol op my maag wanneer ek aan my kleindogters dink oor 16 jaar
LikeLiked by 1 person
Vroeg ryp, vroeg vrot soos die spreekwoord sê. Ek dink ons almal se harte klop maar onrustig wanneer ons na ons kleinkinders en die wêreld kyk. Opkyk Boontoe is my enigste hoop!!!
LikeLiked by 1 person
Jou vertelling is so dierbaar, Kameel. Jou kind so onskuldig. Ek wonder net oor jou laaste sin. En maak maar my eie afleidings. Ai, dis net die Here wat ons met hulle almal kan help. Net Hy.
LikeLiked by 1 person
Dink jou afleiding is korrek Una…. jare se pyn en trane wat voor haar gelê het, en vandag nog is die donker man haar nagmerrie.
LikeLiked by 1 person
Al wat ek weet is dat jy daar is vir haar. Die Kameel wat ek leer ken het, is die aardse toevlug vir haar mense.
LikeLike
En hier het jy my in trane Una.
LikeLiked by 1 person
Ai tog. Dis seker maar goed ‘n mens kan nie in die toekoms in sien nie, maar soms, net soms, wens jy dit was moontlik.
LikeLiked by 1 person
Kon ons die toekoms insien sou ons baie anderste besluite geneem het… of sou ons?
LikeLiked by 1 person
Miskien en miskien het ons dan nog erger probleme gehad.
LikeLiked by 1 person
Het hy toe wel teruggekom?
So lekker vertel.
LikeLiked by 1 person
Sy was so pragtig, kinderlik en onskuldig. Hy het teruggekom ja, en as hy mooi met haar te werk gegaan het sou hy ‘n vrou gehad het wie se hart totaal aan hom behoort het, en sy geluk eerste gestel het. Hulle is getroud en hulle storie nie mooi nie.
LikeLiked by 1 person
Ag nee, ek wou nou nie eintlik die gedeelte hoor wat se dat dit nie ‘n mooi storie is nie…. ag nee! En hul ken mekaar van sy 16 is, dan moet die nie mooi storie dus al lank aanhou…
LikeLiked by 1 person
Hulle het twee kinders saam. ‘n Veertienjarige dogter en tienjarige seun. Sy is werklik deur baie diep waters en tot na haar egskeiding bly hy (en sy familie) vir haar ‘n nagmerrie. Is daar ooit ‘n “and they lived happily ever after,” in die werklike lewe?
LikeLiked by 1 person
Dit is hartseer, daar is darem baie 2de kanse wat mooi en gelukkig en goed uitwerk. Ek moet herken, my X bly ook vir my n NAGmerrie,
LikeLiked by 1 person
Ek probeer by jou blog ingaan maar dit bly sê “This site can’t be reached” Lê die fout by my kant?
LikeLike
Huna kon gaan lees, en gaan comment, dan neem ek aan dit is aan jou kant, Gaan jy in op followed sites op my inskrywing of gaan jy na my blog toe?
LikeLike
Ek druk op jou naam hier waar jy kommentaar gelewer het…. dit is hoe ek nog altyd doen dan vat dit my na jou blog toe. Ewe skielik wil dit nie…. seker fout by my. Wil jy nie asb jou blogadres vir my gee nie dan probeer ek so. Ek mos maar rigtingbeduiweld op die internet.
LikeLike
Kyk of jy dalk op hierdie link regkom
https://wordpress.com/read/feeds/35784851
LikeLiked by 1 person
Jip dankie ek is in 😊Sal dit nou op my foon save.
LikeLiked by 1 person
Plesier, ek is baie bly!
LikeLike
So ‘n mooi vertelling van onskuld en opregtheid, Kameel. Dan ongelukkig lees ek by die kommentare dat dit maar tragies verloop het…ai, tog, sterkte!
LikeLiked by 1 person
Dankie perdebytjie. Het alle liefdesverhale maar ‘n gelukkige einde gehad.
LikeLiked by 1 person
Ai, Kameel. Ek is ook nie ‘n goeie soener nie, dalk sou ‘n kursus vir my ook gewerk het! 🙂 Jan van Elfen se boeke was baie informatief, maar nie oor soen nie!
LikeLiked by 1 person
Dis nooit te laat om te leer nie Toorts…. wie weet jy word dalk ‘n soener van formaat 😀😀😀😀
LikeLike
Ai man, met my toe neus neuk dit maar!
LikeLiked by 1 person
Ag hoe seer word my hart toe ek nou lees van die einde. So mooi inskrywing. Dit maak my bang vir my eie dogtertjie wat ook eendag moet sestien word. En wat van my seun? Hy is ook so reëls kind.
LikeLiked by 1 person
Ek het so geglo haar lewe gaan mooi verloop. Die enigste beplande baba uit agt kinders. ‘n Juffrou het eenkeer vir my gesê as haar naweek chaoties verloop kan sy nie wag om die Maandag by die skool te kom net om in Jay se oë te kyk om weer rustig te raak nie. Jay het baie seer gekry… en net partykeer skop daar opstandigheid in my dat sy soveel pyn moet deurmaak. As ma’s bid, glo en vertrou ons dat alles ten goede sal meewerk.
LikeLike
En dit sal beslis! Ek bid en glo saam jou.
LikeLiked by 1 person
Vir jou eie kinders sonell….. bid, bid, bid. Ons kan nooit te veel vir hulle bid nie.
LikeLiked by 1 person
Absoluut!
LikeLiked by 1 person
Aha, hier is ons weer by daardie eerste soen van jou! Toe ek nou die dag so oor die Coce-vragmoterbestuurder gepraat het, het ek lekker terug gedink aan daardie jongwees jyd en verlief wees op die onmoontlikste persoon. Ek moet beslis dit aanteken terwyl my brein die inligting vir my opsoek en oopmaak. Gelukkig het Jay vir jou om darem haar hart oop te maak. Dis so belangrik dat daaroor gepraat word. Al is dit dan nie op die manier wat jy eintlik wou nie.
LikeLiked by 1 person
Daar het baie water na daardie dag in die see geloop. Haar lewe saam met dié liefde van haar wat later haar man geword het sou ‘n boek oor geskryf kon word…. met ‘n ongelukkige einde. Hy en sy familie is haar nagmerrie al is sy lankal van hom geskei. Ek glimlag vir jou en jou coca-cola man. Om te dink hy het nie eers geweet hy het jou hart vinniger laat klop nie. Oooo ek was op sestienjaroge ouderdom so verlief op my neef wat by ons gebly het se een vriend. Hy was verloof en ek kon sy verloofde nie verdra nie. Ek was so hartseer die dag toe hulle getrou het.
LikeLike
Dis so jammer dat seker kinders ekstra swaar en hartseer moet beleef. My man se eerste vrou was soos n neet skielik toe sy agterkom hy is weer getroud. Na sy dood het sy die vermetelheid gehad om my prokureur te bel om te vra wat sy uit sy boedel gaan kry. Gelukkig het die prokureur geweet van my omstandighede en vir haar gesê daars niks om te erf nie. HY was werkloos en n boemelaar. Wat waar was. Gelukkig het hy sy polis aan my bemaak wat my aan die gang gehou het in die begin.Of te wel ek het dit vir my seun belê sodat hy verder kon gaan leer.
LikeLiked by 1 person
Ai scrapy partykeer wens ek ek kan by jou sit en die hele storie rondom jou man hoor. Hoe julle ontmoet het, julle lewe saam ens ens. Dit klink of jy tog baie lief was vir hom. Die lewe vra nie vrae nie…. nounet slegte nuus gehoor. My skoonseun en twee kleinseuns ry ernstig fiets. Hulle is ‘n groep maats en pa’s wat saamry. Vanoggend is een pa – seker so 40 jaar oud – dood aan hartaanval in die ry.
LikeLike
Ag jong, ek het net gevoel ek moet dit gedeel het. Hy was my eerste en enigste liefde gewees. Dis nie lekker om te hoor van sulke jong mense wat aan n hartaanval doos gaan nie. Dink jy dis die warmte wat ook n oorsaak kon wees?Hier met die hittegolf bly hulle sê ou mense en klein kindertjies moet baie water drink. Die hitte vang my nogal, my bors wil net toetrek. Nou sê hul dit gaan nog warmer word die volgende paar dae. Dis vanmiddag laat syeeds 51 grade op my dak gewees. Temp binne was 28. Die volmaan moet nou verby kom dat ons kan afkoel.
LikeLike
Ons het twee keer hittegolf gehad en elke keer heerlike reën daarna. Nee, dis vanoggend koelerig met so ‘n sagte motreën.
LikeLike