Een dag in die stad

~ Toortsie

Een dag in die stad is genoeg. Dít sê ek tien oor nege die oggend al terwyl ons in die verkeer sit en die dag lê nog voor. Dankie tog dat ek nie bestuur nie en kan sit en konsentreer op my hekelwerk.

Ons moet oor ‘n uur by ons bestemming wees wat nie soveel kilometers is nie en glo darem dat ons betyds sal wees. Alhoewel… teen tien kilometer per uur is stap dalk die beter opsie!

Dankie tog vir koerierdienste. Dankie tog vir internetbestellings wat ons lewens soveel makliker gemaak het. Wat help dat ons nie vir elke bakatel hoef stad toe te ry nie. Wat beteken dat elke pakkie op die koerier se bussie eintlik ‘n hele voertuig minder op die pad is. En die taxi’s wil ‘n mens moedeloos maak. Hul druk eenvoudig net in. Maar sê nou elkeen van daardie mense het ook nog in ‘n kar op sy eie gesit? Hoe het dit dan gelyk?

Maar soms, net soms, is dit wel nodig dat jy stad toe moet gaan. As kind was ek bang vir die middestad. As jongmens was dit ‘n opwindende dag as ek sou stad toe kom. Maar vandag? Net as dit regtig nodig is.

En tog hou ek daarvan om die stede van die wêreld te kan besoek. Iemand vra my nou die dag, in watter wêreldstad sal ek graag wil woon. Ek slaan ‘n ‘blank’. Wêreldstad? Nog nooit só daaroor gedink nie! Enige plek, solank ek net veilig voel. So ‘n rukkie later antwoord ek weer: Enige plek, maar verkieslik ‘n kleiner plattelandse dorp. Ek glo dat ek, as ek my die tyd sal gun, sal kan aanpas op enige plattelandse dorp. Ek sal die handwerkdames loop uitsnuffel en vra of ek deel van hulle mag word.

Maar vir eers bly ek net waar ek is en ek hoop dat die Here dit vir my moontlik sal maak om nog laaaaank daar te mag bly.

Toortsie

Gepubliseer deur Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

16 thoughts on “Een dag in die stad”

  1. Ek voel nes jy oor stad toe gaan, Toortsie. Mag ek asb net by die huis bly. Watter wêreldstad? Sê bietjie in watter Europese land jy jouself kan sien.

    Liked by 1 person

    Antwoord

      1. Ek was nog net in Italië, so ek het geen mening oor Europa nie. Suid-Oos Asië? Tussen Kambodja, Hong-Kong, Singapore, Thailand, Maleisië en Indonesië, wen Bangkok loshande. Ja sowaar, Bangkok van alle plekke. Wens so ek kan eendag weer daar uitkom.

        Liked by 1 person

        Antwoord

  4. Ek’s met jou Toortsie – as ek kan, hou ek ver verby die stad! Die Kaap is so mooi vir my … maar na ‘n dag of drie is ek reg om platteland toe te wyk! Hoe gaan daai liedjie: “As ek moeg word vir die lewe in die stad, lok my die wandelpad ….”

    Liked by 1 person

    Antwoord

  6. Ek was in my lewe al in STAD (Johannesburg en Pretoria) en in erge platteland… nee, eintlik bos. Die gejaag in die stad en baie verkeer, is nie lekker nie. Maar wat die bly deel betref, stem ek saam met jou… net waar ek veilig kan slaap. Uiteindelik, het ek gevind, is mens gelukkig waar jy is, as jy in jouself gelukkig is. ‘n Voorstad in ‘n stad, word later soos ‘n klein gemeenskappie… soos ‘n klein dorpie, met die voordeel van dokters en winkels om die hoek.

    Liked by 1 person

    Antwoord

Gesels saam, asseblief!

Verskaf jou besonderhede hieronder of klik op 'n logo om in te teken:

Gravatar
WordPress.com Logo

Jy lewer kommentaar met jou rekening by WordPress.com. ( Log Out /  Verander )

Facebook photo

Jy lewer kommentaar met jou rekening by Facebook. ( Log Out /  Verander )

Kanselleer

Connecting to %s