Jentezen Franklin skryf in Om lief te hê ten spyte van seerkry, dat ons moet kies om lief te hê asof ons nog nooit seergekry het nie omdat die grootte van ons seerkry ons reaksies bepaal.

Hy verwys na Josef wie se broers hom verkoop het as slaaf. Hy het alle rede gehad om, toe hy die kans kry toe hulle in nood voor hom staan, hulle terug te betaal vir wat hulle aan hom gedoen het. Hy kies egter vergifnis in plaas van vergelding en sê vir hulle dat hulle hom wel kwaad aangedoen het, maar dat God die kwaad wat hulle aangedoen was, omgekeer het in iets goeds.

Franklin stel voor dat ons die volgende keuses maak om gebroke verhoudings te herstel:

1) Kies liefde bo seerkry.

2) Kies om ander mense lief te hê – altyd.

3) Kies om te jaag na wat voor is.

4) Kies om jou wonde te laat genees.

5) Kies om aan te hou beweeg.

Ek is maar nog in die begin van hierdie boek, maar geniet reeds elke woord. Dit is uitstekend geskryf in ‘n gemaklike taal.

Ons almal kry een of ander tyd in ons lewe seer. Soveel keer word die seer veroorsaak deur iemand baie naby aan ons. Ons bou dan mure om ons hart om seerkry te verhoed. God kan ons help. Hy wíl ons help.

Ek is seker ek gaan nog baie leer uit hierdie boek. Ek sal kom vertel.

Groete

Toortsie