My eie tyd

My eie tyd – Me-time

Elke mens het eie tyd nodig en dit is regtig nie die geval dat ek te min daarvan het nie. Eintlik is elke dag myne waar ek kan maak en doen wat ek wil. Met inaggenome my man en die bietjie werk wat ek het.

Die hele tyd by die see is ons so geseënd, ons kinders en kleinkinders was die hele tyd saam met ons. Waarvoor meer kan ek vra? Ek en die kleinkinders kon op ons fietse rondry, maar soos die verkeer meer geraak het, het die strate wat ons kon ry, minder geraak. Heeltemal te min het ons langs die see gaan stap of sommer net by die poele en rotse gaan rondkyk. Heeltemal genoeg mytyd was vir my gegun. Ons het ook ‘n kleinkind ryker geword en hoe wonderlik was dit om ook vir hom en sy pappa en mamma vir ‘n paar dae hier te kon hê. Dit was lekker om hom beter te leer ken.

En toe, skielik is almal terug na hulle huise toe en manlief op sy weeklikse pendel plaas toe. Ek het gevra om nog hierdie week tuis te bly voor die jaar weer in volle swang begin. En skielik het ek al die tyd vir myself. En gooi ek my program 100% om. Ek neem ‘n middagslapie tot half sewe die aand. Borduur tot twaalf uur die nag, doen dan nog eers my rugoefeninge wat so agterweë kan bly, begin skryf aan ‘n kortverhaal vir Ink, gaan bad en slaap teen twee uur. Om die volgende dag eers half elf uit die bed op te staan. Dan rustig langs die see te gaan stap met my hond, te sit op een van die bankies langs die see en sommer net met God te gesels soos lank laas. By die huis kry ek lang tyd met my God, skryf in my bidboek, lees die Woord. Ek borduur verder, en teen die aand besef ek dat manlief nog ‘n dag op die plaas sal wees. Ek was die ruite om die see beter te sien, skink ‘n blikkie wyn – terloops, dit maak ‘n groterige wynglas net mooi vol, borduur weer eens, doen ‘n lesing van my lank vergete kortverhaalkursus, werk aan my Ink-verhaal … gaan slaap weer eens twaalf uur.

Me-time. Almal van ons het soms so ‘n tyd nodig. ‘n Tyd van herlaai. ‘n Tyd vir dink. Madeleine Venter het juis so mooi geskryf oor dinktyd, gaan lees dit gerus.

Wag, laat ek gaan kossies maak! My man moet mos een of ander tyd terugkom! My batterye is weer op en top.

Toortsie

15 thoughts on “My eie tyd

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s