Geloof in dit wat jy nie sien nie

Na aanleiding van Hebreërs 11:1, Om te glo, is om seker te wees van die dinge wat ons hoop, om oortuig te wees van die dinge wat ons nie sien nie, skryf Susan Coetzer in Smarties vir die siel dat geloof juis andersom werk as die normale lewe. Ons moet juis die kans vat en glo soos ‘n kind sonder om eers ‘n bewys te vra. Om die risiko’s te neem, te glo in die Lewende God, en te wen.

Sy verwys na soveel mense wat die lotery speel, in lang rye staan om die kaartjies te koop, hulle geld vermors en ‘hoop’ en ‘glo’ dat hulle gaan wen. Hoekom dan nie eerder hierdie kans met God waag nie?

Sy daag ons uit om op te tree, op te hou wonder en doodeenvoudig ‘n wilsbesluit neem om te glo en as jy dít gedoen het en God begin opsoek, sál Hy van Sy geheime aan jou begin openbaar.

En daarvan kan ek, Toortsie, getuig. Eens op ‘n tyd het ek gekies om te glo dat Hy die enigste Lewende God is en dat Jesus die enigste verlosser is. Ek het dit dalk nie blindelings gekies nie omdat ek in ‘n Christenhuis grootgeword het. Prys die Here tog daarvoor.

Vandag, egter kan ek met ‘n oop gemoed sê dat ek dit glo en dit weet, nie blindelings nie, maar uit ervaring omdat Hy dit al op soveel maniere vir my bewys het. Hy is daagliks by my betrokke en ek by Hom.

Hier is my getuienis:

My jaar het woes begin en ek kom nie by TPM (Transformation Prayer Ministry) uit nie, nie vir myself nie, ook nie vir ander mense nie. Skielik wonder ek: “Is TPM regtig die ding wat ek moet doen? Is dit iets wat ek moet uitbou?’ Binne ‘n week stuur God vir my twee kliënte, sommer op een dag! Toe kom #Imagine en die Vrydag wonder ek of dit nodig is dat ek gaan. Ek meld wel aan. Daardie aand ná die eerste #Imagine-sessie is dit soos ‘n brander wat aankom soos die kinders aanstroom na die Care tent. Ons is net 20 beraders, hulle moet selfs ekstra hulp inroep.

God is groot. Hy wys my net daar dat Hy wil hê dat ek moet voortgaan met waarmee ek besig is. Daar is baie pyn en nood daarbuite.

Ja, God is betrokke by ons as ons Hom sal toelaat om dit te doen.

Toortsie

Loer gerus by Pinterest waar ek al die boeke wat ek bespreek, lys.

Vuurfobie

Ek het al geskryf oor my vuurfobie wat kleintyd ontwikkel het toe daar in die  kamer waarin ek geslaap het, ‘n kortsluiting ontstaan het en ek amper versmoor het van die rook. Gelukkig het my ma iets in die kamer kom doen en daarop afgekom.

‘As sy nie toe na die kamer gekom het nie, sou ek versmoor het.’ Oor jare het ek hierdie fobie gevoed en het dit groter en groter geword. Soveel so dat as ek op die Bredasdorp/Swellendampad ry en ek sien die berg brand by Heidelberg, het ek angstig geraak. Sou daar iewers iets op die plaas brand, sou ek gaan kyk of dit veilig is. Ek was bang dat ‘n kar omslaan, want dit kan aan die brand slaan. Donderweer kan ‘n brand veroorsaak.

Kort nadat ek Transformasie Gebedsbediening (Transformation Prayer Minsistry, TPM) begin doen het, wonder ek een dag oor hoekom ek hierdie fobie het. Op my, toe nog, onseker manier, het ek TPM op myself toegepas en ek is nie seker of ek heeltemal by die leuen oor myself uitgekom het nie, maar ek het besef dat daar iets baie groots is wat ek misgekyk het: Dat Gód gesorg het dat ek nie versmoor nie, dat dit Hy was wat my ma kamer toe gestuur het en ek dus veilig was en die brand gekeer kon word.

Soms het ek daarná gewonder: Is my fobie nou genees, of nie? Daar was een keer ‘n brand in die berg net agter ons plaas, en my man het daar aangekom en gevra of ek weet wat aangaan, en ek het doodrustig vir hom ‘ja’ gesê. Gewoonlik sou ek teen daardie tyd al my goedjies gepak het en gery het.

Saterdag, met die brand wat dreigend nader kom, was dit regtig vir my ‘n toets. Is my fobie genees, of was dit net ‘n foefie? Het ek my dit dalk net verbeel?

Ja, ek hét die vuur staan en kyk om te sien in watter rigting hy hardloop. Vir ‘n rukkie wou die angs kom omdat ek nie kon dink hoé die vuur sou stop nie. Ja, ek wás bang dat dit om ons, oor ons, kan hardloop. Maar ek was nie so angstig soos ek gewoonlik was nie. Ek was eerder bekommerd dat die troutent kan brand, en ek was bekommerd oor die skade wat ons én elke boer wat deur die vuur geraak kan word, sou kry. Ek was bekommerd dat, terwyl ons weg is, die vuur kom en my honde nie kan vlug nie omdat ons die hek toemaak dat hulle nie rondloop nie.

Maar ek was nie angstig uit vrees dat ek iets sou oorkom nie. Sou die vuur nog nader kom, was dit sekerlik anders, maar ek het totaal anders opgetree as wat ek die afgelope 50 jaar doen.

God is groot.

Toortsie

Ek en my eie worstelinge

As daar iets is waarvoor ek regtig dankbaar is, is dit TPM (Transformation Prayer Ministry) wat God oor my pad gebring het. Ek is dankbaar vir die wonderlike verandering wat dit in ander mense se lewens bring, maar ook dat ek dit op myself kan toepas en dit dan totale veranderinge in my eie hart bring.

In die afgelope tyd het ek ‘n paar keer by kruispaaie te staan gekom. Wat moet ek maak? Terwyl ek totaal onseker staan en dink wat ek moet doen, ‘tag’ iemand my op FB, ‘Follow the Shephard, not the flock.’ Net daar gaan doen ek TPM op myself waar God vir my direkte antwoorde gee. Prysenswaardig.

Nog ‘n keer word ek na die TPM-tafel geroep. Ek voel so onseker, my lewe lank praat ek op verkeerde tye, en hou mense nie daarvan nie, word ek dan van lelike goed beskuldig. Dit maak my onseker, steel my borrelende persoonlikheid, laat my onttrek van mense uit vrees dat ek sê wat iemand nie WIL hoor nie.

God wys my deur TPM dat daardie gevoel spruit uit my kinderdae, toe ek as kind hardop gevra het wat al die volwassenes agter hulle hande gefluistervra het. 😱

Ek moes geweet het om stil te bly!

Ek is DOM!

God wys my dat ek nie dom is nie, maar gedoen het waarvoor ek geroep is: Om die waarheid te praat. As dit nie moes uitkom nie, moes die grootmense mos stilgebly het!

Dis vir God kosbaar dat ek die waarheid praat en dis juis waarvoor ek geroep is omdat mense nie meer die waarheid praat nie en ook nie daarvan hou as iemand die waarheid praat nie. En dis okay, want ek moet God gehoorsaam, nie mense nie.

Skielik voel ek nie meer dom nie, want ek is eerlik en gehoorsaam en praat die waarheid soos wat God my geroep het om te doen.

Op ander vrae wat ek ook gehad het oor moeilike dinge wat God van my verwag om te doen, het Hy ook geantwoord, dat Hy my kan vertrou daarmee, daarom moet ek dit doen, al is dit vir my moeilik.

Ek voel verlig en vry om weer my borrelende self te mag wees, want dán is mense gemaklik rondom my, wat hulle nie is as ek gespanne is en elke woord eers tien maal moet tel nie.

God het vir ons ons persoonlikhede gegee en ons moet dit lééf, dis al wat Hy van ons verwag.

Toortsie

TPM Riversdal en Bredasdorp

Astonished? Or in Awe?

Although astonished is the word that I am going to use today, as a result of the daily prompt, I think the best word to use in this case, is ‘in awe’.

I am a Transformation Prayer Ministry (TPM) Facilitator. I am quite new and don’t see clients every day or every week, but I see some clients on a regular basis. Every time when a client is due for his/her appointment, I am a bit nervous. Then I have questions in my mind, like, would I be capable of doing it? Every time I go to the Lord and He calms my heart and assure me that it will be all right.

With every client I see, I am astonished, in awe about what God does in the lives of those people. It is amazing to see how God brings healing to a person, and what is really wonderful, is that God brings the healing differently for every person. He knows us so well and He knows which way would be best to bring truth to each of us.

Every time, after a TPM session, I want to rejoice, because I could have the privilege to see the real transformation that happens in the heart of that person.

God shows the person that felt neglected for her whole life, that she has purpose. The man who had anger in his heart towards a person, became free after many years of carrying the heavy load of unforgiveness and walked away with so much energy, not having to carry this load any more. The lady that always felt the odd one out in her family, learned from God that she is loved so much. The Toortsie that felt for 50 years that she was not good enough, learned that she is good enough, that God wants her the way she is.

Each time God has a new surprise. Each time I am astonished. In awe, because our God is an Awesome God. He really is!

I want to encourage you to take your pain, the pain that you carry for all your life, the pain that you hide, the pain that drags you down, have the courage and make work of it. Confront it. Look it in the eye. Yes, it really is painful, but the relief is so much better.

Best wishes

Toortsie

Toortsie by Finesse: Stel jou voor!

Toortsie se Facebook Page

Toortsie se Bantingresepteboeke Facebook page

TPM Transformasie Gebedsbediening Bredasdorp en Riversdal Facebook Page

Toortsie’s English Blog Posts

Kruinsig Plaasakkommodasie, Riversdal

Toortsie by Finesse voelgoed tydskrif

Radio Tygerberg resensie

Kwaadwees

Kwaadwees is deel van ons lewe. Dit het natuurlik verskillende vlakke. Ons kan ons sommer net liggies vererg, of vir ‘n dag of week lank vir iemand kwaad wees en dit dan vergeet, of iemand kan ons só kwaad maak dat ons selfs ‘n wrok koester teen die persoon.

By die TPM-sessies (Transformation Prayer Ministry), kom kwaadwees baie keer ter sprake. Die persoon kan kwaad wees vir homself, vir God, vir iets of iemand anders. Soms kom daardie kwaadwees al so lank aan, of dis al so diep gebêre, hy is eintlik nie eers meer bewus daarvan nie, dis eintlik al deel van sy mondering!

Elkeen van hierdie mense het baie keer die volste reg om kwaad te wees. Wat ons egter met daardie kwaad doen, is waar die probleem lê. Gaan ons dit ‘laat gaan’ of gaan ons dit vashou, koester, omdat ons glo dit ons beskerm, of die persoon straf, of wat ook al?

In my TPM sessies het ek al gesien hoe ‘n persoon net nie kán vergewe nie en dit sy hele bestaan beïnvloed. Álles raak vir hom te erg. Hy is in ‘n angstoestand, maar aan die kwaad moet hy bly klou. Dan wil ek huil. Ja, ek weet eintlik ook nie hoe maak ‘n mens om dit te laat gaan nie, maar tog kry mense dit reg. Ook ek kon dit regkry met God se hulp.

Die wonderlikste is wanneer iemand inkom met hangskouers en die lewe wat druk en hy ‘n jarelange woede wat sy hele lewe beïnvloed, in die oë kyk en besef dat hy regtig nie langer daaraan wil dra nie, dat hy dit wil laat gaan, dat hy die persoon onvoorwaardelik vergewe en aan die bid raak en sommer vir God ook vra om die persoon te vergewe. Die verandering wat voor jou oë gebeur, kan jy vir niemand beskryf nie. Daardie persoon se onmiddellike omstandighede is dalk nie skielik anders nie, maar hy het ‘n ligter tred. Hy voel bevry en dít is net genade van die Here af.

Of die persoon wat nie eers besef het dat hy al vir jare kwaad is vir iemand nie, en toe hy dit bely en laat gaan, verdwyn ‘n klomp van sy huidige onsekerhede, omdat die kwaadwees en alles wat daarmee saamgaan, uit die weg geruim is.

Dis so maklik om ons kwaadwees te regverdig, ons het rede om kwaad te wees. En sê nou ek vergewe die persoon en net môre doen hy dit weer?

Dis nie altyd maklik om dit te laat gaan nie, maar regtig, dis die moeite werd. Daag jouself uit: probeer dit. Jy gaan dalk nie glo watter verskil dit aan jouself gaan maak as jy nie meer die vrag hoef te dra nie.

Sou jy graag ‘n TPM-Fasiliteerder wou sien omdat iets swaar op jou hart lê, kyk gerus op die TPM App vir ‘n fasiliteerder in jou omgewing.

Groetnis

Toortsie

Toortsie by Finesse: Op die spore van die meesters met Uber

Toortsie se Facebook Page

Toortsie se Bantingresepteboeke Facebook page

Toortsie’s English Blog Posts

Kruinsig Plaasakkommodasie, Riversdal

Toortsie by Finesse voelgoed tydskrif