Wat tik mense by die soekenjins in om by hierdie blog uit te kom?

Wat tik mense in om by ons blog uit te kom?

“Mondelinge onderwerpe”. Lank gelede het ek geskryf oor onderwerpe waaroor ek as kind moes praat. 40 Jaar later het dit sekerlik baie verander. Ek voel mondelingonderwerpe moet op laerskoolvlak binne die kind se ervaringswêreld wees. In die hoërskool, dink ek, kan dit meer uitdagend raak sodat die kinders ‘n bietjie navorsing kan doen. My groot pleidooi bly steeds: Mammas, dis nie JULLE taak om die mondeling te skryf nie, dis jou KIND se taak en as JY dit skryf, ontneem jy jou kind ‘n geleentheid om sy eie verstand te gebruik en ontwikkel. Moenie van jou kind ‘n papegaai maak deur net te herhaal wat jy sê nie. Klaar gepreek! Watter voorstelle het julle vir mondelingonderwerpe?

Taste Life - Healing the Wounded
Taste Life – Healing the Wounded
“Here, help my“. Hier is groot nood in ons ou wêreld! Mense weet nie meer watter kant toe nie. Ek hoop en bid dat die persone wel by iets of iemand uitkom wat hulle kan help. Tans lees ek hierdie fantastiese boek van Francois Mostert, Taste Life – Healing the wounded Ek besef net al hoe meer dat ons onsself sal móét bemagtig. Eerstens doen ons dit deur daagliks by God aan te klop, maar dit help ook om boeke te lees wat ons van lewenshantering leer.

Iemand vra: “Hoe begin jy ‘n nuwe blog?” Toortsie het jare gelede al hieroor geskryf. Maar Toortsie het nie net hieroor geskryf nie, so met die tyd het sy verskillende blograad uitgedeel. Kliek ‘n bietjie HIER. Ek sien daar is alreeds 80 bloginskrywings wat blograad bevat. Genade, Toortsie!?

Raad vir muise in jou huis.” Muise en rotte bly maar net ‘n probleem, en ekself het regtig nie raad nie! Maar al wat ek weet, hulle is NIE die liewe diertjies wat kinderboeke probeer voorstel nie. Muise en rotte dra siektes aan en verniel jou goed. So, as hulle in jou huis is, moet hulle uitgeroei word! Klankmasjientjies? Gif? Katte? Peppermentgeursel op watte? Valletjies, lyk my, werk nog die heel beste, want ‘n dooie muis is ‘n dooie muis is ‘n dooie muis. Lok uile na jou tuin toe! Watter raad het julle?

Hoe werk jongmense se koppe?” Ek weet nie, ek het ook nie al die antwoorde nie, maar hulle wil graag erken word as mens, te midde van al hulle onsekerhede en vrese. Maak ‘n tiener jou vriend, dis die moeite werd!

Het julle raad vir hierdie een? “Hoe kry jy kinders uit die huis wat nie werk nie en klaar is met skool?” 

Daily prompt: Overwhelming. Sometines, keeping up your blogging may be overwhelming, but most times it is pure pleasure. 

Groete

Toortsie

Toortsie se Bantingboerekosboek Facebook page

Toortsie se  Facebook page

Finesse Blogger of the week

Finesse: Op jou merke!

Toortsie by Pinterest

Toortsie by LCHF E-zine: Oorvol, maar steeds honger

 

 

 

Advertisements

Wie is ons?

Die Kameel, die Toorts en die Bokbaai…..   Na aanleiding van ‘n vragie van Lekkerjeuk, “Is jy skisofrenies of drie blogs in een. Myselwers sal ek koekoes raak om daarmee kop te hou.”, skryf ek hierdie een. Diegene wie nou al lank hier lees, ken ons verhaal, maar vir die nuwes onder ons vir wie dit dalk verwarrend kan wees….

Ek, Toortsie, het die blog so 2 jaar gelede begin. Intussen het Kameel, vir wie ek nie in persoon ken nie, by verskillende blogs begin reageer in haar facebook-profiel. Ek het vreeslik gewonder oor waar hoor iemand wat nie self blog nie, van ons? Ons het met mekaar begin gesels deur fb se ‘inbox’, en later was ons selfs fb vriende. (Ek WEET ‘n mens maak nie fb vriende met mense wie jy nie ken nie!!! 😯 ) Iewers het ons ‘n aanknopingspunt gehad, en kort voor lank het ek haar genooi om hier te kom skryf.

Intussen het ek en Bokbaaivygie, ‘n vriendin uit my hoërskooljare, heerlik gesels, en hier is sy nou ook!!

Dis ‘n groot besluit om iemand te nooi om ‘n blogmaat te word. Dis amper soos ‘n huwelik. Daarom moet jy baie mooi dink voor jy dit doen. Maar ek is nie een dag spyt dat ek dit gedoen het nie. Alhoewel ons al drie se lewens totaal van mekaar verskil, ons in verskillende denominasies in die kerk is, het ons een groot gemene faktor: Ons liefde vir God. Ons vul mekaar aan. Daar is geen reël oor wanneer wie mag skryf nie. Elkeen skryf wanneer sy wil, waaroor sy wil.

Hoe doen jy dit? In die instrumentepaneel, redelik onder, is ‘n Icon, “users”. Kies Invite new. Daar vul jy die persoon se epos-adres in, ‘n boodskap vir hom/haar, en die rol wat jy vir hom/haar gee. Jy kan daar gaan lees van die verskillende rolle, maar jy kan kies tussen:

  1. Administrator, wie, soos jy, alles kan doen en verander op die blog. Maak maar eers seker of julle goed regkom, voor jy hom/haar ‘n administrator maak.
  2. Editor. Soos ek dit verstaan kan ‘n editor publiseer, verander aan enige pos, ook aan joune.
  3. Author. Hy/sy kan sy eie goed skryf, publiseer, verander soos hy wil, maar nie aan joune raak nie.
  4. Contributor. Hy kan sy goed skryf, maar jy moet dit eers goedkeur voor dit gepubliseer kan word.
  5. Follower. Iemand wat jou blog volg, en ingeskryf is daarvoor.

Op hierdie stadium voel ek ons blog is “vol”. Ek sal nie nog iemand bynooi nie, dan raak dit regtig verwarrend. Maar begin jou eie blog! Dis so lekker!!

Groete

Toortsie

Bloghulp – hoe verander ek ‘n skrywe, en kategorieë; Reblog

Iemand het vir my twee vragies gevra, en gelukkig ken ek toe die antwoord !! :mrgreen:

Maar, voor ek jou antwoord, wil ek eers ‘n klein stukkie raad gee. As jy kommentaar lewer, en jy het ‘n blog, is dit baie belangrik om die adres van jou blog in te vul by die lyntjie wat vra vir jou URL. Op so ‘n manier weet ek dan ook hoe om by jou blog uit te kom, want ek kliek net op jou naam, en siedaar!! 🙂

Hoe verander ek aan ‘n reeds gepubliseerde stuk?

Ek neem aan dis ‘n gepubliseerde stuk van jou eie op jou eie blog. Jy kan nie aan iemand anders s’n verander nie. 😉 As jy kyk onderaan die stuk wat jy geskryf het, staan daar as volg: This entry was posted in Blogging, Lawwighede; Tong-innie-kies. Bookmark the permalink. Wysig

Kliek net op Wysig, en dan kan jy verander wat jy wil. Onthou net om dit dan weer te “update”.

Jy kan dit ook verander in jou instrumentepaneel.  Aan die linkerkant van die skerm is daar mos ‘n lysie met “icons”. Derde van bo af is so ‘n aansteekspykertjie. Kliek op dit, op All Posts. Dan maak al jou skryfsels oop, en jy kan dan daarby ook op wysig kliek.

Kategorieë

As jy in die funksie, New Post, is, kan jy sien daar is ‘n afdeling “All Categories”. Jy kliek net op die blou +Add New Category. Daar sal dan ‘n blokkie verskyn waarin jy die naam van jou kategorie invul. Regs daarvan is “Add New Category” wat jy net kliek.

Sou jy alreeds so ‘n kategorie hê, merk jy eenvoudig in die blokkie. Onthou, as jy reeds ‘n skryfsel gepubliseer het, sonder ‘n kategorie, sal daar ‘n blokkie wees by uncatogized. Sodra jy dit dan wel kategoriseer, onthou om die merkie uit te haal.

Klaar gepubliseerde skrywes se kategorie kan baie maklik sommer in die instrumentepaneel verander word. All posts. Kliek op post. Quick edit. Verander kategorie daar. ‘n Nuwe kategorie kan ook daar geskep word. By die aansteekspeld is die funksie Categories.

Repost
(‘n derde vragie wat bygekom het.)

Dis ‘n funksie wat ek nog nooit gebruik het nie. Soos ek verstaan, kan jy as jy ‘n WordPress blog lees, dit repost deur eenvoudig die “repost” bo-aan die blady te druk. Dit behoort dan by jou te verskyn. As jy in ‘n ander blogruimte (?), soos Litnet geblog het, sou ek voorstel dat jy dit “copy”, en hier “new post” kliek en dit eenvoudig “paste”. Jy sal wel hier en daar nog iets self moet doen, soos die titel van die skrywe, en foto’s weer oplaai.

Toortsie

Ns. Nog steeds die lang ou uitgerekte skrywe oor hoe om ‘n blog te begin.

Bloghulp

Ná Kameel se diep roerende storie van gister, voel ek skoon oneerbiedig om nou oor iets anders te skryf!!

Hierdie stuk skryf ek omdat ek sien dat daar maar klein goedjies is waarmee nog gesukkel word rondom die skrywery op ons blogs. Al hierdie punte wat ek aanraak, is na aanleiding van ‘n vraag wat iemand vir my gevra het. Die slimmes kan hierdie skryfsel maar blaai!! 😆 Ek skryf hier vir mense soos ek wat ook maar die goed stap vir stap moes leer…

TAG

As jy van iemand skinder of skryf, MOET jy die persoon tag. Of, as jy na ‘n ander skryfsel verwys. As jy net die persoon tag, laat weet WordPress nie altyd vir daardie persoon dat hy genoem is in iemand anders se blog nie. Jy doen dit deur op die TITEL van die skryfsel waarna jy verwys, of sommer enige skryfsel, te kliek.  Dan “copy” jy die adreslyn van hierdie skryfsel. Die adreslyn is daar waar jy intik waarheen jy wil gaan, ❓ heel bo-aan jou bladsy. Die adreslyn (URL) word ingekleur, regskliek op dit, en kies “copy”.  Nou gaan jy na jou skryfsel. Kleur op jou skryfsel die woord in wat verwys na die persoon/skryfsel. Dan kyk jy bo-aan is ‘n lysie “icons”. Kies die een wat soos ‘n kettingkie lyk. Daar maak ‘n skermpie oop. By URL is ‘n blou ingekleurde blokkie. Regskliek OP DIE BLOU en sê PASTE!! Al wat jy nog daar moet merk is “open in a new window”. “Voeg koppelaar by” of “save” en dis klaar!

KOMMENTARE OP JOU EIE BLOG

As jy in jou “instrumentepaneel” of “dashboard” is, kan jy die kommentare die beste sien. Dan sien jy sommer as iemand op ‘n ou skryfsel van jou ook kommentaar gelewer het. Maar jy sien nie die volle kommentaar nie!! 😦  Onthou julle die foto-boekies wat ‘n mens gekry het? Die woorde is so in ‘n wolkie gesit? Nou kyk, aan die linkerkant van die skerm, lyk my dis die 7e prentjie, is so ‘n wolkie. Kliek daarop! Dan maak die volle kommentaar oop. Dan kan jy verander daaraan as jy sou MOET.

OM FOTO’S KLEINER TE MAAK

Ons het almal te goeie kamera’s. As jy ‘n foto wil oplaai, is dit goed om dit eers kleiner te maak. As jy nie “photoshop” of een van daardie programme het nie, is dit nie die einde van die wêreld nie!  Voor jy die foto “groot” oopmaak op jou rekenaar, regskliek op die foto wat jy wil laai. Kies “open with”. Kies “Microsoft Office Picture Manager”.  Dan “edit pictures”, dan “resize”, dan  “predefined width x height”,  kies “web-large”; en OK. Nou is jou foto klein en laai sommer maklik op.

As jy nog stap vir stap goed wil lees, kliek hier. En as jy wil weet waaroor EK al alles gewonder of geskribbel het oor blogging, lees hier.

Ek hoop ek kon IEMAND help!! Dis vir my lekker om iemand te kan help! 😆

Toortsie

Wisselende “headings”

Hierdie is deel van die skrywes vir ons “ouer” mense, ons wie nie grootgeword het met rekenaars nie. So asseblief jonges wie met rekenaars gebore is, blaai maar hierdie een!

Ek reageer op ‘n vraag van Seegogga. Hoe kry mens dit reg dat die foto’s bo-aan jou blog verander.

Eerstens moet jy ‘n tema kies wat ‘n “custom header” het. Een wat toelaat dat jy jou eie foto mag opsit.  Jy kies “Appearance”, dan “Themes”.  Ek gebruik “Twenty Ten by the WordPress Team.”

Kies dan “Header”. Onthou om jou foto wat jy bo-aan wil sit eers kleiner te maak.  By “upload image” kies jy Browse en kies jou foto. Upload.  Op dieselfde manier laai jy al die foto’s op wat jy as “headers” wil gebruik. En dan kies jy “random” en al die foto’s wat jy opgelaai het, maak beurte om te verskyn. So maklik!!  😆

As daar ‘n foto is wat nie so mooi is nie, kies jy in die kantlyn “media” en “library”. Kies die foto’s wat jy wil afhaal en “delete”.

Om stap vir stap te sien hoe om ‘n blog te begin, kliek hier.

Groete, Toortsie