Skattejag

~ Toortsie

Hierdie idee het ek by ‘n vriendin gekry, toegepas en dink dat dit ‘n vervolgverhaal gaan word.

Kleingoed kuier by oupa en ouma. Ouma moet plannetjies maak om kleingoed besig te hou. Toe gaan haal ouma ‘n kleine skatkis en skryf ‘n klompie briefies daarin. Nommer die briefies van een af aan.

Die kinders maak beurte om die briefies te lees. Eers gaan soek ons die oupa- en ouma grootjie. Ons volg die instruksies presies. Ry tot by … (dan soek ons die punt) . Draai regs. Ry tot by ‘n vulstasie op regs. Draai links. Stop langs die pad. Koop blomme.

So gaan soek ons in die begraafplaas die oupa en ouma se graf en sit blomme neer. Ons volg die instruksies tot by die veearts, die koöperasie. By die silo’s is die oom so oulik en gaan wys vir ons waar die graan afgelaai word, die kontrolekamer, vertel dat hier 100 silo-buise is, wys die lang silosakke vol graan. Daarná neem die instruksies op die briefies ons na ‘n skrynwerker. By Kapula kerse sien ons die mooiste kerse en koppies wat dieselfde patrone ophet. Die ‘hear no evil, see no evil, speak no evil’ uile is beslis ‘n hoogtepunt. En die goudvisse in die dam ‘n bonus waarop ouma nie gereken het nie. Die volgende briefie neem ons tot by ‘n restaurant met ‘n speelplek, net betyds vir middagete. Daarná lei die instruksies ons tot by die plek waar ons al ons herwinningsvulles moet afgee. Daarná verby die brandweerstasie met nóg ‘n lekker instruksie: soek die helikopter!

Toortsie

Ongelukkig haal die tyd ons in terwyl daar nog ‘n hele klomp briefies in die skatkis is. Die lekker daarvan? Volgende keer kan ons voortgaan en sommer nog baie skatte soek en wie weet, dalk het daar dan sommer nog ‘n klomp nuwe briefies ingekom. Ons moet net onthou waar ons laas gestop het, anders gaan ons verdwaal! (Dit was by die polisie op links.)

Gepubliseer deur Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

23 thoughts on “Skattejag”

    1. Toe my vriendin destyds vertel het dat sy dit met haar kleinkinders gedoen het, het ek ook gedink dit is fantasties. Sy het van vriendin tot vriendin gery en by elkeen het iets gebeur.
      Gisteraand vra hulle my of ons nie dit op die plaas ook kan doen nie. My kop werk nou oortyd, want daar kan ons dit met ons fietse doen. Ek ken net nie die plaas so goed nie en hulle is mos nou by my so dit gaan ‘n bietjie ingewikkeld wees om dit uit te werk.

      Liked by 1 person

      Antwoord

    1. Ja! Dis ‘n lekker manier vir julle om julle omgewing te verken. 🙂
      Dis snaaks hoe ‘n mens se brein werk. Daar is nou soveel plekke waaraan ek dink wat nog kan bykom. Ouma sal beslis nog ‘n hele klompie briefies moet skryf.

      Like

      Antwoord

      1. Die ding met die aanvul maak dat kinders uitsien om uit te gaan saam met jou. Waar ons gaan bly is daar ‘n ou kaasfabriek. Gebou is verwaarloos maar steeds daar. Ook nog ‘n ou saagmeule en dan is daar n ou gebou waar mense nog steeds werk(gaan net gou my seun vra wat hul daar doen) Is ‘n ou army barak wat nou vir houtstoor gebruik word en daars ‘n argief waar goed bewaar word. Ou masjienerie plek. Sommer baie om te kyk.

        Liked by 1 person

        Antwoord

  6. Wat ‘n heerlike speletjie Toortsie! Ek het sommer lus en doen dit met ons vriende wat van ver hier kom kuier … dit kan net ‘n plesierigheid afgee!
    Een van die dae, trek jou kleinkinders permanent by ouma en oupa in 😁.

    Like

    Antwoord

Gesels saam, asseblief!

Verskaf jou besonderhede hieronder of klik op 'n logo om in te teken:

Gravatar
WordPress.com Logo

Jy lewer kommentaar met jou rekening by WordPress.com. ( Log Out /  Verander )

Facebook photo

Jy lewer kommentaar met jou rekening by Facebook. ( Log Out /  Verander )

Kanselleer

Connecting to %s