Ek kom net nie by blogs uit nie. Ek kom nie by lees uit nie. Ek kom nie uit nie, wil ek amper bysê. En ek het altyd gesê dat ek nie soos een van daardie vroutjies wil word wat die hele tyd net met ‘n gemaakte sug probeer vertel hoe verskriklik besig hulle is nie. Besig wees is vir my goed. Ek funksioneer gewoonlik beter as die adrenalien pomp. Maar dan moet ek self die adrenalien laat pomp en nie deur ander gedruk word nie, want dan kook die adrenalien gewoonlik uit en is dit ‘n vreeslike gemors.
So tussen die kantoorwerk deur, waarby ek eintlik amper nie kom nie, is ek besig om my kreatiwiteit uit te leef wat vir soveel jare onderdruk was. In my besige tyd van mamma wees en die pot aan die kook hou kon ek by soveel goed net nie uitkom nie. En dit is juis in daardie tyd wat my blog ontstaan het omdat ek so ‘n behoefte gehad het om met ander mense iewers te kommunikeer. Sjoe!, en is ek dankbaar vir hierdie blog! Want dit het in vaardigheid in my ontwikkel wat ek nie eers geweet het ek het nie – dit het my geleer om my gedagtes in woorde om te sit. Dit het my leer waag op skryfgebied. Voor ek my blog gehad het, sou ek nie eers daaraan gedink het om aan skryfkompetisies deel te neem nie. En dadelik wil ek bysê: as ek aan enige kompetisie deelneem, is dit nie omdat ek so kompiterend van aard is nie, maar oor die uitdagingsfaktor daarvan. Omdat dit my dwing om my grense oor te steek. Omdat dit my dwing om iets nuuts by te leer. Want gewoonlik is ‘n kompetisie nie net gewoon en reguit en tussen die lyne nie. Daar is altyd een of ander uitdaging aan wat maak dat jy buite die boks moet dink. En is dit lekker daar buite die boks! Julle sal nooit raai nie!
Volgende Dinsdag, 7 Maart om 10 vm, is die dag wat al die VLV artikels moet inwees. En ja, ek onthou dat ek verlede jaar gesê het dat ek my nie weer so gaan druk nie. Wel, dit was verlede jaar! Genade! My oë staan stokstyf in my kop! Want ek hekel en brei en borduur vir ‘n vale om alles voor 7 Maart in te kry. En asof dit nie genoeg is nie, gaan ek vandag nog waag om die winkelsak wat gemaak word van ou dasse (!) te maak. En soos reeds hierbo gesê, is daar altyd ‘n kinkel aan. Want hierdie winkelsak moet ‘n binnesakkie hê en gevoer wees. Sommer net om snaaks te wees het ek vanjaar ook die piekeluitjies gemaak en hoop dat dit darem teen 7 Maart al ryp genoeg sal wees. Maar ek gaan nie die foccacia broodjie maak nie. Netnou verstaan ek daai woord verkeerd en noem die broodjie iets leliks!
Ag, en ek geniet my orrel! En my klavier! Ek neem les en ek oefen my dood, maar dis lekkerder as lekker. Ons beplan weer ‘n konsert in Junie, so ons wikkel!
Dankie vir die van julle wat nog altyd hier lees selfs al kom ek nie nou by julle blogs uit nie!
Dis lekker om te lewe!
Toortsie
Jou stoompot kook en borrel! Ek kan die geur wat loskom byna ruik! Geniet dit
LikeLiked by 1 person
Hoop nie dis ‘n brandreuk nie! 😂
LikeLike
Darem nie😘
LikeLike
😀
LikeLike
Hello Toortsie…. ek glimlag vir jou.
LikeLiked by 2 people
😉
LikeLike
Mqn, as daar nog tyd was het ek die manshemp ook nog gemaak, maar gelukkig stuur die Here toe my kleinkinders om hierdie naweek te kom kuier!
LikeLiked by 1 person
Solank jy vreugde ervaar in dit wat jy doen, is alles mos honky-dory. Geniet dit. Ek verlang eintlik daarna. Jy laat my dink.
LikeLiked by 2 people
Eendag eendag eendag kom dit weer! 😀
LikeLike
Dis ‘n lekker besig wees!
LikeLike
Jy weet mos!
LikeLiked by 1 person
Jy is net jouself, Toortsie, geniet dit!
LikeLike
Soms kan ek erg myself raak, jong, dat ek nie met myself kan huishou nie!
LikeLiked by 1 person
Hier kom jy nou uiteindelik op.
LikeLiked by 1 person
Dit is goed om weer van jou te hoor en om te weet dat al jou besigheid vir jou vreugde bring. Ek wens jou geluk met die kompetiesies 🙂
LikeLiked by 1 person
Dankie! Die kompetisie is eintlik regtig ‘n bysaak. 😀 maar dis heerlik om deel te neem. Ons het ‘n groep handwerkers, die Amigo’s wat mekaar erg inspireer.
LikeLiked by 1 person
Solank jy dit net geniet, die blog(s) gaan nerens en ons sal hier wees. Geniet!
LikeLiked by 2 people
Mooi!
LikeLike
Yougogirl!!! Ledigheid is mos daai ding wat spanning bring!
LikeLiked by 2 people
😀🎈
LikeLike
Lekker gelees Toortsie en jy is reg: die Lewe ís lekker. Ek hoop jy gaan vir ons wys hoe die das-sak uitkom.
LikeLiked by 1 person
Dassesak het nogal mooi gekom. Nog nie heeltemal klaar nie. 😀
LikeLiked by 1 person
Jy is fluks
LikeLike
Eerder laf!9
LikeLike
Dalk net ‘n bietjie 😉
LikeLiked by 1 person
Solank dit net goed gaan Toortsie, is die Kaap Hollands! Sterkte vir al daai projekte … die ding is, jy sou dit verseker nie gedoen het as nie daarvan gehou het nie, dan nie?
LikeLiked by 1 person
Presies net so! Mal daaroor. Gasn dit goed met jou?
LikeLiked by 1 person
Dit gaan goed, dankie Toortsie. Ons het effe van ‘n rowwe begin van 2023 gehad, maar dit gaan nou weer stukke beter, dankie. Baie om voor dankbaar te wees.
LikeLiked by 1 person
Ek is dankbaar dat dit beter gaan.
LikeLiked by 1 person
Besige bytjie
LikeLiked by 1 person
😀❤️
LikeLiked by 1 person
Dit maak my moeg om net te lees van alles wat jy doen
LikeLiked by 1 person
Ek was self ook gisteraand behoirlik moeg en om!
LikeLike
wonderlik dat jy jouself uitleef en in dankbaarheid geniet wat jy doen..
LikeLiked by 1 person
Dankie liewe Bondels.
LikeLike