Die vesel…. en die dikderm….

(Ek het aanvanklik hierdie bloginskrywing geskryf toe ek nog “gebalanseerd” geëet het. Intussen het ek die Banting leefstyl begin volg en eet nie meer kosse soos droë boontjies, aartappels, rys, ens nie. Ek het dit nou, op 17 Feb 2016, meer Bantingvriendelik gemaak. Nadat ek al vir 18 maande Bant, is die stysel-inligting wat ek voorheen hierin gegee het, irrelevant. Lees gerus ook aanvullend HIERDIE EEN . Ek glo dat die verhoogde vetinname asook die verhoogde groente-inname baie help. Ek het geensins ‘n verswakking wat spysvertering aanbetref, ervaar nie. )

Ons almal weet dat vesel belangrik is in ons diëet. My pa het op sy boeremanier verduidelik dat die vesel jou derms kielie en dit dan aanmoedig om hulle werk te doen. 😆 Of dit medies korrek is, weet ek nie, maar dat vesels beslis iets doen, is gewis. Ek het ook al gehoor dat die vloeistof wat jy inneem, maak dat die vesel swel, en dit jou versadiger laat voel. Of ek dit reg verduidelik, weet ek ook nie, maar as ek ‘n gedroogde perske in water laat lê, sien ek hoe hy weer swel en groot word. En ‘n droë boontjie …

Vesel laat jou beslis versadig voel, en hou jou langer vol dat jy nie so gou weer na kos smag nie. (Intussen het ek geleer dat VET die eintlike hongerdemper is.)

Ekself het ‘n baie lui dikderm. Dit kan soms dae neem voor hy wakker skrik…. 😯 Uit eie ondervinding het ek ‘n paar dingetjies daaromtrent geleer. MOENIE KNYP NIE!! If I wanna go, I wanna go! Al moet jy verskoning maak aan die etenstafel, of jouself vir ‘n oomblik verskoon uit ‘n belangrike vergadering….. MOENIE KNYP NIE!!

Growwe kos is ‘n MOET. Die mens is ontwerp dat hy moet kou, omdat, terwyl hy kou, die kos met die speeksel meng, wat baie belangrike verteringsensieme het. Mens kan baie maklik en vinnig ‘n  sagte ding afsluk, selfs vleis, maar ‘n lepel vol growwe kos wil GEKOU word!! Met REDE!! 😉

Vars vrugte en groente bevat baie vesel, en vir verslankers is dit baie belangrike kos. Neute en sade doen wondere. Ek gooi sommer Ultimate Seed Mix oor die eiers terwyl dit nog aan die bak is.

Oefening. Soos my ma sê, as jy oefening doen, kom jou metabolisme aan die gang. Onthou, hierdie is nie ‘n mediese skrywe nie, so as ons dit op die boeremanier verstaan, verskoon asb! Doen die oefening net matig! Moenie as jy 70 kg oorgewig is, skielik ‘n marathon gaan hardloop nie! As jy totaal uit oefening is, begin stadig en met min en vermeerder jou oefening soos jou liggaam jou toelaat. Ons drawwers het destyds ‘n reël gehad, en dit geld ook met stap: Jy moet steeds kan praat sonder om totaal uit asem te raak. Moenie dit oordoen nie!

Ek is baie bang vir purgasiemiddels. Ek glo dit kan die situasie vererger. As jy dit regtig moet gebruik, gebruik dan iets natuurliks, soos, ek dink senna. Vital het ook ‘n rooibostee vir hardlywigheid.

Eet rustig. Moenie die kos inprop nie. (Toortsie, HOOR JY?)….. sodat jou hele liggaam kan ontspan, jou kos kan verteer, en jy kan KOU! Dis ook ‘n feit dat die spysvertering baie beter reageer as ‘n mens rustig om ‘n tafel sit en kuier en gesels terwyl jy eet, eerder as om jou kos iewers in stilte af te jaag.

Water, water, water!!! Jy kan nie daarsonder nie.

veseltoorts

Groete,

Toortsie

Toorsie se Faceboekblad.

Toortsie se Bantingboerekos Faceboekblad.

Bestel Toortsie se Bantingboerekos hier.

Toortsie se Bantingstories gelys by Pinterest

12718121_1537873029840317_5777716569469283944_n

The English version, Toortsie’s Banting Bash with easy farmhouse cooking will be available soon, hopefully in July 2016.

Toortsie's Banting Bash Nr 1