Gaan mense nog vir ‘n Covid toets? Regtig? Is Covid se angel nie al uitgetrek nie? Covid is só 2021!
Ek hét mos Covid gehad daar in die begintye. Verlede jaar Januarie. Toe die Wes-Kaap behoorlik deurgeloop het. Beta-variant. Toe die hospitale tjokkenblok vol was. Baie mense gesterf het, sommer rondom ons.
Tóé het ek die hele vakansie met asma geloop wat net nie wou gaan lê nie. Soos dit soms maak. En dit erger en erger raak totdat ek op die ou end in ‘n dokter se spreekkamer beland en die asma en al sy maatjies net ‘n slag weer behoorlik op hulle plek sit. Die hele vakansie was dit Natal-weer op Struisbaai. Het die mis gehang. Was die benoudheid daar. Ek vergelyk die Covid simptome met myne – nee, dit stem glad nie ooreen nie.
Tot ek een aand laat besef: Hoor hier, ek is regtig siek. Ek moet by ‘n dokter uitkom. Dokters is vol, maar na baie oortuiging is daar tog ‘n plekkie vir my. Genadiglik. Want toe was dit lankal nie meer asma wat ek het nie. Dit was Covid. Longontsteking in ‘n erge graad. Die Here en liefdevolle dokters trek my deur. My man kapkapkap met bakkieshande op my rug. Vriende dra kos aan.
Intussen hét ek my laat inspuit al het ek gevoel dat die Covid-bul dit reeds gedoen het. Ek het ook daarná met elke variant te doen gekry. My weerstand-rekenaar opdateer.
Ek was vandag vir ‘n Covid toets. Nie regtig gedink dat dit nodig is nie, maar die dokter het gevoel dat dit beter is dat ons dit doen. Want ek voel presies net soos daardie dag. Dalk nog nie heeltemal so erg nie, maar wel. Behoorlik siek. Weer eens asma en sy maatjies wat hulle hand oorspeel vir te lank, dis noual amper drie weke! En ek wás gesond tussenin, maar toe waai die koel luggie in die kerk weer my bors toe en my stem weg.
Al wat ek kan sê: Daar is min dinge so allerheerliks as ‘n NEGATIEWE Covid toets! Sjoe! Ek het NIE COVID NIE! En dat ek reeds op die herstelpad is. En dat ek nie náástenby so siek is as verlede jaar met Covid nie. En dat die Here se genade groot is. Wonderlik groot is. En dat ek ‘n uitstekende dokter het.
Baie stof tot dankbaarheid.
Toortsie
So bly jy het die toets gedop! Word gou gesond
LikeLiked by 4 people
Dankie! Môre dans ek die riel!
LikeLiked by 1 person
Wraggies lekker om ‘n toets te dop! Veral so ‘n toets.
LikeLiked by 1 person
Blij voor Jou dat Je beter bent en dat het geen COVID is.
Want dat is afzien, ik kan er van meespreken.
Groetjes uit Vlaanderen 😀
Theo
LikeLiked by 3 people
Baie dankie! Ja, ek is ook baie bly. Ek glo regtig dat ek redelike goeie weerstand daarteen het, maar tog weet ‘n mens mos nooit.
LikeLike
Dis nou goeie nuus. Ek moes ook nou die dag toets om seker te maak dat dit nie Covid is nie. Dit maak dat mens sommer beter voel as dit negatief is. Die asma is maar n probleem as mens dit gereeld kry. Gelukkig weet jy al wat dit is en dat jy n groeie dr het wat jou ook help. Hoor nounet oor nuus daar is n hospitaal wat gesluit is omdat daar covid besmette mense ingekom het sonder toetse vooraf dat hul siek is.
LikeLiked by 2 people
Sjoe dis jammer oor die hospitaal!! Jy sal nou lag, maar ek besef nie altyd dat dit asma is nie! Maar my dierbare dokter het my nou mooi geleer waarna om te kyk, om sekere medikasie altyd in voorraad te hou en as een nie genoeg is nie, wat nog, ens. Dalk in die toekoms werk dit beter. Maar daar kan nou jare omgaan voor dit weer so erg kom. Genadiglik. En dan het ek al weer vergeet hoe dit werk. Ek dinkek moet ‘n notatjie in my kas plak.
LikeLiked by 1 person
Die nota klink na ‘n goeie idee. Ek is eintlik baie soos jy. Jare gaan verby sonder werklike reaksie en dan skielik eendag is daar net iets wat dit trigger en dit slaan toe soos n klei-os se g..! Het al drie keer by hospitaal gedraai. Nou is ek redelik bedag op hoe dit begin en kan ek dit behandel. Dis belangrik om medikasie by jou te hê. Twee jaar terug moes ek dr toe gaan en hy het vir my weer n nuwe pompie gegee net om dadelik verligting te kry en dit te onderdruk vir n dag of wat. Ek bly maar steeds skrikkerig vir al die medikasies wat hul so gereeld ekstra uittoets.
LikeLiked by 1 person
Ek hoop jy raak gou gesond – jy is eintlik te besig o siek te wees!
LikeLiked by 2 people
Dankie liewe Anne. Sommer al baie beter! Nie slegter soos dit eers met die regte covid gegaan het nie. 😀
LikeLike
Dis nou een van die min kere wat mens waarskynlik gelukkig is om negatief te wees en nie positief nie! Ek hoop jy’s gou beter Toortsie!
LikeLiked by 2 people
Dankie. Net die gedagte maak my alreeds beter! 😁
LikeLiked by 1 person
ek moet nog gaan vir my booster. En my boetie het net ‘n effense loopneus en ligte kopseer. Hy gaan maak seker, net vir ingeval, en daar is dit positief. Kan jy glo. Gelukkig is die erge covid se kiestande getrek en die kleinnefie laat veral die ouer mense net effens sleg voel. maar die jonges? hulle word nou platgetrek. So bly dat jou bors net die “gewone” siekwees is. Kyk maar mooi na jouself.
LikeLiked by 2 people
Dankie. Die bewys dat dit nie covid is nie, is dat ek sommer al stukke beter voel. 😁
LikeLike
Watter broer, Apoeltjie? Ouer een of jonger een? Is hy okay?
LikeLike
Ouer een. Baie lig sover, in dankbaarheid gesê
LikeLike
Ag ek hoop hy voel sommer gou beter.
LikeLiked by 1 person
Baie bly jy is positief omdat jy negatief is. Ek is saam met jou positief. Ek dink daardie “jy is positief” het al ‘n sielkundige uitwerking op mense. Ek’s dankbaar dat ek dit nog nie gehad het nie, en bid regtig dat dit my steeds verby sal gaan. Ons dorp is weer vrot met Covid.
LikeLiked by 3 people
Genadiglik dink ek is Covid se tande redelik getrek. Dis deesdae meer ‘n ernstige griep dink ek.
LikeLike
Bly jy is negatief. Ai, wens ek ons kan ook net dan en wat toets, ek sweer ek hou my neus as jy my 2:30 in oggend wakker maak. Ons was so amper op net elke maand toets, maar is terug elke 2 weke toe. Darem beter as elke 72 uur. En in Dubbels, geen sulke goed nie. Nog net 25 dae totaal en net 19 werksdae….🥳🥳🥳. Maar beste nuus is jy is negatief🥳🥳🥳🥳🥳🥳🥳🥳🥳
LikeLiked by 1 person
Dankie! Rn dit was ‘n sagte toets on my keel. Nie een wat my breins wil laat uitpop nie !
LikeLike
Beter in keel. Begin Mullein drink vir longe, as nie kry nie, coconut olie, 1 eetlepel in oggend, 1 eetlepel in die aand. Het Lauric acid in en maak selle as Mullein.😉🌻( En is baie goed vir mens se brein)
LikeLiked by 1 person
Dankie! Net so? Of warm gemaak? Ek moet weer vet bomme maak om te eet. Dit het ook coconut olie in
LikeLike
Net so, baie goed vir jou. Ooooooo, daar is darem awesome lekker vet bomme. Geniet🌻.
LikeLiked by 1 person
Jip. Sal môre maak 😁
LikeLike
🤤
LikeLike
Dankie. Ek het nou 1 eetlepel klapperolie gesmelt en gemeng met 1 eetlepel neutebotter. Maklik ingeneem.
LikeLike
👍🌻
LikeLike
So bly jy het nie covid nie! Word gou beter! ❤
LikeLike
Baie dankie. Ek is ook bly! Die asma is nou net erg sensitief vir koue. Dit sal oorgaan. 🙂
LikeLike