Strome lewende water

~ Toortsie

Elke jaar tydens die lydenstyd vas ek alle drinkgoed, behalwe natuurlik water. Geen koeldrank. Geen wyn. Geen tee of koffie. Net water. Ek doen dit in herinnering aan my Here wat so swaargekry het en ek moet sê, die bietjie ongerief wat ek verduur hiermee is nie ‘n druppel in die emmer van wat Hy moes verduur nie. Eintlik raak dit tyd dat ek my vas ‘n bietjie moet aanpas, want ‘n mens raak gewoond aan iets en dit raak makliker.

Ek let altyd met meer gespitste ore op as God Homself begin herhaal. Dan weet ek dat daar vir my ‘n boodskap in is en ek moet hoor wat Hy sê. Spesifiek hoor.

Die laaste tyd is wat ek hoor: Jesus. As my man vir ons saans uit die Bybel en dagstukkieboek lees, lê die klem aand vir aand op Jesus. Op wie Hy is. Dat Hy die hoof van die kerk, wat Sy liggaam is, is. Dat Hy die begin en die einde is. Die Een wat uit die dood opgestaan het. Wat die dood oorwin het. As ek voorberei vir die Dienssentrum bybelstudiegroep uit Kolossense, hoor ek net Jesus, Jesus, Jesus. Dat Hy is wie Hy is. Dat Christus ons hoop op die heerlikheid is. Dat ons met Hom versoen is en dat Hy ons, deur Sy dood, heilig en sonder foute en onberispelik voor God kan stel … mits ons in die geloof bly, stewig gevestig en standvastig en nie sal wegbeweeg van die hoop wat die Evangelie bring nie (Kol 1:23). Werk ek deur Openbaring, is die refrein maar weer daar … Jesus, Jesus, Jesus. Hy is die Een wat waardig is om die boekrol oop te maak. Ons moet dit nooit vergeet nie. Ons moenie lou raak nie. Afdwaal nie.

Terwyl ek die water so drink voel ek hoe my liggaam gereinig word van al daardie gifstowwe wat ek tog maar inneem. Ek drink wel gewoonlik die dieetkola wat 100% gif is en noudat ek net water drink, kan ek die verskil duidelik voel.

Strome lewende water sal deur jou binneste vloei … en jou reinig van alle ongeregtigheid …

Toortsie

Gepubliseer deur Toortsie

'n Flitsliggie wat oral inskyn, ook waar dit soms ongemaklik is... A Flashlight whose light shines everywhere, even on places where it is not so comfortable.

14 thoughts on “Strome lewende water”

  2. Toortsie, ek weet nie of jy hd boek al gelees het nie: Just give me Jesus, geskryf deur Anne Graham Lotz (Thomas Nelson Publisher).
    “So who is Jesus? What is there that makes Him so compelling that .. a Yugoslavian nun would give her life to comfort the dying in Calcutta for His sake? .. some of the world’s most beautiful art was created to honor Him? .. some of the world’s most glorious music was written to praise Him? .. Aleksandr Solzhenitsyn, rotting in a Siberian work camp said the very thought of Him was enough to keep his sanity?.. ”
    Bybelstudie meestal vanuit die Evangelie van Johannes. Die skryfster (dogter van Billy Graham) is baie prakties en eerlik oor haar persoonlike worstelinge en beskryf hoe Here Jesus haar gehelp het deur alles wat sy beleef het.
    Dis een van daardie boeke wat maklik lees en mens wil dit nie neersit nie. Ek het nog net ‘n deel gelees en dis reeds so ‘n groot seën vir my.

    Liked by 2 people

    Antwoord

Gesels saam, asseblief!

Verskaf jou besonderhede hieronder of klik op 'n logo om in te teken:

Gravatar
WordPress.com Logo

Jy lewer kommentaar met jou rekening by WordPress.com. ( Log Out /  Verander )

Facebook photo

Jy lewer kommentaar met jou rekening by Facebook. ( Log Out /  Verander )

Kanselleer

Connecting to %s