Selfs in die dorp

…kry ‘n mens mooi sonsondergange

Hoe Groot is U.

Toortsie

Toortsie by Finesse: Op die spore van die meesters met Uber

Toortsie se Facebook Page

Toortsie se Bantingresepteboeke Facebook page

Toortsie’s English Blog Posts

Kruinsig Plaasakkommodasie, Riversdal

Toortsie by Finesse voelgoed tydskrif

Transformation Prayer Ministry: Bredasdorp en Riversdal

Advertisements

Bekeerde basaarganger

‘n Bekeerde basaarganger, dis wat ek is! Genade! Waar het ek die pot só mis gesit vir soveel jare?

Die basaar het 9 vm begin en ek daag toe 11 vm daar op, ek het nog eers ‘n hele klompie goetertjies gehad om te doen.

Hierdie gesig begroet my:

En daar raak ek aan die kuier en gesels en half een moes my man my daar wegsleep.

Ek het net een klagte, maar volgende jaar sal ek sorg dat dit reggestel word: Ek het heeltemal te laat gegaan! Volgende jaar sal ek 9 uur daar wees en luister hoe die dominee amen sê.

Bekeerde basaarganger, sowaar! Dis lekker om semi-dorpenaar te wees!

Toortsie

Toortsie by Finesse: Het jy ‘n stilwordplekkie?

Toortsie se Facebook Page

Toortsie se Bantingresepteboeke Facebook page

Toortsie’s English Blog Posts

Kruinsig Plaasakkommodasie, Riversdal

Toortsie by Finesse voelgoed tydskrif

Transformation Prayer Ministry: Bredasdorp en Riversdal

Vandag is dit basaar

As klein kind was ek mal oor die basaar. Ek het dit geniet, al die lekkers, die popklere, die opwinding. My ma het tafelsvol koeke gebak, ek vermoed daar was ‘n onderlinge kompetisie tussen die tannies oor wie die meeste koeke bak.

Toe raak ek groot en trou en as brandarm, jong getroude, moes ek iets maak vir die basaar en my oulike idees wat ek in my kop gehad het, was nie so oulik in my hand nie. Ek dink ek was skaam omdat my goed geflop het en die mense sou skinder en ek was ongemaklik met wat ek koop en net daar het ek besluit, ek hou nie van basaar nie.

Vir jare lank het ek gevoel die opwinding rondom die basaar is laf, en as ek diep dink, was dit my eie onsekerheid wat dit veroorsaak het.

Rondom die finansies van ‘n basaar het ek ook my eie gedagtes gehad.

Tog steek ons jaar vir jaar sosaties in vir die basaar en geniet ons die saamwees en saamwerk daaraan. En God werk aan my hart:

Basaar hét ‘n doel. Vir baie mense is dít die manier wat húlle kan werk en bydra tot God se Koninkryk. En basaar gaan, behalwe vir die fondsinsameling, oor die saamwees, die saamkuier, die gemeenskap van gelowiges tot eer van God.

Deesdae is ek mos soms ‘n dorpenaar en een van my voornemens toe ek dorp toe getrek het, was om deel te neem aan dit wat die dorp bied, wanneer ek kan.

Dus, vandag gaan ek en my manlief basaar toe. Ons gaan daar kuier en gesels met die mense. Ons gaan lekker middagete daar koop en lag en gesels en met ‘n heerlike hart huis toe kom vanmiddag. Vir die oumas sal ek basaarkoek neem.

Raai, ek is nogals opgewonde daaroor!

Groetnis

Toortsie

Toortsie by Finesse: Het jy ‘n stilwordplekkie?

Toortsie se Facebook Page

Toortsie se Bantingresepteboeke Facebook page

Toortsie’s English Blog Posts

Kruinsig Plaasakkommodasie, Riversdal

Toortsie by Finesse voelgoed tydskrif

Transformation Prayer Ministry: Bredasdorp en Riversdal

Aangepas op die dorp?

Dis ‘n vraag wat ek baie kry: Bly julle nou lekker op die dorp? Dan sê ek, wanneer ons hier is, is dit lekker, maar ek het mos eintlik wieletjies onder my boude, sien!

Hier is ‘n paar vreemde aanpassinkies wat ons moes maak, goed wat seker algemeen vir dorpenaars is, maar nie noodwendig so algemeen vir plaasjapies nie.

Wie was jou kar? Seker jyself, soos ek ook in my jongdae gedoen het? Ek het net regtig nie meer tyd om dit te doen nie, die dag of wat wat ek by die huis is, hardloop ek van bakboord na stuurboord om alles gedoen te kry wat gedoen moet word, amper soos ‘n koshuiskind. Besef julle dat hier nog gordyne is wat nie gehang is nie? O, die kar. By ons Checkers se parkeerterryn is gelukkig ‘n Melvin. Ek dink sy naam is Melvin. Vriendelike man. Donkiejare gelede het hy altyd met sy fiets gekom en kom vra of hy nie ons lorries kan was nie, en nee, daai tyd het Klaas dit gedoen. As Melvin klaar is met jou kar, dan blink hy behoorlik! Maar wat doen jy intussen solank die kar gewas word?

Ek het mos eintlik net een hond wat skielik twee geword het, omdat ons gedink het sy het kanker en nie lank sou leef nie. Gelukkig was dit net ‘n onskadelike vetgewas, maar nou het ek 2 groot honde, en as dit hoe is, kuier my seun se hond ook hier. Julle! Die poef-oorlog is VERSKRIKLIK in ‘n stukkie dorpserf! Dit voel soms of dit my totaal gaan oorweldig, ek kan net nie voorbly nie! Drie honde wat mors! Twee jong honde wat alles opvreet wat hulle sien en en en …

Wat maak ek met my honde as ons gou vir ‘n nag iewers moet heen en hulle kan nie saamgaan nie? Ai tog, dan word hulle koshuisbrakke en dit doen nie altyd die mamma se hart goed nie.

Vullissake uitsit is nie so moeilik nie, en snaaks genoeg, die dorpshonde pla nie snags té veel nie. Mens hoor ook nie regtig karre ry nie. Om altyd met jou hond aan ‘n leiband te loop, is nié so lekker nie, maar daaraan kan mens ook gewoond raak. Ai toggie en die alarm, wat my honde enige tyd van die nag aktiveer as hul op patrollie loop!

Dis beslis ‘n aanpassing dat hulp nie net ‘n radioroep ver is nie, maar mens kom daarsonder ook reg en genadiglik was hier nog nie ‘n spinnekop nie, ek dink ek sal dan die sekuriteit moet bel! Daar was nog iets groots, maar nou kan ek nie onthou nie.

Ja, ek bly lekker op die dorp as ek hier is, dankie. Ek kan bietjie later slaap vir kerk, selfs al speel ek die Sondag en vroeg daar moet wees.

Toortsie

English Blog Posts

Toortsie se Bantingboerekosboek Facebook page

Toortsie se  Facebook page

Finesse Blogger of the week

Toortsie by Finesse: Netwerk 

Toortsie by Pinterest

Plaasakkomodasie by Riversdal, Wes-Kaap

 

Oor koshuise en kennels

Ek het een dag op facebook gevra of mense ons dorp se hondehokke, man, kennels, kan aanbeveel.

Al antwoord wat ek gekry het, was mense wat gesê het ek moet eerder iemand kry wat by ons honde bly as ons weggaan. Niemand het iets te sê gehad oor die kennels self nie.

Maar ek het mos deesdae wieletjies onder my boude!

As ons pendel, is die hondekinders nie ‘n probleem nie, hulle pendel saam. Die probleem ontstaan as ons gou skielik ‘n nag moet uitslaap om watter rede ook al.

Wie vra jy elke keer om by jou hondekinders te kom bly?

Toe ons nog op die plaas gewoon het, was rondrits geen probleem nie. Hondekind het net by die huis gebly. Die katte was daar en die persoon aan diens het gesorg dat sy versorg was.

Een aand, kort nadat ons ingetrek het in die dorpshuis, moes ons noodgedwonge uitslaap. Die verwers was nog daar tot 5 nm en môre-oggend 7 vm sou hul terug wees. Hul sou seker maak dat hondekind kos het, sy het haar hok, so hoe moeilik kan dit nou wees?

Daardie nag het daardie buurt nie geslaap nie! As sy nie hartverskeurend gehuil het nie, het sy teen die deure opgespring en die alarm geaktiveer. Die alarmmense geen rus of duurte gehad nie! En ek was buite selfoonsein. Chaos was nie die woord nie!

Elke keer wat so ‘n situasie opduik, staan ons voor dieselfde probleem: Vir wie kan ons vra om by die honde te kom bly?

Tot daardie Saterdag wat ek die dip vang en vasgevang voel deur my omstandighede en my honde.

Ek is mos ‘n fixer en daardie Maandag klim ek in die kar en ry kennels toe om ondersoek in te stel. Vriendelike mense. Skoon hokke. Lief vir diere. Wat meer het jy nodig?

Ek het hul nou al meermale gebruik en ons gaan nou ou vriende word, sien ek sommer!

Wat het dit het koshuis te doen?

As ek sou vra of ek my kinders in die koshuis moet sit of nie, sal ek ook ‘n wye verskeidenheid goedbedoelde antwoorde kry, afhangende van die omstandighede! 😁

So ja, soms gaan my hondekinders vir ‘n naggie koshuis toe, is heel tevrede om daar af te klim, baie bly as ek terugkom en ek gaan met ‘n geruste hart waarheen ek ook al moet gaan. Die geriewe ís dan daar! Hoekom dit nie gebruik nie?


En hier is hulle veilig terug by hulle mamma. Xx

Toortsie

English Blog Posts

Toortsie se Bantingboerekosboek Facebook page

Toortsie se  Facebook page

Finesse Blogger of the week

Finesse:  Koop tyd

Toortsie by Pinterest

Plaasakkomodasie by Riversdal, Wes-Kaap