Verslawing is ‘n verskriklike ding

Verslawing is ‘n verskriklike ding. Dit maak nie saak wát die verslawing is nie, dit steel by jou.

Nie alle verslawings is ooglopend sleg nie. Ongelukkig is hy geslepe en is sy doel om beheer oor jou te neem. Jy raak sy onderdaan en almal moet toegee aan sy vereistes.

Soms kan verslawing ‘n persoon se hele persoonlikheid verander dat dit onmoontlik raak om met die persoon saam te leef. Die persoon raak dalk ‘n boelie wat almal om hom stukkend slaan sodra die substans oorneem. Maar dis genadiglik nie altyd die geval nie.

Soms is die verslawing regtig ‘onskuldig’, soos byvoorbeeld koffieverslawing. Wat kan nou daarmee verkeerd wees? Solank dit net by ‘n koffieverslawing bly.

Of rook. Wat is nou daarmee verkeerd? Ja, dis nie altyd lekker vir die nie-rokers in die omgewing nie, maar rook kalmeer die persoon, so hoekom kla daaroor? Behalwe natuurlik dat jou hele liggaam vergiftig word en jy longkanker kan kry. Keelkanker.

Dwelms. Ja. So maklik kom die verslawing, selfs van een keer se gebruik.

Kalmeerpille. Pynpille. Voorskrifmedisyne. Energiedrankies.

Kosverslawing. Ek ken hom. Ooglopend onskuldig, maar stilletjies neem hy jou lewe oor, neem hy jou gesinsgeluk oor. Steel hy van jou en almal om jou. Raak dit vir jou en almal om jou ‘n ongemaklikheid. Beïnvloed dit hou hele gesin se bestaan, vakansies, manier van leef, dit wat ons mag sê en nie mag nie. Steel dit jou gesondheid.

Drankverslawing. Alles draai om nog ‘n glasie, nóg ‘n bottel. Ja, nie almal raak bakleierig nie, sommige bly die dierbare teddiebeer wat hy is, maar die drank steel en steel en steel. Dit maak die organe siek. Dit steel die persoon se werk, sy konsentrasievermoë, sy vaardighede, sy denkvermoë.

Elektronika.

Skuld. Ja, mens kan verslaaf raak aan skuld en nooit genoeg kry nie.

Die probleem is dit: Niemand van ons weet voor die tyd hoe ons liggaam op ‘n sekere substans gaan reageer nie. Byvoorbeeld drank: Die een persoon kan elke dag sy glasie drink en kom niks daarvan oor nie, die ander persoon het slegs een glasie nodig om aan te hou en aan aan te hou en nie op te hou voor ‘n sekere vlak van alkohol in sy liggaam is nie. En die behoefte raak mettertyd meer en meer en meer. Verslawing is ‘n progressiewe siekte wat erger raak, selfs al gebruik jy nie die substans nie.

Verder lei die een verslawing tot die ander. Die skynbaar onskuldige verslaafdheid lei tot die volgende een wat nie so onskuldig is nie. Dit breek ons liggame en ons selfbeheersing, ons selfvertroue, af, en kort voor lank het ons die volgende substans nodig om ons te help staande bly.

Verskriklik belangrik: Verslawing tref nie net slegte mense nie. Elkeen van ons is moontlike teikens van die verslawingsduiwel. Goeie mense, dierbare mense, Chrisenmense, raak verslaafdes.

Dit breek my hart. Mag ons sterk staan teen die kloue van die verslawingsduiwel. Mag ons die moed aan die dag lê en werk maak van ‘n verslawing wat ons dalk het om dit te oorkom. Mag ons die krag hê om ‘n verslaafde in ons gesin goed te hanteer.

Toortsie

Toortsie by Finesse: Trots op my dorp

Toortsie se Facebook Page

Toortsie se Bantingresepteboeke Facebook page

TPM Transformasie Gebedsbediening Bredasdorp en Riversdal Facebook Page

Toortsie’s English Blog Posts

Kruinsig Plaasakkommodasie, Riversdal

Toortsie by Finesse voelgoed tydskrif

Radio Tygerberg resensie

Advertisements

Suikerverslawing

Alkoholisme is’n progressiewe siekte. (Ek hoop ek het nou die regte woord gebruik!) Oor tyd raak dit erger en erger, selfs al drink die persoon glad nie. So sou ‘n persoon vir jare ophou drink, en hy begin weer, is hy baie vinnig weer op die vlak waar hy opgehou het en selfs erger.

Ek weet nog te min van suikerverslawing om so ‘n stelling daaroor te maak, maar ek wonder baie daaroor. Kom ‘n mens ooit heeltemal oor jou suikerverslawing? Raak ‘n mens ooit heeltemal genees van jou kosverslawing? Hierdie laaste twee verslawings wat ek hier noem, is wat ek het (gehad het).

Beide hierdie verslawings van my is onder beheer. Ek Bant immers al twee en ‘n half jaar! Ek smag nie meer heeldag na soetgoed nie en ek eet en eet en stop nie meer alles wat voorkom in my mond nie.

Tog is die tekens van beide steeds daar! Ek kry steeds soms baie lus vir soetgoed en dan maak ek onmiddellik vir my ‘n Bantingvriendelike iets sodat ek nie dalk iewers struikel oor regte suiker nie. Maar as ek dan kyk hoé ek daardie soetding hanteer, kan ek nie help om te wonder oor beide verslawings nie!

Ek twyfel steeds oor xylitol en oor hoé veilig dit regtig is, maar ek is steeds uiters dankbaar vir die kruk om op te steun. Die verslawing is beslis minder, ek eet nie meer elke dag, selfs elke week soetgoed nie, maar dis steeds daar. 

Die kosverslawing is ook aansienlik minder, maar ek is nog nie daar waar ek slegs twee maal per dag eet nie. Baie dae eet ek my drie keer en klaar, maar sekere dae wil ek heeldag peusel.

En dis hiér waar ek dan dankbaar is vir Banting. Dankbaar dat daar kos is wat ek mág eet, dat ek my nie hoef te weerhou net om in ‘n slaggat te trap en weer totaal beheer te verloor nie.

Vrydag het ek die Bantingkaaskoek in Toortsie se Bantingboerekosboek gemaak. Ek en my man het korte mette met hom gemaak. Ek het nie een oomblik skuldig gevoel nie, want alles daarin is goeie kos, toegelate kos, nie ‘n spul leë suikers vol kilojoules nie. Nee, dit bevat vullende bestanddele. Toe die kaaskoek op is, het ek bevredig gevoel en nie een oomblik skuldig nie, want ek het niks verkeerds gedoen nie!

Dankie tog dat daar ‘n manier is om my kos- en eetverslawing te beheer!

Banting werk vir my, maar onthou, voor jy dit begin doen, spreek eers jou dokter. Elke persoon doen dit op eie risiko.

Toortsie

Post of the day: Yellow.  What is more yellow than the cheesecake from Toortsie’s Banting Bash?

madele_resepteboek_photographybylize-117
Banting kaaskoek uit Toortsie se Bantingboerekosboek.

Toortsie se Bantingboerekosboek Facebook page

Toortsie se  Facebook page

Finesse Blogger of the week

Finesse: Is ek te laat vir ‘n nuwejaarswens?

Toortsie by Pinterest