Ontmoetings

Soms, voor blogmaats mekaar ontmoet, mag dit vreemd voel, maar as mense mekaar eintlik al so goed en so lank ken, selfs al het julle mekaar nog nooit amptelik ontmoet nie, is dit net opwindend en glad nie vreemd nie.

Ons, dis nou ek en my manlief, kuier ‘n bietjie in die ‘bo-wêreld’. Ek het mos my drie goetertjies ingeskryf vir Ink se kompetisie – dis nou ‘n kortverhaal, my ballade en my lawwe limerieke. En al drie is mos opgeneem in hulle twee bundels, Inkspraak 2. Gisteraand was die Prestige Gala-geleentheid en ek en manlief was so bevoorreg om dit te kon bywoon. Wat ‘n pragtige geleentheid!

Anzé Bezuidenhoud het die droom gehad om Ink te stig met die doel om Afrikaans te bevorder. Tans is daar al meer as 1000 deelnemende Ink-lede wat maandeliks gedigte, rubrieke, kortverhale skryf.

By hierdie geleentheid sit ek langs ‘n oulike dame. Ons gesels te heerlik. Wel, ek hét haar glas appelsap omgegooi, maar sy sê, dis reg. Aan die einde van die aand vra ek haar of sy nie blog nie. Já, sê sy, by WordPress. En raai wat, ek volg haar blog al lankal! Wat ‘n heerlike ontmoeting!

En vandag kuier ‘n paartjies van ons Goue Vroue toe té lekker saam. Nee wat, ons was glad nie vreemd nie, selfs al het van ons mekaar nou vir die eerste keer ontmoet. Ons ken mekaar mos immers al lankal, of hoe?

Toortsie

16 thoughts on “Ontmoetings

  1. Wat ‘n wonderlike geleentheid (die gala aand bedoel ek nou) … en dan die lekkerte om “ou vriende” vir die eerste keer te ontmoet.
    Interessant dat jy hierdie onderwerp aanraak Toortsie, ek en nog ‘n blogger vriendin het juis hierdie week vir die eerste keer ontmoet (in regte lewe oor ‘n koppie) en wat ‘n heerlike gesels het dit afgegee!

    Liked by 2 people

  2. Ek het net verlede week ‘n mede blogger vir koffie ontmoet en ons het so lekker gesels asof ons al jare vriende is! So drie jaar gelede het ek in Kaapstad ‘n blogger ontmoet wat regom die wereld in ‘n seiljag gevaar het! Was so ‘n belewenis en ons het ook gekuier asof ons mekaar al lank ken!

    Liked by 2 people

Gesels saam, asseblief!

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out /  Verander )

Google photo

Jy lewer kommentaar met jou rekening by Google. Log Out /  Verander )

Twitter picture

Jy lewer kommentaar met jou rekening by Twitter. Log Out /  Verander )

Facebook photo

Jy lewer kommentaar met jou rekening by Facebook. Log Out /  Verander )

Connecting to %s