Toortsie se Bantingstorie LCHF

Ek vra om verskoning vir die gereelde lesers op hierdie blog, julle ken my storie uit julle kop uit, maar ter wille van toevallige besoekers plaas ek graag my Bantingstorie in ‘n neutedop.

Nadat ek al soveel verslankingsprogramme met sukses gevolg het, net om kort daarná die gewig weer op te tel, en selfs meer gewig as wat ek verloor het, was ek moedeloos. Ek was vetsugtig (obese) en weekliks het my gewig net meer en meer geword.

Ek het ook geglo dat ‘n mens net ‘gebalanseerd’ moet eet, maar balanseerd eet het nie vir my gewerk nie, want ek was ‘n kos- en suikerverslaafde.

Nadat al hoe meer koerante en tydskrifte van Tim Noakes en sy Bantingleefstyl begin skryf het en al hoe meer dokters en hartspesialiste dit begin aanbeveel het en my beste vriende dit begin volg het, het ek oornag oorgeskakel na die Bantingleefstyl.

Dit was vir my ‘n groot kopskuif om al die stysel en suiker uit my dieet te verwyder, en die eerste paar dae was verskriklik erg. Ek het onttrekkingsimptome in ‘n baie erge graad ervaar. Dit was megraine, ek het opgestop gevoel, ek was knorrig, my asem het gestink, wat nog alles, maar na drie dae was alles oor en ek kon binne die eerste week alreeds goeie resultate sien. Banting het beslis vir my gewerk.

Terwyl ek dit slegs gedoen het met die oog op gewigsverlies, het ek soveel meer bygekry. Daar is soveel goed waarop ek nie eers gereken het nie, wat as bonus bygekom het. Ek was gediagnoseer met Metaboliese Sindroom, ek was oorgewig, op die rant van diabetes, my cholesterol was te hoog. Ek het my gesondheid teruggekry. Hier is geen teken meer van diabetes nie en my cholesterol het gestabiliseer. Waar ek altyd moeg en honger was, voel ek nou gesond, energiek, en kon ek al soveel van my medikasie los, met goedkeuring van my dokter. Met 18 kg gewigsverlies voel ek goed in my lyf, ek kan amper enige iets dra en hoef nie meer agter vormlose klere weg te kruip nie. Ek kan die wêreld met vreugde in die oë kyk, met lewenslus en met selfvertroue. Dan het daar nog twee resepteboeke ook uit hierdie leefstyl gevloei.

Ek kyk nie een oomblik terug nie. Ons eet heerlik, die beste wat ek nog in my lewe geëet het, behalwe natuurlik toe ek nog in my ma se huis was. Banting het beslis vir my gewerk.

Wil jy nie ook JOU LCHF (Banting) leefstyl met ons deel nie? Skryf maksimum 400 woord een e-pos dit asseblief vir my na madeleburger@gmail.com. Ek sal dit graag hier op die blog wil plaas. Lees gerus ander persone suksesstories HIER. 

Groetnis

Toortsie

Toortsie by Finesse: Die waarde van my bidboek.

Toortsie se Facebook Page

Toortsie se Bantingresepteboeke Facebook page

TPM Transformasie Gebedsbediening Bredasdorp en Riversdal Facebook Page

Toortsie’s English Blog Posts

Kruinsig Plaasakkommodasie, Riversdal

Toortsie by Finesse voelgoed tydskrif

Radio Tygerberg resensie

Danie se Bantingstorie LCHF

Reblogged vanaf Coetzeeblog met Danie Coetzee se toestemming. Ek het dit ietwat verkort, die hele verhaal kan op sy blog gelees word. Kliek net op hierdie skakel.

Ly jy soms aan ‘n doodse moegheid? ‘n Hartklop wat weghardloop? Bloeddruk, beide tellings, onder ‘n honderd?

Hierdie is maar net die persoonlike ervaring, waaruit ander dalk iets kan leer en spaar, of ten minste die mediese fondse. Belangriker, die vermyding van onnodige stres, oor wat dalk ‘n ernstige siektetoestand kan wees.

Ongeveer 18 maande gelede het ek ‘n probleem begin ontwikkel, wat my en die dokters laat glo het dat ek ‘n hartprobleem het. Plaaslik, uit radeloosheid, twee kardioloë, twee algemene praktisyns, en een algemene praktisyn in Suid-Afrika besoek. Simptome, somtyds, daardie uiterste moegheid, na tien treë, moes ek rus en die weghol hartklop. Soms beter en soms, baie erg.

Natuurlik, die eerste wat die dokters voorstel, EKG. Bestudeer hulle, die rolletjie papier se grafiek, frons, krapkop? Jou hart is gesond en toon geen teken van ‘n probleem nie. Skryf ‘n ligte bloeddrukpilletjie voor en neem af en toe AAS, of te wel Acido Acetil Salicilico, asperine. So gemaak, geen verbetering nie.

‘n Jaar gelede. Kuier in SA, vir die familiefees. Die susters en niggies hang uit met al die lekker disse. Ryk en lekker. Baie erg, die moegheid. Oorweeg dit om vir die kinders verblyf te vra? Ek kan nie in hierdie toestand dit waag, alleen, op ‘n vliegtuig nie.

Skielik, op ‘n dag, gaan daar ‘n liggie aan. Het iets ryk geeet, het die hartklop en lae bloeddruk, baie erg. Kry iewers koeksoda, na 15 minute, byna normaal. Die oorsaak lê by die kos! Skryf op, wat was op die spyskaart die afgelope tyd. Baie soetgoed, baie meel.

Waarvoor is Google, daar? Net vir sulke gevalle. Gluten, per toeval, eerste op die lys. Simptome van gluten intoleransie. Lyk asof hulle daarvan wegskram om dit ‘n allergie en klaar te noem. Die tiende punt, presies wat ek beleef. Altyd, gedink, die gluten ding is sommer net ‘n ding. Skynbaar toe nie. Lyk ook of dit erger is in produkte, brood, wat uit die bakhuise kom, waar daar allerhande preserveermiddels gevoeg is, om die raklewe te verleng. Pure gif.

Die giftige meel en suiker gelos en ek is ‘n ander mens. Baie dankie!

Sal jy asseblief ook jou Bantingstorie vertel? Hoekom het jy begin met LCHF? Wat was die resultate? Skryf in Afrikaans of Engels en e-pos dit aan madeleburger@gmail.com. Maksimum 400 woorde. Ek wil dit graag hier op die blog plaas. Lees gerus ander se suksesstories HIER. 

Toortsie by Finesse: Stel jou voor!

Toortsie se Facebook Page

Toortsie se Bantingresepteboeke Facebook page

TPM Transformasie Gebedsbediening Bredasdorp en Riversdal Facebook Page

Toortsie’s English Blog Posts

Kruinsig Plaasakkommodasie, Riversdal

Toortsie by Finesse voelgoed tydskrif

Radio Tygerberg resensie

Bregda se Bantingreis

My reis met LCHF het begin in Februarie 2016.

Oktober elke jaar doen ek die jaarlikse doktersondersoek as geskenk aan myself vir my verjaarsdag. Ek het my lewe lank lae bloeddruk gehad. Maar hierdie keer was anders.

Ek was reeds op medikasie vir hoë colestrol, spastiese derm, anti depressante, cortisoon inspuitings vir tendontenites in my regtervoet se hak en migraine. Nou hoë bloeddruk.

Ek het vir google gevra….what to do about high blood pressure. Ek het youtube verorber…..lesing na lesing. En elke keer duik LCHF op.

Ek was kant en klaar ge-dieet. Alles al probeer van Lae vet geen vet, kos afweeg, dag vir dag porsies, droeë provitas, skommels, pille, stropies, inspuitings ens.

Toe begin ek met klein veranderings. Bestudeer die lyste. Sny suiker en gluten uit. Raak ontslae van alle verbode items in my huis. Dit het so drie maande gevat om die nuwe leefstyl onder die knie te kry.

Ek is ñ 100% Banter. Dit maak my sosiaal baie onaanvaarbaar. Uiteet is ook vir my moeilik. My gestel is baie sensitief. Ek voel baie sleg as ek selfs klein hoeveelhede verbode bestandele inneem. Dit maak my hondsiek.

Vandag neem ek geen medikasie nie. Al my kwale is volkome genees. Ek doen selfs vier keer per week ons stofpadstap (5km)

Ek het geleer dat gluten-intolleransie kos-allergie veroorsaak. Ek was allergies vir vis. Dit het begin met skulpvis en uiteindelik kon ek geen vis meer eet nie. Na twee jaar van LCHF eet ek weer vis met géén newe effek nie…..só dankbaar.

My lewe het handomkeer verander. Ek is n “Banter for life” Sal nooit weer anders eet nie.

Ps: Ek doen nie die weeg ding nie….glad nie. Ek is groot van postuur, dra nr 9 skoen, sal nooit klein fyn en petite wees nie. Ek het van ñ nr 22 broek na ñ 14 verander, voorheen het ek gemaakte klere gedra.

Bregda Mostert

Koringberg

Vertel ons asseblief jou Bantingverhaal in 400 woorde. Hoekom het jy begin. Wat was die uitdagings? Wat het jy gewen?

E-pos dit aan madeleburger@gmail.com sodat ek dit hier op my blog kan plaas.

Johanna se LCHF-verhaal

Ek het hierdie verhaal ge-reblog, met haar toestemming, vanaf binnekanttoe.

My gesin se banting-pad het drie jaar gelede begin, omdat my diabetiese man se huisdokter beslis het dat hy moet begin om homself daagliks met insulien in te spuit as gevolg van sy liggaam se onvermoë om bloedsuikervlakke te reguleer. Banting het homself as ‘n baie doeltreffende werktuig in die verband bewys. Hoewel my man steeds medikasie vir diabetes gebruik, het hy nou minimale diabetes simptome. Die beste deel is dat sy bloedsuikervlakke in so ‘n mate gestabiliseer het, dat sy dokter nooit weer die moontlikheid van insulien-inspuitings op die tafel geplaas het nie.

Ek het van die begin af besef dat my man die nuwe eetpatroon nie op sy eie gaan baasraak nie. Ons leef dus as gesin vir die afgelope drie jaar grootliks styselvry. Dit voel steeds byna onwerklik om te dink dat ons vir so lank al slegs by streng uitsondering rys, pasta, aartappel en brood eet; waar die kossoorte voorheen ‘n hoeksteen van ons dieet was.

Al wat my nog regtig pootjie, is wanneer iemand ons vir ete nooi en ‘n eenbakgereg voorsit, wat dit dus feitlik onmoontlik maak om die styselporsie van die hand te wys. Gelukkig bied die meeste restaurante deesdae ‘n alternatief van slaai, groente of patatskyfies as bygereg, in die plek van die gewraakte tjippies. Die alternatiewe is nie net gesonder nie, dit smaak boonop nou vir my baie lekkerder.

Ek mis geensins die styselporsie in my bord nie, en dit sal nooit weer ‘n gereelde toevoeging tot my dieet wees nie. Ek het voorheen erg met pynlike en ongemaklike simptome van ‘n spastiese dikderm gesukkel, wat met die banting eetplan byna heeltemal die wyk geneem het.

Ek het ‘n jaar in my banting-leefstyl in, my dokter besoek om my cholesterol-vlakke te toets, aangesien ek ‘n familie-geskiedenis van hartprobleme het. Tot my groot skok het my dokter bevind dat my cholesteroltelling op 6.8 inderdaad te hoog was. Darem nie so dat ek onmiddellik chroniese medikasie daarvoor moes begin gebruik nie, maar nietemin iets om van bewus te wees en dop te hou. Ek het pet e-pos by professor Tim Noakes om raad aangeklop, en hy het my verseker dat ‘n hoë cholesteroltelling niks is om oor bekommerd te wees nie, en dat ek moes voortgaan met die banting-eetplan. Ek was egter nie gerus nie. Ek moet noem dat ek nie ‘n idee het wat my pre-banting cholesteroltelling was nie. Ek kan dus nie op redelike wyse aanvoer dat die banting eetplan ‘n toename in cholesterol tot gevolg het nie.

Lees gerus die res van haar storie HIER.

Ek wil ook graag JOU LCHF-storie hier op my blog plaas. Skryf in 400 woorde, in Afrikaans of Engels: Hoekom het jy met LCHF (Banting) begin? Wat was vir jou moeilik? Wat is jou LCHF geheim? E-pos dit aan madeleburger@gmail.com. Ek mag dit taalkundig edit as ek sou wou en die finale besluit of ek dit gaan plaas, berus ook by my.

Lees gerus die ander LCHF suksesstories HIER.

Groetnis

Toortsie

Toortsie by Finesse: Op die spore van die meesters met Uber

Toortsie se Facebook Page

Toortsie se Bantingresepteboeke Facebook page

Toortsie’s English Blog Posts

Kruinsig Plaasakkommodasie, Riversdal

Toortsie by Finesse voelgoed tydskrif

Radio Tygerberg resensie

Helen’s LCHF Story

Helen Fenwick

Age 65

“You are not fat so why are you Banting?” I am often asked this question and yes – I’m not fat.  I’m also healthy.   But that’s because I have always watched my weight.  Name any diet and chances are I’ve tried it!

At 18 and 1.65m,  I weighed 60kg.    I gained 10kg during my student years.  During the last term of my third year, aged 21, I crashed dieted down to 58kg.  Since then my weight has constantly fluctuated between 58 and 64.   As soon as I go off a diet, it slowly creeps up and then it’s back to another diet. In my younger days, exercise and dieting were just part of my life. I had two choices – Diet or Get Fat.  For many years before Banting, I followed a low-fat diet which was better than all the other fad diets I tried. But I missed the fat on chops and the skin on then chicken so often cheated on the 3g of fat per 100g of product rule. I would maintain for a while but then my weight creep up until I disciplined myself again.   The problem with all the diets I tried was that they never satisfied my food cravings nor my hunger.

Then a friend lent me “The Real Meal Revolution” by Prof Tim Noakes, Sally-Ann Creed, Jonno Proudfoot and David Grier

On Saturday 25 April 2015, I weighed 62kg.   While drinking a cup of coffee and nibbling a rusk, I sat reading The Book. My first aha! moment –– Carbohydrates make you hungry! I threw the rusk away. It was poison and the reason for my life-long weight battle!  At that moment I became a Banter!

It was easy. I had no sugar withdrawal symptoms, my food cravings disappeared and I was not hungry between meals.  The other startling fact that I learned from The Book was:  You can live without carbohydrates but you will die without fats.  And I was trying so hard to cut out the life-giving fats!

If an occasion demands I indulge in a non-banting meal or snack but I am always disappointed in the taste.   I don’t miss carbs because fats are so delicious and satisfying.  In 9 months I dropped to 55kg and I’ve remained there.  Banting is not only for weight loss, it’s for general well-being too.  I am 65, full of energy and don’t need any chronic medication.

……………………………………………………………………………….

Thank you, Helen, for your wonderful story.

I invite you to write your LCHF success story in Afrikaans or English, maximum 400 words. I want to put it on this blog, toortsie.com.

Tell us why you started the LCHF lifestyle, what obstacles you had to overcome, what benefit you received from doing this lifestyle.

Please email it to madeleburger@gmail.com

The final decision is with me whether I’m going to publish it or not.

Thank you so much

Toortsie

Toortsie by Finesse: Op die spore van die meesters met Uber

Toortsie se Facebook Page

Toortsie se Bantingresepteboeke Facebook page

Toortsie’s English Blog Posts

Kruinsig Plaasakkommodasie, Riversdal

Toortsie by Finesse voelgoed tydskrif