Kompetisie tot kompetisie

Wonderlike nuus! Die eerste Banting (Keto) gewigsverlieskompetisie loop nou amper tot einde. Dit eindig DV op 30 April en dan gaan ons die wenners aankondig van die verskillende pryse! Dit gaan opwindend wees! 

Daar is egter nog goeie nuus. Die ondersteuningsgroep gaan aangaan vir diegene wat wil aanhou. Daar gaan steeds weeklikse inligtingsessies wees en inweegsessies per whattsapp. Die deelnemers is goed op dreef en die meeste van hulle het die leefstyl goed onder die knie.

Maarrrrrr daar is nóg nuus! Daar begin DV ‘n NUWE kompetisie op 1 Mei en sal loop tot 31 Augustus 2022. Hierdie keer is die inskrywingsfooi R1000 en 30% van die volle inskrywingsfooi van al die inskrywings gaan verdeel word tussen die persoon wat die meeste gewig verloor in hierdie tyd en die een wat die grootste persentasie gewig in verhouding met sy begingewig verloor. 

Ingesluit by hierdie R1000 is ook Toortsie se 3 resepteboeke, weeklikse inweeg- en inligtingsessies deur ‘n gekwalifiseerde Bantingafrigter en ‘n whattsapp ondersteuningsgroep. Alles gebeur per whattsapp wat beteken dat deelnemers enige plek in die wêreld kan woon en steeds kan deelneem. Die voertaal van die groep is Afrikaans. 

Kontak my as jy belangstel. 

Toortsie